Capture

ജീവകാരുണ്യത്തിന്‌ വ്യത്യസ്ത സ്‌ത്രീശബ്ദവുമായ്‌ വാഖ് വനിതാ വിംഗ്‌ മാതൃകയാവുന്നു

ദോഹ: ഖത്തറില്‍ കഴിഞ്ഞ ഏഴര വര്‍ഷക്കാലമായി പ്രവര്‍ത്തിച്ചു വരുന്ന വാഴക്കാട്‌ അസോസിയേഷന്‍ ഖത്തറിന്റെ വനിതാവിംഗ്‌ ജീവകാരുണ്യ പ്രവര്‍ത്തനത്തിന് പുതിയ സ്‌ത്രീശബ്ദവുമായി മാതൃകയാവകയാണ്‌. വാഖിന്റെ നേതൃത്വത്തില്‍ മലപ്പുറം ജില്ലയിലെ വാഴക്കാട്‌ ഗ്രാമത്തില്‍ സ്ഥാപിക്കുന്ന വാഖ്‌ ഡയാലിസിസ്‌ സെന്ററിന്റെ വിഭവ ശേഖരണം ഗ്രാമത്തില്‍ ആബാലവൃദ്ധം ജനങ്ങളേറ്റെടുത്തതിന്റെ ഫലമായി ഒരു നാടുമുഴുവന്‍ ജീവകാരുണ്യത്തില്‍ പങ്കാളിയായി കാല്‍കൊടിയോളം രൂപ പിരിചെടുത്തപ്പോള്‍ വാഖിന്റെ പ്രവര്‍ത്തകരായ വനിതകള്‍ ഒരുമിച്ചുകൂടി രണ്ടാച്ചഴ്ക്കുള്ളില്‍ നാല്‌ ലക്ഷം രൂപ പിരിച്ചെടുത്ത്‌ മാതൃകയാവുകയായിരുന്നു. ഖത്തറില്‍ ജോലിചെയ്യുന്നവരെയും വീട്ടമ്മമാരേയും ഊ ഉദ്യമത്തില്‍ പങ്കാളിയാക്കിക്കൊണ്ടാണ്‌ വാഖ്‌ വനിതാവിംഗ്‌ കാരുണ്യത്തിന്റെ സ്‌ത്രീമുഖം വ്യത്യസ്തമാക്കിയത്. ജനുവരിയില്‍ ആരംഭിക്കുന്ന ഡയാലിസിസ്‌ സെന്ററിന്‌ ഒരു മെഷീന്‍ വനിതകളുടേതായി ഉണ്ടാകണമെന്നാണ്‌ ഞങ്ങളുടെ ആഗ്രഹമെന്നും അതിനുള്ള പ്രവര്‍ത്തനം തുടരുമെന്നും വാഖ്‌ വനിതാവിംഗ്‌ പ്രസിഡന്റ്‌ നജീന ഖയ്യൂം പറഞ്ഞു. വനിതാവിംഗ്‌ സ്വരൂപിച്ചെടുത്ത നാല്‌ ലക്ഷം രൂപയുടെ ചെക്ക്‌ കൈമാറ്റം ഖത്തറിലെ പ്രമുഖ വനിതാ സാമൂഹ്യ പ്രവര്‍ത്തകയും മികച്ച സംഘാടകയുമായ നസീമാ ഈസ്സ നിര്‍വഹിച്ചു. വാഴക്കാട്‌ എന്ന കൊച്ചുഗ്രാമത്തിലെ വനിതകള്‍ ഖത്തറെന്ന ഈ ചെറിയ രാജ്യത്ത്‌ കാണിക്കുന്ന കാരുണ്യ പ്രവര്‍ത്തനം മുഴുവന്‍ സ്ത്രീ ജനങ്ങള്‍ക്കും മാതൃകയാണെന്ന്‌ നസീമ ഈസ്സ അഭിപ്രായപ്പെട്ടു. വാഖിന്റെ വനിതാവിംഗിന്റെ എല്ലാ പ്രവര്ത്തനനങ്ങള്ക്കും സര്‍വ പിന്തുണയും അവര്‍ വാഗദാനം ചെയ്‌തു. സഫീന ജമാല്‍, നസ്‌ല നിയാസ്‌, ഷബ്‌്‌ന സത്താര്‍, ജസ്‌ന ഫവാസ്‌, റലീന അക്‌ബര്‍, റജി യ സുഹൈല്‍, ആരിഫ സിദ്ദീഖ്‌ എന്നിവരുടെ നേതൃത്വത്തിലാണ്‌ വിഭവസമാഹരണം നടന്നത്‌.

SAMSUNG CSC

ഗൃഹാതുരസ്മരണകൾ ഉണർത്തി സംസ്കൃതി ഖത്തർ കഥാപ്രസംഗം സംഘടിപ്പിച്ചു

കഥാപ്രസംഗത്തിന്റെ ഗൃഹാതുരസ്മരണകൾ ഉണർത്തി ദോഹയിലെ മലയാളികള്ക്കായി സംസ്കൃതി കഥാപ്രസംഗ വിരുന്ന് ഒരുക്കി. സംസ്കൃതിയുടെ പതിനഞ്ചാംവാർഷിക പരിപാടികളുടെ സമാപനത്തിന്റെ ഭാഗമായി മലയാളി കലാസ്നേഹികൾക്ക് മുന്നിലാണ് അനുഗ്രഹീത കാഥികൻ ശ്രീ. വി. സംബശിവന്റെ "ഒഥല്ലോ" എന്ന കഥാപ്രസംഗം അദ്ധേഹത്തിന്റെ മകൻ പ്രശസ്ത കാഥികൻ ഡോക്ടർ വസന്തകുമാർ സംബശിവൻ അവതരിപ്പിച്ചത്. പുറത്തു പെയ്തിറങ്ങാൻ വെമ്പി നിന്ന മഴമേഘങ്ങല്ക്ക് ഒപ്പം അകത്തു അൽഗസൽ ഓഡിറ്റൊറിയത്തിൽ ഒഥല്ലോയും ദസ്തമനും, ഇയഗോയും, കാസ്സിയും മലയാളികളുടെ ഓര്‍മകളിലേക്ക്ക കഥയായി പെയ്തിറങ്ങിയപ്പോൾ നവംബറിലെ അവസാനത്തെ വെള്ളിയാഴ്ച കഥാപ്രസംഗ സ്നേഹികളുടെ മുന്നിൽ അത് ഒരു കാലഘട്ടത്തിന്റെ ഓർമ്മപ്പെടുത്തലായിരുന്നു. "അപ്സരസ്സണെന്റെ ദെസ്തമൻ...സൽസ്വഭാവത്തിന്റെ ദേവതയാണവൾ, സംശയിക്കില്ല ഒരു കാലവും നിന്നെ ഞാൻ"...എന്ന് തുടങ്ങി ആരംഭിച്ച പരിപാടി കഥാപ്രസംഗത്തിന്റെ ഗൃഹാതുരമായ ഓർമ്മകൾ കാഴ്ചകാരിൽ ഉണര്ത്തി. ഒരുകാലത്ത് മലയാളികളുടെ സാംസ്‌കാരിക മണ്ഡലങ്ങളിലും, നാട്ടിൻപുറത്തെ ക്ലബുകളിലും ഉൽത്സവാഘോഷങ്ങളിലുമൊക്കെ നിറഞ്ഞു നിന്നിരുന്ന ഈ കലയെ സ്നേഹിക്കുന നിരവധിപേർ ഇന്നും നിലനിൽക്കുന്നു എന്നതിന്റെ ദ്രിഷ്ടാന്തമായി അൽ ഗസൽ ഓഡിറ്റൊറിയത്തിലെ ജനക്കൂട്ടം. സംസ്കൃതിയുടെ പതിനഞ്ചാംവാർഷിക പരിപാടികളുടെ സമാപനത്തിന്റെ ഭാഗമായാണ് പരിപാടി സംഘടിപ്പിച്ചത് .

membership

സംസ്കൃതി ഖത്തർ ഈ വർഷത്തെ അംഗത്വ വിതരണം ഉത്ഘാടനം ചെയ്തു

ഖത്തറിലെ പ്രമുഖ കലാ സാംസ്കാരിക സംഘടനയായ 'സംസ്കൃതി' 2015 വർഷത്തിലേക്കുള്ള അംഗത്വ വിതരണം ഉത്ഘാടനം ചെയ്തു. സംഘടനയുടെ ആജീവനാംഗത്വം നേടുന്നതിനായുള്ള അപേക്ഷാ ഫോറം ശ്രീമതി. ഗീത വിജയൻ, ശ്രീ. ആഷിക് എന്നിവര്ക്ക് കൈമാറികൊണ്ട് പ്രമുഖ സാഹിത്യ ചിന്തകനും നിരൂപകനുമായ പ്രൊഫസർ ശ്രീ. കെ.ഇ.എൻകുഞ്ഞഹമ്മദ് ഉത്ഘാടനം ചെയ്തു.

സംസ്കൃതിയുടെ ഒരുവര്ഷം നീണ്ടു നിന്ന പതിനഞ്ചാം വാർഷികാഘോഷ പരിപാടികളുടെ സമാപന ചടങ്ങിൽ വച്ചാണ് മേമ്ബെര്ഷിപ് ഉത്ഘാടനം നടന്നത്. സംസ്കൃതി പ്രസിഡണ്ട് ജലീൽ അധ്യക്ഷത വഹിച്ച ചടങ്ങിൽ പതിനഞ്ചാം വാർഷിക കമ്മറ്റി ചെയർമാൻ സമീർ സിദ്ധിക്ക് സംസ്കൃതി ജനറൽ സെക്രട്ടറി കെ കെ ശങ്കരൻ എന്നിവരും സന്നിഹിതരായിരുന്നു.

IMG_0069

സ്കില്‍ ഡവലപ്മെന്റ് സെന്റർ പന്ത്രണ്ടാം വാർഷികം ആഘോഷിച്ചു.

ഖത്തര്‍: സലാത്ത ജദീദിലുള്ള സ്കില്‍ ഡെവലപ്പ്മെൻറ് സെന്റെർ തങ്ങളുടെ പന്ത്രണ്ടാം വാർഷികം വിപുലമായ കലാപരിപാടികളോടു കൂടി സെന്ററിന്റെ കോർട്ട് യാർഡിൽ വച്ച് സംഘടിപ്പിക്കുകയുണ്ടായി. രണ്ടു ദിവസം നീണ്ടു നിന്ന കലാ വിരുന്ന് പരിപാടികളുടെ വൈവിധ്യം കൊണ്ട് ഏറെ ശ്രദ്ധിക്കപ്പെട്ടു. ഇരുനൂറിൽ പരം കുട്ടികൾ പങ്കെടുത്ത പരിപാടികളിൽ അമ്പതു കുട്ടികൾ തങ്ങളുടെ 'അരങ്ങേറ്റം' കുറിച്ചു. ഇന്ത്യൻ ക്ലാസിക്കൽ നൃത്തം, സംഗീതം, സെന്ററിന്റെ അധ്യാപകർ ചേർന്നവതരിപ്പിച്ച ഫ്യൂഷൻ പരിപാടികളും ക്ലാസിക്കൽ വെസ്റ്റേണ് ഇൻസ്റ്റ്രമെന്റൽ മ്യൂസിക്കും ഈ കലാവിരുന്നിന്റെ എടുത്തു പറയത്തക്ക സവിഷേതകൾ ആയിരുന്നു. മാതാപിതാക്കൾ അവതരിപ്പിച്ച കലാപരിപാടികളും സെന്ററിന്റെ കരാട്ടെ മാസ്റ്റർ സെൻസെയ് ഷിഹാബുദ്ദീനും കുട്ടികളും ചേർന്നവതരിപ്പിച്ച കരാട്ടെ പ്രകടനവും കാണികളുടെ മനം കവർന്നു. പരിപാടികൾ സെന്ററിന്റെ വെബ്സൈറ്റ് വഴിയും ഫേസ്ബുക്ക് പേജ് വഴിയും തത്സമയ സംപ്രേഷണം ചെയ്യപ്പെട്ടു. രണ്ടു ദിവസവും നീണ്ടു നിന്ന ഭക്ഷ്യമേള മറ്റൊരു സവിഷേതയായിരുന്നു. ഭക്ഷ്യമേളയുടെ മുഴുവൻ വരുമാനവും സെന്ററിൽ വച്ചു തന്നെ സംഘടിപ്പിക്കപ്പെട്ട മറ്റൊരു പരിപാടിയിൽ വച്ച് ഇന്ത്യൻ കമ്മ്യൂണിറ്റി ബെനെവെലെന്റ് ഫോറത്തിന്റെ ആതുര സേവന നിധിയിലേക്ക് സംഭാവന ചെയ്യപ്പെട്ടു. സമിതിയുടെ പ്രസിഡണ്ട് ഇതര സാമൂഹ്യപ്രവർത്തകരുടെ സാന്നിധ്യത്തിൽ കൈപ്പറ്റുകയുണ്ടായി.

ഇന്ത്യൻ കമ്മ്യൂണിറ്റി ബെനെവെലെന്റ് ഫോറം പ്രസിഡണ്ട് ശ്രീ. അരവിന്ദ് പാട്ടിൽ പ്രഥമ ദിന പരിപാടികൾ ഉത്ഘാടനം ചെയ്തു. ഈ വർഷത്തെ പ്രത്യേകാതിധി ശ്രീ. ടി. ആർ. അജയനും (കൈരളി ടിവി ഡയറക്ടർ) ഇന്ത്യൻ കൾച്ചരൾ സെന്റർ പ്രസിഡണ്ട് ശ്രീ. ഗിരീഷ്കുമാറും ചേർന്ന് രണ്ടാം ദിവസത്തെ പരിപാടികളുടെ ഉത്ഘാടനം നിർവഹിച്ചു. കലാ സാംസ്കാരിക മന്ത്രാലയത്തിൽ നിന്നും ശ്രീ. മുഹമ്മദ് ഈസ അൽ ജാബർ, ഇന്ത്യൻ കമ്മ്യൂണിറ്റി ബെനെവലെന്റ് ഫോറം മുൻ പ്രസിഡണ്ട് ശ്രീ. കരീം അബ്ദുള്ള, ബിർള സ്കൂൾ ചെയർമാൻ ശ്രീ. സി.വി. റപ്പായി, ഇന്ത്യൻ വുമണ്സ് അസോസിയേഷൻ പ്രസിഡണ്ട് ശ്രീമതി. ഉഷസ് ആണ്ട്രൂസ് എന്നിവർ വിഷിഷ്ടാതിധികളായിരുന്നു. സ്ഥാപനത്തിന്റെ പന്ത്രണ്ടു വർഷത്തെ വളർച്ചയും സേവനങ്ങളും അതിഥികളുടെ വാക്കുകളിൽ നിറഞ്ഞിരുന്നു. തികഞ്ഞ കലാസ്നേഹിയും സാമൂഹികപ്രവർത്തകനുമായ ശ്രീ. ടി.ആർ. അജയനെ സെന്ററിനു വേണ്ടി ശ്രീ. റപ്പായി പ്രശസ്തി ഫലകത്തോടെ ആദരിച്ചു. സ്ഥാപനത്തിലെ അധ്യാപകരെ പ്രതിനിധീകരിച്ച് തബല മാസ്റ്റർ പണ്ഡിറ്റ് സന്തോഷ് കുൽകർണിയും ഡാൻസ് അധ്യാപിക കലാമണ്ഡലം ദേവിയും ചേർന്ന് പൊന്നാടയണിയിച്ചു. സ്കിത്സ് ഡവലപ്മെന്റ് സെന്റർ മാനേജിംഗ് ഡയറക്ടർ ശ്രീ.പി.എൻ. ബാബുരാജൻ അധ്യക്ഷത വഹിച്ച പരിപാടിയിൽ സെന്ററിന്റെ ഡയറക്ടർമാരായ ശ്രീ. വിജയകുമാർ ശ്രീ. ജലീൽ എന്നിവർ സ്വാഗതവും മാനേജർ ശ്രീ.അക്വിൻലാൽ നന്ദിയും ആശംസിച്ചു. ശ്രീമതി. റീന കാസ്റ്റെലിനൊ, ശ്രീമതി. അതിഥി ഭട്ട്, ശ്രീ. അക്വിൻലാൽ എന്നിവർ ചേർന്നവതരിപ്പിച്ച രണ്ടു ദിവസം നീണ്ട കലാവിരുന്ന് പരിപാടികളുടെ വൈവിധ്യം കൊണ്ടും ജനപങ്കാളിത്തം കൊണ്ടും ഏറെ ശ്രദ്ധേയമായി.

IMG_0087 SAMSUNG CSC SAMSUNG CSC

KEN

സംസ്കൃതി പതിനഞ്ചാം വാർഷികാഘോഷപരിപാടികൾ സമാപിച്ചു

ഖത്തർ സംസ്കൃതിയുടെ പതിനഞ്ചാം വാർഷികാഘോഷത്തിന്റെ ഭാഗമായി കഴിഞ്ഞ ഒരു വർഷമായി നടത്തിവന്ന വിവിധങ്ങളായ പരിപാടികളുടെ സമാപനം നവംബർ 28 വെള്ളിയാഴ്ച അൽഗസൽ ഓഡിറ്റൊറിയത്തിൽ അരങ്ങേറി. സമാപന സമ്മേളനം പ്രമുഖ എഴുത്തുകാരനും പ്രാസംഗികനും ഇടതുപക്ഷ ചിന്തകനുമായ പ്രൊഫസർ കെ. ഇ.എൻ കുഞ്ഞഹമ്മത് ഉത്ഘാടനം ചെയ്തു. രാമനും റഹീമും എന്ന കവിതയെ ഉദ്ധരിച്ച അദ്ധേഹം മനുഷ്യരുടെ ഇടയിൽ വളരുന്ന ജാതി , മത, സ്വാർഥചിന്തകൾ മനുഷ്യ മനസ്സുകളെ പരസ്പരം അകറ്റിയിരിക്കുന്നു എന്നും, ആധുനിക ലോകത്തു മനുഷ്യനോളം ക്രൂരനല്ല ഒരു ജീവിയും എന്നും പറഞ്ഞു. ഈയിടെ ഡിസ്കവറി ചാനലിൽ പ്രക്ഷപണം ചെയ്ത ഒരു രംഗം ഉദാഹരിച്ചു കൊണ്ടായിരുന്നു തന്റെ വാദമുഖം സമർഥിച്ചത്. വേട്ടയാടപ്പെട്ട മൃഗം ഗർഭിണിയാണെന്ന് കണ്ട സിംഹം അതിനെ ഉപേക്ഷിച്ചു പോയത് അതിന്റെ ഉള്ളിന്റെ ഉള്ളിലുണ്ടായിരുന്ന മാതൃസ്നേഹമായിരിക്കും എന്നും ശ്രീ കെ. ഇ.എൻ പറയുകയുണ്ടായി.

ചടങ്ങിൽ സംസ്കൃതിയുടെ വെബ്സൈറ്റ് ഉത്ഘാടനവും 2015 വർഷത്തേക്കുള്ള മെമ്പർഷിപ്പ് വിതരണത്തിന്റെ ഉത്ഘാടനവും നിർവഹിച്ചു. പതിനഞ്ചാം വാർഷികാഘൊഷങ്ങളുടെ ഭാഗമായി സ്കൂൾ കൂട്ടികൾക്കായി നടത്തിയ വിവിധ മത്സരയിനങ്ങളിൽ വിജയിച്ചവർക്കുള്ള സമ്മാനദാനവും , കേരളപിറവി ആഘോഷങ്ങളുടെ ഭാഗമായി അവതരിപ്പിച്ച "കനലുകൾ" എന്ന ദ്രിശ്യാവിഷ്കാരത്തിൽ പങ്കെടുത്തവർക്കുള്ള സെർട്ടിഫിക്കറ്റുകളും കെ. ഇ എൻ സമ്മാനിച്ചു. സംസ്കൃതി പ്രസിഡണ്ട് ജലീൽ അധ്യക്ഷത വഹിച്ച ചടങ്ങിൽ പതിനഞ്ചാം വാർഷിക കമ്മറ്റി ചെയർമാൻ സമീർ സിദ്ധിക്ക് സ്വാഗതവും സംസ്കൃതി ജനറൽ സെക്രട്ടറി കെ കെ ശങ്കരൻ നന്ദിയും പ്രകാശിപ്പിച്ചു. തുടർന്നു അനുഗ്രഹീത കാഥികൻ ശ്രീ വി സംബശിവന്റെ "ഒഥല്ലോ" എന്ന കഥാപ്രസംഗം വി സംബശിവന്റെ മകനും അറിയപ്പെടുന്ന കാഥികനുമായ ശ്രീ വസന്തകുമാർ സംബശിവൻ വേദിയിൽ അവതരിപ്പിച്ചു .

header2
sanskriti
സംസ്ക്രിതി ഖത്തർ വിജയികളെ പ്രഖ്യാപിച്ചു

കേരളപ്പിറവിയോടനുബന്ധിച്ച് സംസ്കൃതി ഖത്തർകുട്ടികൾക്കായി സംഘടിപ്പിച്ച വിവിധ മത്സരങ്ങളിലെവിജയികളെപ്രഖ്യാപിച്ചു.ഖത്തറിലെ പ്രമുഖ സാംസ്‌കാരിക സംഘടനയായ സംസ്കൃതി കേരള പിറവി ദിനത്തോടനുബന്ധിച്ചു ഒക്ടോബർ25 നു സ്കിൽസ് ഡെവലപ്പ്മെന്റ് സെന്ററിൽവച്ച്കുട്ടികൾയിസംഘടിപ്പിച്ച വിവിധ മത്സരങ്ങളിലെ വിജയികളെ പ്രഖ്യപിച്ചു . പെൻസിൽ ഡ്രോയിംഗ്ജൂനിയർവിഭാഗത്തിൽ പി .എം. ഫഹീം എം.ഇ.എസ്‌ സ്കൂൾ ഒന്നാംസ്ഥാനവുംസമൃദ്ധി ഭരദ്വാജ്, ഖ്യാതി ചെറുകാട് ബിർള പബ്ലിക്‌ സ്കൂൾ എന്നിവർ രണ്ടാം സ്ഥാനവും .എം..ഐ.എസ്മൂ ന്നാംസ്ഥാനവും സൻജി സദാ നന്ധ ഹർപ്പഡി .എം..ഐ..എസ് സമാശ്വാസ സമ്മാനവും കരസ്ഥമാക്കി. പെൻസിൽഡ്രോയിംഗ്സീനിയർവിഭാഗത്തിൽഐഡിയൽഇന്ത്യൻസ്കൂളിലെസനഅബ്ദുല്ലൈസ്ഒന്നാംസ്ഥാനവും, ബിര്ള പബ്ലിക്‌ സ്കൂളിലെ ഹര്ഷിത വി.എൽ.രണ്ടാംസ്ഥാനവുംഅബ്ദുൽറഹിംഎം.ഇ.എസ്സ്കൂൽമൂന്നാംസ്ഥാനവുംകരസ്ഥമാക്കി.ബിര്ളപബ്ലിക്‌സ്കൂളിലെഅക്ഷയകെ സമാശ്വാസ  സമ്മാനത്തിനു അർഹയായി. വാട്ടർകളർജുനിയർ വിഭാഗത്തിൽആദിത്യ ഭുഷൻ ദേശായ്ബിര്ളപബ്ലിക്‌സ്കൂൽഒന്നാംസ്ഥാനവും ബിര്ളപബ്ലിക്‌ സ്കൂളിലെ മുഹമ്മദ്‌ ഫഖ്ൽ അൻവർ, ഋത്വിക്‌ പദ്മരാജ് എന്നിവർരണ്ടാംസ്ഥാനവും ശ്രീലക്ഷ്മിസുരേഷ്ബിര്ളപബ്ലിക്‌സ്കൂൽ, എം ഇ എസ് സ്കൂളിലെ ഫഹീം പി.എം എന്നിവർമൂന്നാംസ്ഥാനവുംനേടി.വാട്ടർ കളർ സീനിയർ വിഭാഗത്തിൽ ഐഡിയൽ ഇന്ത്യൻ സ്കൂളിലെ സന അബ്ദുലൈസ്ഒന്നാംസ്ഥാനവും സിമ്രാൻ എം. ഡി. പി. എസ് ര ണ്ടാംസ്ഥാനവുംനേടി. എംഇഎസ്സിലെ മഹിർ ജാസിം, ഡി. പി. എസ്സിലെ അഷ്ന പ്രദീപ്‌ കുമാർ എന്നിവർ മൂന്നാംസ്ഥാനത്തിനും അർ ഹരായി.ഈ വിഭാഗത്തിൽ സമാശ്വാസ സമ്മാനത്തിന് അർഹരായിരിക്കുന്നത് എം.ഇ.എസ്സ് ഇന്ത്യൻ സ്കൂളിലെ അമൽസെൻ, ദേവിക മേനോൻഎന്നിവരാണ്‌ . കാർട്ടൂണ്‍ വിഭാഗത്തിൽ ഐഡിയൽ ഇന്ത്യൻ സ്കൂളിലെ സന അബ്ദുലൈസ് ഒന്നാംസ്ഥാനവും, അമൽ സെൻ രണ്ടാംസ്ഥാനവുംകരസ്ഥമാക്കി. മലയാളം ഉപന്യാസമത്സരത്തിൽ ബിർ ള പബ്ലിക്‌സ്കൂളിലെ കല്യാണി ജെ മേനോൻ ഒന്നാംസ്ഥാനവും അതേസ്കൂളിലെ അഥിതി അനിൽ രണ്ടാംസ്ഥാനവും ഭവന്സ് പബ്ലിക്‌ സ്കൂളിലെ ശിവറാം ജി കെ, എം ഇ എസ് പബ്ലിക്‌ സ്കൂളിലെ അഫീദ ഫെമിസ് മൂന്നാം സ്ഥാനവും പങ്കിട്ടു. വിജയികൾക്കുള്ള സർടിഫിക്കറ്റുകൽ നവംബർ28 നു ദോഹ അൽഗസൽ ഹാളിൽവച്ച്നടക്കുന്നസംസ്കൃതിയുടെ പതിനഞ്ചാം വാർഷിക സമാപന ചടങ്ങിൽവച്ച് നൽകുന്നതായിരിക്കുമെന്ന് പ്രോഗ്രാം കണ്‍ വീനർ ശ്രീവിജയകുമാർ വാർത്തകുറിപ്പിൽ അറിയിച്ചു.

meera
ടി.സോമനും ജെയ്സൺ മണിയങ്ങാടിനും ഐ.എം.എഫ് ഖത്തർ മാധ്യമ പുരസ്കാരം

ടി.സോമനും ജെയ്സൺ മണിയങ്ങാടിനും ഐ.എം.എഫ്  ഖത്തർ മാധ്യമ പുരസ്കാരം. ദോഹ: അച്ചടി ദൃശ്യ മാധ്യമങ്ങളിലെ  പ്രതിബദ്ധതയുള്ള മികച്ച വാർത്തകൾ ക്കോ പരമ്പരകൾക്കോ ഖത്തറിലെ ഇന്ത്യൻ മാധ്യമ പ്രവർത്തകരുടെ  കൂട്ടായ്മയായ ഇന്ത്യൻ മീഡിയാ ഫോറം ഏർപ്പെടുത്തിയ നാലാമത്‌  മാധ്യമ പുരസ്കാരങ്ങൾ പ്രഖ്യാപിച്ചു. ജെയ്സൺ മണിയങ്ങാട് ( എഷ്യാനെറ്റ്  ന്യൂസ് ), ടി .സോമൻ (മാത്ര്യഭൂമി) എന്നിവരാണ് പുരസ്കാരത്തിന് അർഹരായത് . ഇന്ത്യൻ കൾച്ചറൽ സെന്ററിൽ നടന്ന പത്ര  സമ്മേളനത്തിൽ ഇന്ത്യൻ എംബസ്സി ഡെപ്യൂട്ടി  ചീഫ് ഓഫ് മിഷൻ പി.എസ്  ശശികുമാർ  അവാർഡ്  ജേതാക്കളെ പ്രഖ്യാപിച്ചു. 25000 രൂപയും പ്രശസ്തി പത്രവും അടങ്ങുന്നതാണ് പുരസ്കാരം. ടി.സോമൻ മാതൃഭൂമി ദിനപത്രത്തിൽ എഴുതിയ'രേഖപ്പെടുത്താതെ പോകുന്ന മരണങ്ങൾ' എന്ന പരമ്പരയാണ് അച്ചടി മാധ്യമ രംഗത്ത് നിന്നും ആദ്യം പുരസ്കാരത്തിന് അർഹമായത്. ഏഷ്യാനെറ്റ്‌  ന്യൂസ് ചാനലിൽ സംപ്രേഷണം ചെയ്ത ഓർത്തോ  ഒപ്പറേഷനിലെ തട്ടിപ്പുമായി ബന്ധപ്പെട്ട റിപ്പോർട്ടാണ്  ജയ്സൺ മണിയങ്ങാടിനെ പുരസ്കാരത്തിനർഹനാക്കിയത് ഇന്ത്യയിലെ പ്രമുഖ മാധ്യമ പ്രവർത്തകരായ എം.ജി രാധാകൃഷ്ണൻ, ഗൌരി ദാസൻ  നായർ, ജേക്കബ് ജോർജ്ജ് , മാധ്യമ നിരൂപകൻ ഡോ . യാസീൻ അഷ്‌റഫ്‌ എന്നിവടങ്ങിയ ജഡ്ജിംഗ് പാനൽ അറുപതിലധികം എൻട്രികളിൽ നിന്നാണ് പുരസ്കാര ജേതാക്കളെ തെരഞ്ഞെടുത്തത് . 1986 മുതൽ മാതൃഭൂമി ദിനപത്രത്തിൽ  ജോലി ചെയ്യുന്ന കോഴിക്കോട് സ്വദേശിയായ ടി.സോമൻ ഇപ്പൊൾ കണ്ണൂരിൽ സ്പെഷ്യൽ കറസ്പ്പോണ്ടന്റായി പ്രവർത്തിക്കുന്നു. രാം നാഥ്‌  ഗോയങ്ക പുരസ്ക്കാരം , കേരള സർ ക്കാരിന്റെ ജനറൽ റിപ്പോർട്ടിംഗ് പുരസ്ക്കാരം, ശിവറാം  അവാർഡ് , എസ് .ബി.ടി. മാധ്യമ പുരസ്കാരം  തുടങ്ങിയ നിരവധി പുരസ്ക്കാരങ്ങൾ സോമൻ നേടിയിട്ടുണ്ട്. കെ.എസ്  അനിതയാണ്  ഭാര്യ. ആദ്ര  അനിരുദ്ധ് എന്നിവർ മക്കളാണ്. ഇരുപത്തി അയ്യായിരം ഇന്ത്യൻ  രൂപയും  പ്രശസ്തി പത്രവുമടങ്ങുന്ന പുരസ്ക്കാരം ഡിസംബറിൽ ദോഹയിൽ നടക്കുന്ന ചടങ്ങിൽ വിതരണം ചെയ്യും. അവാർഡ്  ദാന ചടങ്ങിൽ  ഖത്തറിൽ  നിന്നും ഇന്ത്യയിൽ നിന്നുമുള്ള പ്രമുഖർ  സംബന്ധിക്കും. പത്ര സമ്മേളനത്തിൽ ഇന്ത്യൻ മീഡിയ ഫോറം പ്രസിഡന്റ്റ്‌  പ്രദീപ്‌ മോഹൻ  ജനറൽ സെക്ക്രട്ടറി അഷ്റഫ്‌  തൂണേരി, ട്രഷറർ ഐ.എം.എ  റഫീഖ് , വൈസ് പ്രസിഡന്റ്റ്  ഇ.പി ബിജോയ്‌ കുമാർ  സെക്ക്രട്ടറി സാദിഖ് ചെന്നാടൻ എന്നിവർ  സംബന്ധിച്ചു .