employee termination

30 വർഷം സർവീസ് പൂർത്തീകരിച്ച വിദേശികളെ പിരിച്ചുവിടും

കുവൈറ്റ്‌ സിറ്റി: സർക്കാർ-പൊതു മേഖല സ്ഥാപനങ്ങളിൽ 30 വർഷം സർവീസ് പൂർത്തീകരിച്ച പ്രവാസികളെ പിരിച്ചുവിടുമെന്നു തൊഴിൽ സാമൂഹ്യകാര്യ മന്ത്രി ഹിന്ദ്‌ അൽ-സബീഹ് അറീയിച്ചു. ദിവസങ്ങൾക്കകം ഇതിനാവശ്യമായ നടപടിക്രമങ്ങൾ പൂർത്തിയാകുമെന്നും അവർ പറഞ്ഞു. പിരിഞ്ഞു പോകുന്ന ജീവക്കാരുടെ ഒഴിവിലേക്കയുള്ള സ്വദേശി ജീവനക്കാരെ നിയമിക്കാനുള്ള തുടര്‍ നടപടികളും നടന്നുവരികയാണെന്നും മന്ത്രി പറഞ്ഞു. ഈ തീരുമാനം നടപ്പിലാവുകയാനെങ്കിൽ പതിനായിരക്കണക്കിനു വരുന്ന ഇന്ത്യക്കാരടക്കമുള്ള പ്രവാസികളുടെ ജോലി നഷ്ട്ടപെടുന്ന സ്ഥിതി വിശേഷമാകും ഉണ്ടാകുക.

T.V.H. Kuwait

Hona-Al-Kuwait-300x168

കൊലക്കേസ്: മൂന്നു മലയാളികളെ കുവൈത്ത് കോടതി വെറുതെവിട്ടു

കുവൈത്ത് സിറ്റി: ഫിലിപ്പീന്‍ യുവതിയെ കൊലപ്പെടുത്തിയ കേസില്‍ മൂന്നു മലയാളികളെ കുവൈത്ത് കോടതി വെറുതെവിട്ടു. കോഴിക്കോട് സ്വദേശികളായ അജിത് അഗസ്റ്റിന്‍, ടിജോ തോമസ്, തുഫൈല്‍ എന്നിവരെയാണ് കുറ്റക്കാരല്ലെന്ന് കണ്ട് വെറുതെവിട്ടത്.

കഴിഞ്ഞ ഫെബ്രുവരി 11നായിരുന്നു കേസിനാസ്പദമായ സംഭവം. ഫര്‍വാനിയ പാകിസ്താന്‍ സ്‌കൂളിനു സമീപമുള്ള കെട്ടിടത്തില്‍ തീപിടുത്തമുണ്ടാവുകയും ഫിലിപ്പീന്‍ യുവതിയെ അതിനുള്ളില്‍ മരിച്ച നിലയിലും കണ്ടെത്തുകയായിരുന്നു. സംശയത്തെത്തുടര്‍ന്ന് പരിശോധന നടത്തിയപ്പോള്‍ തീപിടുത്തത്തിനു മുമ്പുതന്നെ യുവതി കൊല്ലപ്പെട്ടതായി കണ്ടെത്തുകയായിരുന്നു.

കുവൈത്തില്‍ ബേക്കറി ജോലി ചെയ്തുവരികയായിരുന്ന മൂന്നു പേരുടെയും സിവില്‍ ഐ.ഡിയും ബാങ്ക് കാര്‍ഡും ഇവിടെ നിന്നു കണ്ടെത്തിയതോടെയാണ് ഇവര്‍ പിടിയിലായത്.

Al Rai store inauguration indoor picture

ബിഗ്‌ ബി കുവൈറ്റില്‍, ആവേശത്തിരയില്‍ ആരാധകര്‍

കുവൈറ്റ്‌ സിറ്റി: ഇന്ത്യന്‍ സിനിമാ ലോകത്തെ ‘ബിഗ്‌ ബി’ അമിതാഭ് ബച്ചന്‍ ആദ്യമായി കുവൈറ്റില്‍ എത്തി. സ്വര്‍ണ്ണാഭരണ വ്യപാര രംഗത്തെ പ്രമുഖ ഗ്രൂപ്പുകളില്‍ ഒന്നായ കല്യാണ്‍ ജ്വല്ലേഴ്സിന്റൊ കുവൈറ്റിലെ മൂന്നു ഷോറൂമുകളുടെ ഉദ്ഘാടനത്തിനായാണ് അമിതാഭ് ബച്ചന്‍ കുവൈറ്റില്‍ എത്തിയത്, ബിഗ്‌ ബിയോടൊപ്പം ഒപ്പം മറ്റ് തെന്നിന്ത്യന്‍ താരങ്ങളായ പ്രഭു ഗണേശന്‍, നാഗാര്‍ജുന, മലയാളത്തിന്റെന പ്രിയ നടി മഞ്ജുവാര്യറുംചേര്‍ന്നാണ്കു വൈറ്റിലെ അല്‍ റായി, മാലിയ, ഫഹഹീല്‍ എന്നിവിടങ്ങളിലെ പുതിയ സ്ഥാപനങ്ങള്‍ ഉദ്ഘാടനം നിവ്വഹിച്ചത്.

മൂന്നിടങ്ങളിലും ആയിരക്കണക്കിന് ആരാധാകര്‍ ഇന്ത്യയുടെ അഭിനയ രംഗത്തെ അതികായനെ കാണാന്‍ എത്തിയിരുന്നു. കുവൈറ്റിലേക്കുള്ള എന്‍റെ ആദ്യ യാത്രയാണിത്. നിങ്ങള്‍ കാണിച്ച സ്നേഹവായ്പ് കാണുമ്പോള്‍ ഇവിടേക്കുള്ള എന്റെി അവസാന യാത്രയല്ല ഇത്. ഞാന്‍ വീണ്ടും വരും ആരാധകരുടെ ആര്‍പ്പു വിളികള്‍ക്കിടെ തന്റെത ഘനഗംഭീരമായ ശബ്ദത്തില്‍ ബച്ചന്‍ പറഞ്ഞു. കഫി കഫി എന്ന സിനിമയിലെ ഗാനം കൂടി പാടിയാണ് അമിതാഭ്ബച്ചന്‍ വേദി വിട്ടത്. ബച്ചനോടൊപ്പം ഉദ്ഘാടന കര്‍മം നിവഹിച്ച താരങ്ങളും ആരാധകരുടെ ആവേശത്തിനും പിന്തുണക്കും നന്ദി പറഞ്ഞു.

ആഘോഷങ്ങളുടെ ഭാഗമായി 150 കുവൈറ്റി ദിനാറിന്റെ ആഭരണങ്ങള്‍ വാങ്ങുന്നവര്ക്ക് ഓരോ സ്വര്‍ണ്ണ നാണയങ്ങള്‍ ലഭിക്കും. ഒരു ഭാഗ്യശാലിക്ക് 75,000 ദിനാര്‍ സമ്മാനമായി ലഭിക്കുകയും ചെയ്യും. ഇതോടുകൂടി ഇന്ത്യയ്ക്കകത്തും പുറത്തുമായി കല്യാണ്‍ ജ്വല്ലേഴ്സ് ഷോറൂമുകളുടെ എണ്ണം 77 ആയി. ആഘോഷ പരിപാടികളുടെ ഭാഗമായി വൈകീട്ട് നടന്ന പ്രത്യേക ചടങ്ങില്‍ പ്രശസ്ത വയലിനിസ്റ്റ് ബാലഭാസകറും സംഘവും അവതരിപ്പിച്ച ഫ്യൂഷന്‍ കണ്സോര്ട്ടും ഉണ്ടായിരുന്നു. ചടങ്ങുകളില്‍ കല്യാണ്‍ ജ്വല്ലറി ഗ്രൂപ്പ് ചെയര്മാന്‍ ടി.എസ്.കല്യാണരാമന്‍ എക്സിക്യുട്ടീവ്‌ ഡയറക്ടര്‍മാരയ രാജേഷ് കല്യാണരാമന്‍, രമേശ്‌ കല്യാണരാമന്‍, എന്നിവരും കുവൈറ്റിലെ പൌരപ്രമുഖരടക്കം നിരവധിപേര്‍ പങ്കെടുത്തു.

T.V.H, Kuwait

വിസ കാലാവധി പാസ്പോര്‍ട്ടുമായി ബന്ധിപ്പിച്ചു

കുവൈറ്റ്‌ സിറ്റി: വിദേശികളുടെ താമസനിയമനിയമങ്ങൾ പൂർണ്ണമായും പ്രത്യേകിച്ച് താമസ കാലാവധി പാസ്പോർട്ടിന്റെ കാലാവധിയുമായി ബന്ധിപ്പിക്കുന്ന വകുപ്പ് 15 നടപ്പിലാക്കുമെന്ന് ആഭ്യന്തര വകുപ്പ് അണ്ടർ സെക്രട്ടറി മേജർ ഷെയ്ഖ് മസെൻ അൽ ജറ പറഞ്ഞു. നിയമം നടപ്പിലാക്കുന്നതിനുണ്ടായ താമസം ഇത് നീട്ടിക്കൊണ്ടുപോകുന്നതിനുള്ള ന്യായീകരണമല്ലെന്നും, നിയമം പ്രാവർത്തികമാക്കുന്നതിനായി കമ്പ്യൂട്ടർ സിസ്റ്റവുമായി ബന്ധിച്ചപ്പോൾ നിലവിൽ താമസാനുമതിയുള്ള ധാരാളം വിദേശികളുടെ പാസ്പോർട്ടുകളുടെ കാലാവധി കഴിഞ്ഞിരിക്കുന്നതായി കണ്ടെത്തിയെന്നും അദ്ദേഹം പറഞ്ഞു. ഇത്തരം പാസ്പോർട്ട് കാലാവധി കഴിഞ്ഞിട്ടും ബന്ധപ്പെട്ട വിഭാഗങ്ങളിൽ അറിയിക്കാത്തവരുടെ നിയമലംഘനത്തിനുള്ള പിഴയുടെ തുകയറിയുവാനുള്ളവരുടെ ആകെ കുഴഞ്ഞുമറഞ്ഞ അവസ്ഥക്കാണ് കഴിഞ്ഞ ദിവസം വിസാ കാര്യങ്ങളുടെ വിഭാഗം സാക്ഷ്യം വഹിച്ചത്

• ഇത്തരക്കാർ പഴയ പാസ്പോർട്ടിലെ വിവരങ്ങൾ പുതിയതിലേക്ക് മാറ്റുന്നതിനായി താമസകാര്യ വകുപ്പുമായി ബന്ധപ്പെടണം.

• ഇതിനായി പാസ്പോർട്ട് കാലാവധി കഴിഞ്ഞാൽ 2 മാസത്തെ സമയം പിഴയീടാക്കുന്നതിനു മുമ്പായി നൽകുന്നതാണ്.

• അതേ പാസ്പോർട്ട് തന്നെയാണ് പുതുക്കുന്നതെങ്കിൽ ആൾ പാസ്പോർട്ട് കാലാവധി തീരുന്നതിന് മുമ്പ് റെസിഡൻസി വിഭാഗവുമായി ബന്ധപ്പെടേണ്ടതും അവിടെ നിന്ന് 2 മാസത്തെ കാലാവധി പാസ്പോർട്ട് കാലാവധി കഴിഞ്ഞാലുള്ള പിഴയിൽ നിന്ന് ഒഴിവാക്കുന്നതിന് അനുവദിക്കുന്നതുമാണ്.

• പല വിദേശികളുടേയും താമസാനുമതി നിലവിലുണ്ടെങ്കിലും പാസ്പോർട്ട് കാലാവധി കഴിഞ്ഞതായി കണ്ട സാഹചര്യത്തിൽ അവർ റെസിഡൻസി വിഭാഗങ്ങളിലെ കമ്പ്യൂട്ടറുകളിൽ വിവരങ്ങൾ പുതുക്കുന്നതിനുള്ള നടപടികൾ സ്വീകരിക്കണം. അല്ലാത്തവർ പിഴയടക്കേണ്ട സാഹചര്യമുണ്ടാകും.

• വിവരങ്ങൾ പുതുക്കാത്തവർക്ക് ഒരു ദിവസം രണ്ട് ദിനാർ എന്ന നിരക്കിൽ പരമാവധി 600 ദിനാർ പിഴയടക്കേണ്ടിവരും.

• കുവൈറ്റിനു പുറത്ത് പാസ്പോർട്ട് പുതുക്കിയവർ രാജ്യത്ത് പ്രവേശിച്ചതിനു ഒരു മാസത്തിനുള്ളിൽ റെസിഡൻസി വിഭാഗവുമായി ബന്ധപ്പെട്ട് വിവരങ്ങൾ പുതുക്കേണ്ടതാണ്. അല്ലെങ്കിൽ പിഴയട്ക്കേണ്ടതായി വരും. • പുതിയ പാസ്പോർട്ടുമായി എത്തുന്ന വിദേശികൾ ഒരു മാസത്തിനുള്ളിൽ റെസിഡൻസി കാര്യ വിഭാഗവുമായി ബന്ധപ്പെട്ട് വിവരങ്ങൾ പുതുക്കേണ്ടതാണ്.

T.V.H, Kuwait

header2
10863756_748672175188084_75151109_n
നിസ്സഹായായ 3 പിഞ്ചു കുഞ്ഞുങ്ങളും വീട്ടമ്മയും സഹായം തേടുന്നു.

കുവൈറ്റ്‌ സിറ്റി: ടാക്സി ഡ്രൈവറായി ജോലി ചെയ്യവെ റെന്റ്റ് കാറിനു വാടക കൊടുക്കുന്നതിൽ വീഴ്ച വരുത്തിയതിൽ ജയിലിലായ ആന്ദ്രാ  പ്രദേശിലെ ഈസ്റ്റ്‌ ഗോദാവരി സ്വദേശി ചന്ദ്രശേഖർ നുന്നാബിനയുടെ  3 പിഞ്ചു കുഞ്ഞുങ്ങളും ഭാര്യ ഉമയും ഒരു മാസത്തോളമായി ഫരവാനിയായിൽ ഭക്ഷണവും റൂംവാടകയുമില്ലാതെ ദുരിതമനുഭവിക്കുന്നു.  ഉമ ആന്ദ്രപ്രദേശിലെ വാറങ്കൽ സ്വദേശിയാണ്.

ഉമയുടെയും ഇളയ മകളുടെയും വിസ കലാവധി  തീരുകയും ഭര്‍ത്താവ് ജയിലിലായതിനാൽ വിസ പുതുക്കാൻ സാധിക്കാതെ നിയമകുരുക്കിലകപ്പെട്ടു കിടക്കുയാണ്.  ഫീസടക്കാൻ പറ്റാത്തതിനാൽ മൂത്ത മകനിപ്പോൾ സ്കൂളിലും പോകുന്നില്ല. ചന്ദ്രശേഖർ ജയിൽ ശിക്ഷ തീർന്നാൽ കോടതി വിധി പ്രകാരം നാടിലേക്ക് കയറ്റി അയക്കപെടുന്ന സ്ഥിതിയാണ് നിലവിലുള്ളത്.

ഉമക്കും 3 പിഞ്ചു കുഞ്ഞുങ്ങൾക്കും സഹായ  ഹസ്തവുമായി കേരള ആര്‍ട്ട്‌ ലവേര്‍സ് അസോസിയേഷന്‍, (കല കുവൈറ്റിന്‍റെ) പ്രവര്‍ത്തകര്‍ സമീപിക്കുകയും തുടര്‍ന്ന്‍ അവര്‍ക്ക് വേണ്ടുന്ന സഹായങ്ങളും ഭക്ഷണ സാധനങ്ങൾ എത്തിച്ചുകൊടുക്കുകയും ചെയ്തുവരുന്നു. ഇപ്പോള്‍ കല കുവൈറ്റ്‌ പ്രവര്‍ത്തകരോടൊപ്പം തെലുങ്ക് കലാ സമിതി പ്രവത്തകരും ഈ കുടുംബത്തെ സഹായിക്കാനാവശ്യമായ കാര്യങ്ങള്‍ നല്‍കി വരുന്നു.  ഉമയെയും കുട്ടികളെയും സുരക്ഷിതമായി നാട്ടിലയക്കാനുള്ള പ്രവര്‍ത്തനങ്ങള്‍ കലയുടെയും തെലുങ്ക് കലാ സമിതി പ്രവര്‍ത്തകരുടെയും നേതൃത്വത്തില്‍ എംബസിയുമായി ബന്ധപ്പെട്ടു നടത്തി വരികയാണ്. ഈ കുടുംബത്തെ സഹായിക്കാനാവശ്യമായ പ്രവര്‍ത്തനങ്ങളില്‍ താല്‍പര്യമുള്ളവര്‍  96652512,  94041755 എന്ന നമ്പറില്‍ ബന്ധപ്പെടണമെന്ന് കല കുവൈറ്റ്‌ ഭാരവാഹികള്‍ അറീയിച്ചു.

T.V.H , Kuwait

മലയാളി സംഘടനകളുടെ കൂട്ടായ്മയില്‍ കൈപ്പട്ടൂര്‍ തങ്കച്ചന് യാത്രയയപ്പ് നല്‍കുന്നു

കുവൈത്ത് സിറ്റി: കുവൈത്തിലെ അറിയപ്പെടുന്ന എഴുത്തുകാരനും കഴിഞ്ഞ മുപ്പത്തിയഞ്ചിലധികം വര്‍ഷക്കാലമായി സാമൂഹിക സാംസ്ക്കാരിക മേഖലകളില്‍ സജീവമായിരുന്ന കൈപ്പട്ടൂര്‍ തങ്കച്ചന് കുവൈത്തിലെ മലയാളി സമൂഹം ജനകീയ യാത്രയയപ്പ് നല്‍കുന്നു. അബ്ബാസിയ ഹൈഡൈന്‍ ഓഡിറ്റോറിയത്തില്‍, അയനം ഓപ്പണ്‍ ഫോറം വിളിച്ചു ചേര്‍ത്ത ആലോചന യോഗത്തിൽ കുവൈത്തിലെ ഇരുപത്തിമൂന്നോളം സംഘടനകളുടെ പ്രതിനിധികള്‍ പങ്കെടുത്തു. കുവൈത്ത് മലയാളി സമൂഹത്തിലെ പൗര പ്രമുഖരും സംഘടന നേതാക്കളും സാംസ്കാരിക പ്രവര്‍ത്തകരും ഉള്‍പെട്ട ജനകീയ സമിതിയാണ് പരിപാടി സംഘടിപ്പിക്കുന്നത്. ജനുവരി 3 ശനിയാഴ്ച്ച വൈകുന്നേരം ആറുമണിക്ക് അബ്ബാസ്സിയ പ്രവാസി ഓഡിറ്റോറിയത്തിൽ പരിപാടി നടത്തും. വിവിധ സംഘടനകളെ പ്രതിനിധീകരിച്ച് ജെ.സജി , ബഷീര്‍ ബാത്ത, എ. പി, അബ്ദുല്‍ സലാം, സക്കീര്‍ ഹുസൈന്‍ തുവ്വൂര്‍, ജേക്കബ് ചണ്ണപ്പേട്ട, രഘുനാഥന്‍ നായര്‍, ബെര്ഗ്് മാന്‍ തോമസ്, ചെസ്സില്‍ രാമപുരം, എം.ശ്രീംലാല്‍, ശൈജിത്.കെ., സത്യന്‍ വരൂണ്ട, അനവര്‍ സയ്യിദ്, സാം നന്തിയാട്ട്, അസീസ്‌ തിക്കൊടി, ടി.ജി.വേണുഗോപാല്‍, ഹംസ പയ്യന്നൂര്‍, ഷെരീഫ് താമരശേരി, അബ്ദുല്‍ ഫത്താഹ് തയ്യില്‍, ഹബീബുള്ള മുറ്റിച്ചൂര്‍, ഇക്ബാല്‍, റഫീക്ക് ബാബു,മുഹമ്മദ്‌ റഫീക്ക്, ഷാജി രഘുവരന്‍, മുഹമ്മദ്‌ റിയാസ് എന്നിവര്‍ പരിപാടിയില്‍ പങ്കെടുത്തു. പരിപാടിയുടെ ജനറല്‍ കണ്വീുനറായി സത്താര്‍ കുന്നിലിനെ യോഗം തെരെഞ്ഞെടുത്തു. പ്രവര്‍ത്തന സൌകര്യത്തിനായി വിവിധ സബ് കമ്മിറ്റികള്‍ക്കും യോഗത്തില്‍ രൂപം നല്‍കി .

Vision 21
വിഷന്‍ ക്രിക്കറ്റ് : ഡേസേര്‍ട്ട് † നൈറ്റ് ക്ലബ് ജേതാക്കള്‍

കുവൈത്ത്‌സിറ്റി: വിഷന്‍ ക്രിക്കറ്റ് ക്ലബ്ബിന്റെ ആഭിമുഖ്യത്തില്‍ നടന്ന വിഷന്‍ സീസണ്‍ 2 ക്രിക്കറ്റ് ടൂര്‍ണമെന്റില്‍ ഡേസേര്ട്ട്സ നൈറ്റ് ക്ലബ് ജേതാക്കളായി. അബുഖലീഫ ഗ്രൗണ്ടില്‍ നടന്ന ഫൈനലില്‍ ടൈഗേര്‍സ് ക്ലബിനെ ആണ് ഡേസേര്‍ട്ട് നൈറ്റ് പരാജയപ്പെടുത്തിയത്. മിനിസ്ട്രി ഓഫ് ജസ്റ്റിസ് ഉദ്യോഗസ്ഥനായ അബ്ദുല്‍ കരീം അല്‍ അദ്വാനിയില്‍ നിന്നും ഡേസേര്‍ട്ട് നൈറ്റ് ക്ലബ് ക്യാപ്റ്റന്‍ സാംതോമസ് ട്രോഫി ഏറ്റുവാങ്ങി. റണ്ണര്‍ അപ്പിന് ജെഫ്രി ജോണ്‍സും, മികച്ച ടീമിന് അനില്‍ പി അലക്‌സും, മാന്‍ ഓഫ് ദി സീരിസ്, മികച്ച ബാറ്റ്‌സ്മാന്‍, ബൗളര്‍, കീപ്പര്‍, ഫീല്‍ഡ്ര്‍ എന്നിവര്‍ക്കുള്ള ട്രോഫികള്‍ ശാദി ഹുസൈന്‍, ഡോക്ടര്‍ വെങ്കടേഷ് സാമ്രാജ്, ഡോക്ടര്‍ മിസിസ് സബിതാ വെങ്കടേഷ്, ജയശങ്കര്‍ നായര്‍, മിസിസ് സജിലാ ജയശങ്കര്‍ എന്നിവരും വിതരണം ചെയ്തു. ശശികുമാര്‍, സുഭാഷ് അമ്പിടി, ഹംസ, രജീഷ്, നൗഫല്‍, ഷംസീര്‍ ബെയ്ഗ് യൂസഫ് എന്നിവര്‍ ടൂര്‍ണമെന്റ്റിനു നേതൃത്വം നല്കി. പത്ത് ടീമുകളുമായി ഒക്ടോബര്‍ പത്തിനാണ് മത്സരം ആരംഭിച്ചത്.

T.V.H, Kuwait

water and elect
015 മധ്യത്തോടെ ജല – വൈദ്യുതി സബ്സിഡികള്‍ നിര്‍ത്തലാക്കുന്നു

കുവൈറ്റ്‌ സിറ്റി: കുവൈത്തില്‍ അടുത്ത വര്‍ഷം മധ്യത്തോടെ ജല- വൈദ്യുതി സബ്സിഡികള്‍ നിര്‍ത്തലാക്കുമെന്ന് വിവിധ മന്ത്രാലയങ്ങളുമായി ബന്ധപ്പെട്ട വൃത്തങ്ങള്‍ സൂചിപ്പിച്ചു. കയറ്റുമതി എണ്ണയുടെ വില കുത്തനെ കുറഞ്ഞതിനാല്‍ സര്‍ക്കാര്‍ ചിലവുകള്‍ വെട്ടിച്ചുരുക്കേണ്ടി വന്ന സാഹചര്യത്തിലാണ് ഇത്തരമൊരു തീരുമാനത്തിനു സര്‍ക്കാര്‍ ഒരുങ്ങുന്നത്.

2015 ജൂണ്‍ മാസത്തിനകം പുതിയ താരിഫ് പ്രാബല്യത്തില്‍ വരും. ബജറ്റ് നിര്‍ദേശങ്ങളില്‍ ഉള്‍പ്പെടാത്ത വിഷയമായതിനാല്‍ പ്രത്യേക എക്സിക്യുട്ടീവ്‌ ഉത്തരവിലൂടെയാണ് സബ്സിഡിരഹിത നിരക്കുകള്‍ പ്രഖ്യാപിക്കുകയെന്നും മന്ത്രാലയ വൃത്തങ്ങള്‍ സൂചിപ്പിച്ചു.

എന്നാല്‍ പാര്‍ലമെന്റ്റില്‍ ഇതിനെ എതിര്‍ക്കുമെന്ന്ന്ന് പ്രമുഖ എം പി യായ ജമാല്‍ അല്‍ ഒമര്‍ പറഞ്ഞു. പരിമിതമായ വേതനം പറ്റുന്നവരാണ് പ്രവാസികളില്‍ ഭൂരിപക്ഷവും . പെട്രോള്‍ വിലയിടിവിന്റെ പേരില്‍ സാധാരണക്കാരെ ബുദ്ധിമുട്ടിക്കുന്നത് ശരിയല്ല. കൂടുതല്‍ ചര്‍ച്ചകള്‍ക്ക് ശേഷമേ സബ്സിഡികള്‍ കുറയ്ക്കുന്ന നടപടി തുടങ്ങാവൂ. ജമാല്‍ അല്‍ ഒമര്‍ പറഞ്ഞു.

T.V.H, Kuwait