Payyanad Stadium (7)

സന്തോഷ് ട്രോഫി: മഞ്ചേരി ഒരുക്കം തുടങ്ങി

ആദ്യമായി മലപ്പുറത്തേക്കെത്തുന്ന സന്തോഷ് ട്രോഫി ഫുട്‌ബോളിനെ സ്വീകരിക്കാന്‍ പന്തുകളിയുടെ നാട് ഒരുങ്ങുന്നു. സന്തോഷ് ട്രോഫിയുടെ ദക്ഷിണമേഖലാ റൗണ്ട് ജനവരി 15ന് തുടങ്ങാനാണ് അഖിലേന്ത്യാ ഫുട്‌ബോള്‍ ഫെഡറേഷന്റെ നിര്‍ദേശം. സ്‌പോര്‍ട്‌സ് കൗണ്‍സിലിന്റെ മഞ്ചേരി പയ്യനാട് സ്‌റ്റേഡിയത്തിലാണ് ചാമ്പ്യന്‍ഷിപ്പ് നടത്തുന്നത്. മൂന്നാഴ്ചയില്‍ കുറഞ്ഞ സമയംകൊണ്ട് ചാമ്പ്യന്‍ഷിപ്പിനുള്ള ഒരുക്കങ്ങള്‍ പൂര്‍ത്തിയാക്കാനുള്ള ശ്രമത്തിലാണ് ജില്ലാ ഫുട്‌ബോള്‍ അസോസിയേഷനും ജില്ലാ സ്‌പോര്‍ട്‌സ് കൗണ്‍സിലും.

എന്നാല്‍ നേരത്തെ പറഞ്ഞതില്‍ നിന്ന് വ്യത്യസ്തമായി ടീമുകളുടെ എണ്ണം കൂട്ടിയതും മല്‍സരം രണ്ടു പൂളുകളിലാക്കിയതിന്റെയും ആശയക്കുഴപ്പം ജില്ലാ ഫുട്‌ബോള്‍ അസോസിയേഷനുണ്ട്. കേരള ഫുട്‌ബോള്‍ അസോസിയേഷനില്‍ നിന്ന് ഇതുസംബന്ധിച്ച വ്യക്തത വരുത്തിയശേഷം ടീമുകള്‍ക്കുള്ള ക്രമീകരണങ്ങള്‍ ചെയ്യുമെന്നാണ് ജില്ലാ ഫുട്‌ബോള്‍ അസോസിയേഷന്‍ പറയുന്നത്. കേരളം അടക്കം ഏഴു ടീമുകളാണ് സന്തോഷ് ട്രോഫിയുടെ ദക്ഷിണ മേഖലാ റൗണ്ടില്‍ മല്‍സരിക്കുന്നത്.

ഫെഡറേഷന്‍ കപ്പ് ഫുട്‌ബോള്‍ വന്‍വിജയമാക്കിയ മലപ്പുറത്തിനുള്ള മറ്റൊരു സമ്മാനമായിട്ടാണ് കേരള ഫുട്‌ബോള്‍ അസോസിയേഷന്‍ ഇവിടേക്ക് സന്തോഷ് ട്രോഫി അനുവദിച്ചിരിക്കുന്നത്. കാണികളുടെ നിറഞ്ഞ പങ്കാളിത്തം ഉറപ്പുള്ള മഞ്ചേരി സ്‌റ്റേഡിയത്തില്‍ ഫ്ലഡ് ലൈറ്റ് അടക്കമുള്ള സൗകര്യങ്ങള്‍ ഏര്‍പ്പെടുത്താനുള്ള ശ്രമങ്ങള്‍ സ്‌പോര്‍ട്‌സ് കൗണ്‍സില്‍ തുടങ്ങിക്കഴിഞ്ഞു. ഫെഡറേഷന്‍ കപ്പ് ഫുട്‌ബോളിലേതുപോലെ താത്കാലിക ഫ്ലൂ്‌ലൈറ്റ് സംവിധാനമാകും സന്തോഷ് ട്രോഫിക്കും ഏര്‍പ്പെടുത്തുന്നത്.

മുന്‍ ചാമ്പ്യന്‍മാരായ സര്‍വീസസും പോണ്ടിച്ചേരിയും കൂടി വന്നതോടെ ഏഴു ടീമുകളാണ് മഞ്ചേരിയില്‍ പോരാട്ടങ്ങള്‍ക്കെത്തുന്നത്. കോട്ടപ്പടി മൈതാനിയിലും കൂട്ടിലങ്ങാടിയിലും മഞ്ചേരിയിലും പരിശീലനത്തിനുള്ള സൗകര്യങ്ങള്‍ ഏര്‍പ്പെടുത്താനാണ് ആലോചിക്കുന്നത്.

ദിവസേന രണ്ടു മല്‍സരങ്ങള്‍ വീതമാകും മഞ്ചേരിയില്‍ നടക്കുന്നത്. ആദ്യ മല്‍സരം നാല് മണിക്കും രണ്ടാമത്തെ മല്‍സരം 6.30നും തുടങ്ങാനാണ് സംഘാടകര്‍ ലക്ഷ്യമിടുന്നത്. കേരളം, കര്‍ണാടക, ആന്ധ്രപ്രദേശ്, ആന്‍ഡമാന്‍ എന്നിവര്‍ ഒരു പൂളിലും തമിഴ്‌നാട്, സര്‍വീസസ്, പോണ്ടിച്ചേരി എന്നിവര്‍ മറ്റൊരു പൂളിലുമായിരിക്കും മല്‍സരിക്കുന്നത്. ഫിക്‌സ്ചര്‍ പ്രകാരം കേരളം ആദ്യ മല്‍സരത്തില്‍ ആന്ധ്രപ്രദേശിനെ നേരിടും.

saritha-devi-web

സരിതാ ദേവിക്ക് വിലക്ക്

ന്യൂഡൽഹി: ബോക്‌സിംഗ് താരം സരിതാ ദേവിക്ക് വിലക്ക്. ഒരു വർഷത്തേക്കാണ് വിലക്കേർപ്പെടുത്തിയത്. ഏഷ്യൻ ഗെയിംസ് മെഡൽ നിരസിച്ചതിനെ തുടർന്ന് അന്താരാഷ്ട്ര ബോക്‌സിംഗ് അസോസിയേഷനാണ് വിലക്കേർപ്പെടുത്തിയത്. സമ്മാനദാനച്ചടങ്ങിനിടെ പരസ്യമായാണ് സരിതാദേവി തനിക്ക് ലഭിച്ച വെങ്കലമെഡൽ നിരസിച്ചത്. തന്നെ പരാജയപ്പെടുത്തിയ കൊറിയൻ താരത്തിന് മെഡൽ നൽകാൻ ശ്രമിക്കുകയും ചെയ്തിരുന്നു. ഈ പെരുമാറ്റമാണ് നടപടികളിലേക്ക് നയിച്ചത്. സരിത മെഡൽ നിരസിച്ചത് കടുത്ത അച്ചടക്ക ലംഘനമാണെന്നായിരുന്നു രാജ്യാന്തര ബോക്‌സിംഗ് അസോസിയേഷന്റെ വിലയിരുത്തൽ. സംഭവത്തേത്തുടർന്ന് സരിതയെ രാജ്യാന്തര അമച്വർ ബോക്‌സിംഗ് അസോസിയേഷൻ സസ്‌പെൻഡ് ചെയ്തിരുന്നു. സരിതയുടെ 3 പരിശീലകർ ഉൾപ്പെടെ നാല് പേരെയായിരുന്നു സസ്‌പെൻഡ് ചെയ്തത്. സരിതയെ പിന്തുണച്ച് ക്രിക്കറ്റ് ഇതിഹാസം സച്ചിൻ തെണ്ടുൽക്കർ രംഗത്തെത്തിയിരുന്നു. പ്രതിസ്ന്ധിയുടെ ഈ ഘട്ടത്തിൽ രാജ്യം സരിതക്ക് ഒപ്പം നിൽക്കണമെന്ന് അന്ന് സച്ചിൻ അഭ്യർത്ഥിച്ചു.

header2
1418763328blasters
ഐ.എസ്.എൽ: കേരളാ ബ്ളാസ്റ്റേഴ്സ് ഫൈനലിൽ

സചിൻ ടെൻഡുൽക്കർ ഉടമയായ കേരളാ ബ്ളാസ്റ്റേഴ്സ് പ്രഥമ ഇന്ത്യൻ സൂപ്പർ ലീഗ് ഫുട്ബോളിന്രെ ഫൈനലിൽ പ്രവേശിച്ചു. ഒന്നാംപാദ സെമിയിൽ എതിരില്ലാത്ത മൂന്ന് ഗോളിന്രെ വിജയം നേടിയതിന്രെ അമിത ആവേശത്തിൽ രണ്ടാംപാദ സെമിയിൽ കളിക്കാനിറങ്ങിയ കേരളത്തിന് തികച്ചും അടിപതറി. നിശ്ചിത സമയത്ത് ഏകപക്ഷീയമായ മൂന്ന് ഗോളുകൾ നേടി ചെന്നൈയിൻ എഫ്.സി മറുപടി നൽകിയപ്പോൾ മത്സരം എക്സ്ട്രാ ടൈമിലേക്ക് കടക്കുകയായിരുന്നു. എക്സ്ട്രാ ടൈമിൽ സ്റ്റീഫൻ പിയേഴ്സൺ കേരളത്തിനു വേണ്ടി ഭാഗ്യഗോൾ സമ്മാനിച്ചപ്പോൾ ആദ്യപാദ സെമിയിലെ മൂന്ന് ഗോളും ചേർത്ത് 4-3ന് കേരളം ഫൈനലിലേക്ക് യോഗ്യത നേടുകയായിരുന്നു.

ചൊവ്വാഴ്ച കളത്തിലിറങ്ങിയ ചെന്നൈയിനു മുന്നിൽ നാല് ഗോളുകളുടെ കൂറ്റൻ വിജയമായിരുന്നു ലക്ഷ്യം. എന്നാൽ പ്രതിരോധം ശക്തമാക്കുക എന്നതു മാത്രമായിരുന്നു കേരളത്തിനു മുന്നിലുണ്ടായിരുന്ന വെല്ലുവിളി. കേരളത്തിന്രെ ഗോൾമുഖത്തേയ്ക്ക് ചെന്നൈയിൻ താരങ്ങൾ നിരവധി ആക്രമണങ്ങൾ നടത്തിയെങ്കിലും 76ാം മിനിട്ടിൽ കേരളത്തിന്രെ സന്ദേശ് ജിൻഗൻ സെൽഫ് ഗോളടിക്കുന്നതു വരെ ഒരു ഗോൾ മാത്രമായിരുന്നു ചെന്നൈയിനിന്രെ സന്പാദ്യം. തുടർന്ന് പ്രതീക്ഷ തിരിച്ചുകിട്ടിയ ചെന്നൈയിൻ 90ാം മിനിട്ടിൽ മൂന്നാമത്തെ ഗോൾ കേരളത്തിന്രെ വലയിലേക്ക് വിജയകരമായി പായിച്ചു. ഇരുപാദ മത്സരങ്ങളും സമനിലയിലായതിനെ തുടർന്ന് കളി എക്സ്ട്രാ ടൈമിലേക്ക് പോകുകയായിരുന്നു.

42ാം മിനിട്ടിൽ മിഖായേൽ സിൽവസ്റ്ററാണ് മാർക്കോ മറ്റരാസി തൊടുത്ത ഫ്രീകിക്ക് ഹെഡ്ഡറിലൂടെ വലയിലേക്ക് പായിച്ച് ചെന്നൈയിന് ആദ്യ ഗോൾ സമ്മാനിച്ചത്. മാക് അലിസ്റ്ററിന് ചുവപ്പു കാർഡ് കണ്ട് പുറത്തായതോടെ മത്സരത്തിന്രെ 28ാം മിനിട്ടു മുതൽ പത്തു പേരുമായാണ് കേരളം കളിച്ചത്. എക്സട്രാ ടൈമിൽ മാർക്കോ മറ്റരാസി ചുവപ്പു കാർഡിൽ പുറത്തായത് കേരളത്തെ തുണച്ചു.

ബുധനാഴ്ച എഫ്.സി ഗോവയും അത്ലറ്റിക്കോ ഡീ കൊൽക്കത്തയും തമ്മിലുള്ള രണ്ടാംപാദ മത്സരത്തിലെ വിജയിയാകും ഫൈനലിൽ കേരളത്തിന്റെ എതിരാളി.

Indian-Super-League-Sachin-Tendulkars-Kerala-Blasters-Unveil-Logo
ഐ.എസ്‌.എല്‍. ആദ്യ പാദ സെമിയില്‍ കേരളാ ബ്ലാസ്‌റ്റേഴ്‌സിനു ജയം

ഇങ്ങനെയാണ് കളിക്കേണ്ടതെന്നു കാണികളെക്കൊണ്ടുപറയിച്ച്‌ കേരളാ ബ്ലാസ്‌റ്റേഴ്‌സ് ഇന്ത്യന്‍ സൂപ്പര്‍ലീഗില്‍ ആദ്യ പാദ സെമിയില്‍ ചാമ്പ്യന്‍ ടീമായ ചെന്നൈയിന്‍ എഫ്‌.സിയെ തറപറ്റിച്ചു. എല്ലാ നിലയിലും ചെന്നൈയെ നിലംപരിശാക്കിയായിരുന്നു കേരളത്തിന്റെ ജയം. ഹോം ഗ്രൗണ്ടില്‍ ബ്ലാസ്‌റ്റേഴ്‌സിന്റെ ആദ്യ സെമിഫൈനല്‍ മല്‍സരം നടക്കില്ലെന്ന ആശങ്കകള്‍ക്കൊടുവിലാണ്‌ ഇന്നലെ മല്‍സരം നടന്നത്‌. നിര്‍ണായക മല്‍സരത്തില്‍ ചെന്നൈയിനെതിരേ 3-0 എന്ന മാര്‍ജിനിലാണ്‌ ബ്ലാസ്‌റ്റേഴ്‌സിന്റെ ജയം. രണ്ട്‌ മിനിറ്റിനിടെ നേടിയ രണ്ട്‌ ഗോളുകള്‍ ഉള്‍പ്പെടെ മൂന്നു ഗോളുകള്‍ക്ക്‌ ചെന്നൈയിന്‍ എഫ്‌.സിയെ കെട്ടുകെട്ടിച്ചാണ്‌ ബ്ലാസ്‌റ്റേഴ്‌സ് ഫൈനല്‍ പ്രതീക്ഷ സജീവമാക്കിയത്‌. ചെന്നൈയില്‍ 16ന്‌ നടക്കുന്ന രണ്ടാം പാദത്തില്‍ മറുപടിയില്ലാത്ത നാല്‌ ഗോളുകള്‍ക്ക്‌ ചെന്നൈയിന്‍ എഫ്‌.സി വിജയിച്ചാലേ അവര്‍ക്ക്‌ കലാശപ്പോരാട്ടം സ്വപ്‌നം കാണാന്‍ കഴിയൂ. ബ്ലാസ്‌റ്റേഴ്‌സിന്‌ വേണ്ടി ഇഷ്‌ഫഖ്‌ അഹമ്മദും ഇയാന്‍ ഹ്യൂമും പകരക്കാരനായി ഇറങ്ങി ഇഞ്ചുറി സമയത്ത്‌ സുശാന്ത്‌ മാത്യുവും ഗോളുകള്‍ നേടി. പ്രാഥമിക റൗണ്ടില്‍ ചെന്നൈയിന്‍ എഫ്‌.സിയോടേറ്റ രണ്ടു പരാജയങ്ങള്‍ക്കുമായുള്ള ഗംഭീരമായ പകരം വീട്ടലുകൂടിയായിരുന്നു ഇന്നലത്തെ ബ്ലാസ്‌റ്റേഴ്‌സിന്റെ വിജയം. ഔദ്യോഗിക കണക്കുപ്രകാരം 60,990 പേരായിരുന്നു കളികാണാനെത്തിയെന്നാണ്‌ കണക്ക്‌. എന്നാല്‍ 70,000 പേര്‍ കളി വീക്ഷിക്കാനെത്തിയെന്നാണ്‌ അനൗദ്യോഗിക കണക്ക്‌. നായകന്‍ ഡേവിഡ്‌ ജെയിംസിനു പുറമേ പ്രതിരോധ കോട്ടയുടെ അമരക്കാരായ സെഡ്രിക്‌ ഹെംഗ്‌ബെര്‍ത്തും സന്ദേശ്‌ ജിംഗാനും ഇന്നലെ നിര്‍ണായക മത്സരത്തിനിറങ്ങിയില്ല. ഇയാന്‍ ഹ്യൂമിനൊപ്പം ഇംഗ്ലീഷ്‌ സ്‌ട്രൈക്കര്‍ മൈക്കിള്‍ ചോപ്രക്കായിരുന്നു ഗോളടിക്കാനുള്ള ചുമതല. ബ്രസീല്‍ ഗോളടിയന്ത്രം എലാനോയും മെന്‍ഡിയും ചെന്നൈയിന്‍ നിരയില്‍ തിരികെയെത്തിയപ്പോള്‍ ബ്രൂണോ പെലിസാറി സൈഡ്‌ ബെഞ്ചിലിരുന്നു. കഴിഞ്ഞ ചൊവ്വാഴ്‌ച നടന്ന മല്‍സരത്തിനിടെ ബന്ധുക്കളെ ഗാലറിയില്‍ കയറ്റാത്തതിനെ തുടര്‍ന്ന്‌ പ്രമുഖ പോലീസ്‌ മേധാവികള്‍ ഐ.എസ്‌.എല്‍ ജീവനക്കാരെ മര്‍ദിച്ചതിനെ തുടര്‍ന്ന്‌ ആദ്യ സെമി മുംബൈയിലേക്ക്‌ പറിച്ചു നടുമെന്നുള്ള ആശങ്കയിലായിരുന്നു ഐ.എസ്‌.എല്‍ അധികൃതര്‍. പ്രമുഖ വനിത ഐ.പിഎസ്‌ ഉദ്യോഗസ്‌ഥയും ഐ.ജിയുമാണ്‌ ഐ.എസ്‌.എല്‍ ജീവനക്കാരെ മര്‍ദിച്ചത്‌. മല്‍സരംഹോം ഗ്രൗണ്ടില്‍ നടക്കില്ലെന്ന വേവലാതിയിലായിരുന്നു കേരളാ ബ്ലാസ്‌റ്റേഴ്‌സ്. പോലീസുകാര്‍ തന്നെ എതിരാളികളായതിനെ തുടര്‍ന്ന്‌ സെമിഫൈനല്‍ കൊച്ചിയില്‍ നടക്കുമോ എന്ന ആശങ്കയിലായിരുന്നു ഐ.എസ്‌.എല്‍ ഭാരവാഹികള്‍. വിവാദ എസ്‌.പിയെ ശബരിമലയിലേക്കു താല്‍ക്കാലിക സ്‌ഥലം മാറ്റം നല്‍കിയിരുന്നു. വിവാദം വരുതിയിലാക്കിയ ഐ.എസ്‌.എല്‍ ഭാരവാഹികള്‍ കളി കൊച്ചിയില്‍ തന്നെ നടത്തുകയായിരുന്നു. കളിയുടെ തുടക്കം മുതല്‍ മെക്‌സിക്കന്‍ തിരമാലകണക്കെ കേരള ബ്ലാസ്‌റ്റേഴ്‌സിന്റെ മുന്നേറ്റമാണ്‌ കണ്ടത്‌. ഏഴാം മിനിറ്റില്‍ ഹ്യൂം തുടങ്ങിവച്ച നീക്കത്തിനൊടുവില്‍ പന്ത്‌ പിയേഴ്‌സണ്‌ കിട്ടി. എന്നാല്‍ പിയേഴ്‌സണ്‍ നല്‍കിയ ക്രോസ്‌ ഇഷ്‌ഫഖ്‌ അഹമ്മദ്‌ കിട്ടുംമുന്നേ ധനചന്ദ്രസിംഗ്‌ കോര്‍ണറിന്‌ വഴങ്ങി രിക്ഷപ്പെടുത്തി. മക്ക്‌അലിസ്‌റ്റര്‍ എടുത്ത കോര്‍ണറിന്‌ പ്രതിരോധനിരയിലെ കരുത്തന്‍ നിര്‍മ്മല്‍ ഛേത്രി തലവെച്ചെങ്കിലും പന്ത്‌ നേരെ ഗോളിയുടെ കൈയ്യില്‍ വിശ്രമിച്ചു. തൊട്ടുപിന്നാലെ മറ്റൊരു അവസരം ലഭിച്ചെങ്കിലൂം ലക്ഷ്യം കാണാന്‍ ബ്ലാസ്‌റ്റേഴ്‌സിന്‌ കഴിഞ്ഞില്ല. പിയേഴ്‌സണ്‍ നല്‍കിയ പാസ്‌ ഓഫ്‌ സൈഡ്‌ ട്രാപ്പ്‌ മറികടന്നശേഷം മൈക്കല്‍ ചോപ്ര സ്വീകരിച്ച്‌ നല്‍കിയ പാസ്‌ വിക്‌ടര്‍ ഹെരേരോ ഷോട്ട്‌ ഉതിര്‍ത്തെങ്കിലും പന്ത്‌ പുറത്തേക്ക്‌ പറന്നു. 11-ാം മിനിറ്റില്‍ ചെന്നൈയിന്‍ എഫ്‌സിക്ക്‌ തുറന്ന അവസരം ലഭിച്ചെങ്കിലും മുതലാക്കാനായില്ല. മെന്‍ഡിയുടെ പാസില്‍ നിന്ന്‌ ജെജെ ലാല്‍പെകുല ഉതിര്‍ത്ത ഷോട്ട്‌ ബ്ലാസ്‌റ്റേഴ്‌സ് ഗോളി സന്ദീപ്‌ നന്ദി വീണുകീടന്ന്‌ കൈയിലൊതുക്കി. എന്നാല്‍ സെന്‍ട്രല്‍ ഡിഫന്‍ഡറായി കളിച്ച മെന്‍ഡി ഓടിക്കറയുമ്പോഴൊക്കെ ബ്ലാസ്‌റ്റേഴ്‌സ് പ്രതിരോധം സമ്മര്‍ദത്തിലായി. 15-ാം മിനിറ്റില്‍ ഹ്യൂമിന്റെ മുന്നേറ്റത്തിനൊടുവില്‍ പന്ത്‌ ലഭിച്ച ശേഷം പിയേഴ്‌സണ്‍ ഷോട്ട്‌ ഉതിര്‍ത്തെങ്കിലും ലക്ഷ്യം പാളി. തൊട്ടുപിന്നാലെ ചെന്നൈയുടെ ബെല്‍വന്ദ്‌ സിംഗിന്റെ ക്രോസിന്‌ ജെജെ തലവെച്ചെങ്കിലും ബ്ലാസ്‌റ്റേഴ്‌സ് ഗോളി സന്ദീപ്‌ നന്ദി പന്ത്‌ കൈപ്പിടിയിലൊതുക്കി. അധികം കഴിയും മുന്നേ ബ്ലാസ്‌റ്റേഴ്‌സ് പ്രതിരോധം കീറിമുറിച്ച്‌ ബല്‍വന്ത്‌ നല്‍കിയ പന്ത്‌ കണക്‌ട് ചെയ്യാന്‍ ചെന്നൈയിന്‍ എഫ്‌.സിയുടെ സൂപ്പര്‍താരമായ എലാനോക്ക്‌ കണക്‌ട് കഴിഞ്ഞില്ല. 26-ാം മിനിറ്റില്‍ ബ്ലാസ്‌റ്റേഴ്‌സ് ചെന്നൈയിന്‍ വല കുലുക്കിയെങ്കിലൂം റഫറി ഓഫ്‌ സൈഡ്‌ വിധിച്ചു. തൊട്ടുപിന്നാലെ ബ്ലാസ്‌റ്റേഴ്‌സ് രണ്ട്‌ തവണ ചെന്നൈയിന്‍ വല കുലുക്കി. ആദ്യം ഇഷ്‌ഫഖ്‌ അഹമ്മദും തൊട്ടുപിന്നാലെ ഇയാന്‍ ഹ്യൂമും. വിക്‌ടര്‍ ഹെരേര നല്‍കിയ പാസില്‍ നിന്ന്‌ തകര്‍പ്പന്‍ ഷോട്ടിലൂടെ ഇഷ്‌ഫഖ്‌ അഹമ്മദാണ്‌ ചെന്നൈയിന്‍ എഫ്‌.സിയുടെ ഗോളി ഗന്നാരോ ബ്രഗ്ലിയാനോയെ കീഴടക്കി വല കുലുക്കിയത്‌. തൊട്ടുപിന്നാലെ പിയേഴ്‌സന്റെ പാസ്‌ സ്വീകരിച്ച്‌ ഇഷ്‌ഫഖ്‌ മറിച്ചു നല്‍കിയ പാസില്‍ നിന്ന്‌ ബ്ലാസ്‌റ്റേഴ്‌സിന്റെ സൂപ്പര്‍താരം ഇയാന്‍ ഹ്യൂം ചെന്നൈയിന്‍ വല കുലുക്കിയതോടെ ബ്ലാസ്‌റ്റേഴ്‌സ് 2-0ന്‌ മുന്നിലെത്തി. ചെന്നൈയിന്‍ പ്രതിരോധത്തെ മുഴുവന്‍ സ്‌തബ്‌ധരാക്കിയായിരുന്നു ബ്ലാസ്‌റ്റേഴ്‌സിന്റെ രണ്ട്‌ ഗോളുകളും. പിന്നീട്‌ 38-ാം മിനിറ്റില്‍ സ്വന്തം പകുതിയില്‍ നിന്ന്‌ പന്തുമായി മെന്‍ഡി ബ്ലാസ്‌റ്റേഴ്‌സ് ബോക്‌സില്‍ കയറി നല്‍കിയ ക്രോസ്‌ ജെജെക്ക്‌ കണക്‌ട് ചെയ്യാന്‍ കഴിഞ്ഞില്ല. 42-ാം മിനിറ്റില്‍ പിയേഴ്‌സണും ഹ്യൂമും ചേര്‍ന്ന്‌ നടത്തിയ മുന്നേറ്റം കോര്‍ണറിന്‌ വഴങ്ങി ചെന്നൈയിന്‍ പ്രതിരോധം രക്ഷപ്പെടുത്തി. ആദ്യ പകുതിയുടെ അവസാന മിനിറ്റില്‍ എലാനോ ഒറ്റക്ക്‌ പന്തുമായി കുതിച്ചുകയറിയശേഷം പായിച്ച ഷോട്ട്‌ ബ്ലാസ്‌റ്റേഴ്‌സ് ഗോളി സന്ദീപ്‌ നന്ദി കോര്‍ണറിന്‌ വഴങ്ങി രക്ഷപ്പെടുത്തി.രണ്ടാം പകുതിയുടെ തുടക്കത്തില്‍ ചെന്നൈയിന്‍ ഒരു മുന്നേറ്റം നടത്തിയെങ്കിലും ലക്ഷ്യം കാണാന്‍ കഴിഞ്ഞില്ല. 52-ാം മിനിറ്റില്‍ സൂപ്പര്‍താരം എലാനോയെ പിന്‍വലിച്ച്‌ ബ്രുണോ പെലിസാറിയെ ചെന്നൈയിന്‍ കളത്തിലിറക്കി. 57-ാം മിനിറ്റില്‍ പെലിസാറിയൂടെ ഫ്രീകിക്ക്‌ മെന്‍ഡി കണക്‌ട് ചെയ്‌തെങ്കിലും പന്ത്‌ പുറത്തേക്ക്‌ പറന്നു. 79-ാം മിനിറ്റില്‍ ബ്ലാസ്‌റ്റേഴ്‌സ് വീണ്ടും ലീഡ്‌ നേടിയെന്ന്‌ ഉറപ്പിച്ചെങ്കിലും ചെന്നൈയിന്‍ ഗോളിയുടെ ഉജ്‌ജ്വല പ്രകടനം വിലങ്ങുതടിയായി. ബാരിസിച്ചിന്റെ പാസ്‌ ഹ്യൂമിന്‌. ഹ്യൂം വീണ്ടും തിരിച്ച്‌ ബാരിസിച്ചിന്‌. പന്ത്‌ കിട്ടിയ ബാരിസിച്ച്‌ പായി ഷോട്ട്‌ ചെന്നൈയിന്‍ എഫ്‌.സി ഗോളി ഉജ്‌ജ്വലമായി തടുത്തിട്ടു. റീബൗണ്ട്‌ പന്ത്‌ കിട്ടിയത്‌ ബാരിസിച്ചിന്‌. ബാരിസിച്ചിന്റെ ഷോട്ട്‌ ചെന്നൈയിന്‍ എഫ്‌.സിയുടെ നെസ്‌റ്റ തടുത്തിട്ടെങ്കിലും ഉയര്‍ന്നു വന്ന പന്ത്‌ ബാരിസിച്ച്‌ മറ്റൊരു ഹെഡ്‌ഡറിലൂടെ വലയിലേക്ക്‌ തിരിച്ചുവിട്ടു. എന്നാല്‍ ചെന്നൈയിന്‍ ഗോളി അത്യത്ഭുതകരമായ രീതിയില്‍ പറന്ന്‌ ഗോള്‍ ലൈന്‍ സേവിലൂടെ അപകടം ഒഴിവാക്കി. പിന്നീട്‌ ഇഞ്ചുറി സമയത്ത്‌ ചെന്നൈയിന്‍ എഫ്‌സിയുടെ നെഞ്ചകം പിളര്‍ന്ന മൂന്നാം ഗോളും പിറന്നു. ഇയാന്‍ ഹ്യൂം മൈതാനമധ്യത്തുനിന്ന്‌ തള്ളിക്കൊടുത്ത പന്തുമായി മുന്നോട്ട്‌ കുതിച്ചശേഷം സുശാന്ത്‌ മാത്യു ബോക്‌സ് പുറത്ത്‌ ഇടതുമൂലയില്‍ നിന്ന്‌ പറത്തിയ തകര്‍പ്പന്‍ ഷോട്ട്‌ മഴവില്ലുകണക്കെ വളഞ്ഞുപുളഞ്ഞ്‌ വലയില്‍ പതിച്ചപ്പോള്‍ മുഴുനീളെ പറന്ന ചെന്നൈയിന്‍ ഗോളിക്ക്‌ യാതൊന്നും ചെയ്യാന്‍ കഴിഞ്ഞില്ല.

21646_632391
മഴഭീഷണിയില്‍ ഒന്നാം ടെസ്റ്റ്: സ്മിത്തിനും ക്ലാര്‍ക്കിനും സെഞ്ച്വറി

അഡ്‌ലെയ്ഡ്: സ്റ്റീവന്‍ സ്മിത്തിന്റെയും മൈക്കല്‍ ക്ലാര്‍ക്കിന്റെയും സെഞ്ച്വറിയുടെ ബലത്തില്‍ ഇന്ത്യയ്‌ക്കെതിരായ ഒന്നാം ക്രിക്കറ്റ് ടെസ്റ്റില്‍ കൂറ്റന്‍ സ്‌കോറിലേയ്ക്ക് കുതിക്കുകയാണ് ഓസ്‌ട്രേലിയ. ഇന്ത്യന്‍ ബൗളര്‍മാര്‍ അമ്പേ പരാജയപ്പെട്ട ടെസ്റ്റില്‍ മഴ മാത്രമാണ് ഓസീസ് മുന്നേറ്റത്തിന് മുന്നില്‍ തടസ്സമായി നില്‍ക്കുന്നത്. രണ്ടു തവണയാണ് രണ്ടാം ദിവസത്തെ കളിക്ക് മഴ വില്ലനായത്. 111 ഓവറിനുശേഷം രണ്ടാമതും കളി നിര്‍ത്തുമ്പോള്‍ ആറിന് 473 റണ്‍സ് എന്ന നിലയിലാണ് ആതിഥേയര്‍. സ്മിത്ത് 142 ഉം പരിക്കില്‍ നിന്ന് തിരിച്ചുവന്ന ക്ലാര്‍ക്ക് 109 ഉം റണ്‍സെടുത്തുനില്‍ക്കുകയാണ്. ആറിന് 354 റണ്‍സ് എന്ന നിലയിലാണ് ഓസ്‌ട്രേലിയ രണ്ടാംദിനം കളിയാരംഭിച്ചത്. നേരിയ ഈര്‍പ്പമുള്ള ഗ്രൗണ്ടില്‍ കരുതലോടെയായിരുന്നു സ്മിത്തിന്റെയും ക്ലാര്‍ക്കിന്റെയും തുടക്കം. നൂറാം ഓവറില്‍ അവര്‍ 400 റണ്‍ കടന്നു. അടുത്ത ഓവറില്‍ മഴ എത്തിയതോടെ കളി ഏതാനും നേരം നിര്‍ത്തിവയ്‌ക്കേണ്ടിവന്നു. പിന്നീട് ഒന്നരയോടൊണ് കളി പുനരാരംഭിക്കാനായത്. അതിന് മുന്‍പ് വരുണ്‍ ആരണിനെ ഡീപ് സ്‌ക്വായര്‍ ലെഗ്ഗിലേയ്ക്ക് പായിച്ച് രണ്ടു റണ്‍ നേടി സ്മിത്ത് തന്റെ അഞ്ചാം ടെസ്റ്റ് സെഞ്ച്വറി തികച്ചു. 14 ബൗണ്ടറികള്‍ അടങ്ങുന്നതായിരുന്നു സ്മിത്തിന്റെ ശതകം. ആദ്യദിനം ഓസ്‌ട്രേലിയ രണ്ടിന് 206 എന്ന നിലയില്‍ നില്‍ക്കുമ്പോള്‍ പരിക്കേറ്റു പിന്‍വാങ്ങിയ ക്യാപ്റ്റന്‍ ക്ലാര്‍ക്ക് (60) രണ്ടാം ദിനം തുടക്കത്തില്‍ തന്നെ വന്ന് സ്മിത്തിന് മികച്ച പിന്തുണ നല്‍കി. ടീം സ്‌കോര്‍ ആറിന് 354 റണ്‍സില്‍ നില്‍ക്കുമ്പോഴാണ് ക്ലാര്‍ക്ക് സ്മിത്തിനൊപ്പം ചേര്‍ന്നത്. ഇന്ത്യന്‍ ബൗളര്‍മാരെ അനായാസമായി തന്നെ നേരിട്ട ക്ലാര്‍ക്ക് ഏകദിനശൈലിയില്‍ അടിച്ചുകളിച്ചാണ് സ്‌കോര്‍ മുന്നോട്ടു നയിച്ചത്. ഇശാന്ത് ശര്‍മയ്ക്കു മാത്രമാണ് ക്ലാര്‍ക്കിന് പേരിനെങ്കിലും സമ്മര്‍ദം ഉണ്ടാക്കാന്‍ കഴിഞ്ഞത്. വരുണ്‍ ആരണ്‍ എറിഞ്ഞ 105-ാം ഓവറിന്റെ അവസാന പന്തില്‍ നിന്നാണ് തന്റെ ഇരുപത്തിയെട്ടാം സെഞ്ച്വറി തികച്ചത്. 127 പന്തില്‍ നിന്ന് 15 ബൗണ്ടറികളുടെ അകമ്പടിയോടെയായിരുന്നു ക്ലാര്‍ക്കിന്റെ സെഞ്ച്വറി.

1417964859_ccl
കേരള സ്‌ട്രൈക്കേഴ്‌സില്‍ ഭിന്നത; മോഹന്‍ലാലും ലിസിയും സിസിഎല്ലില്‍ നിന്ന്‌ പിന്‍മാറുന്നു?

കൊച്ചി: സെലിബ്രിറ്റി ക്രിക്കറ്റ്‌ ലീഗ്‌ ടീമായ കേരളാ സ്‌ട്രൈക്കേഴ്‌സ് ഡയറക്‌ടര്‍ ബോര്‍ഡില്‍ നിന്ന്‌ ചലച്ചിത്ര താരം മോഹന്‍ലാലും ലിസിയും പിന്‍മാറിയതായി സൂചന. പ്രിയദര്‍ശനുമായുള്ള വിവാഹ മോചന വാര്‍ത്ത ലിസി ശരിവച്ചതിന്‌ പുറമെയാണ്‌ പുതിയ വിവാദങ്ങള്‍ക്ക്‌ തിരിതെളിഞ്ഞത്‌.

പ്രിയദര്‍ശന്‍ സംവിധാനം ചെയ്യുന്ന ആമയും മുയലും എന്ന ചിത്രത്തിന്റെ നിര്‍മാതാവ്‌ ജയ്‌സന്‍ പുലിക്കോട്ടില്‍ ഉള്‍പ്പടെ മൂന്ന്‌ പേരെ പുതുതായി ഡയറക്‌ടര്‍ ബോര്‍ഡില്‍ ഉള്‍പ്പെടുത്തിയതായാണ്‌ സൂചന. മോഹന്‍ലാല്‍ സാങ്കേതികമായി ബോര്‍ഡില്‍ തുടരാനും സാധ്യതയുണ്ട്‌. ഐപിഎല്‍ ടീം എടുക്കാനുള്ള നീക്കം പരാജയപ്പെട്ടതാണ്‌ പ്രിയദര്‍ശനെ സെലിബ്രിറ്റി ക്രിക്കറ്റ്‌ ടീം എന്ന ആശയത്തിലെത്തിച്ചത്‌. ലിസി-പ്രിയദര്‍ശന്‍ വിവാഹ മോചനത്തിലേക്ക്‌ നയിച്ചത്‌ സിസിഎല്ലുമായി ബന്ധപ്പെട്ട അഭിപ്രായ ഭിന്നതയാണെന്ന്‌ റിപ്പോര്‍ട്ടുകളുണ്ടായിരുന്നു. ഇതിന്‌ പിന്നലെയുള്ള പന്‍മാറ്റം ഈ സീസണ്‍ സിസിഎല്‍ വിവാദത്തിന്റെ നിഴലിലാക്കുമെന്നുറപ്പാണ്‌.