ബഹ്‌റൈനില്‍ ഇനി പ്രവാസികള്ക്കും ഗാര്‍ഹിക തൊഴിലാളി വിസ

മനാമ: ബഹ്‌റൈനില്‍ പ്രവാസികള്‍ക്കും ഗാര്‍ഹിക തൊഴിലാളി വിസ ലഭ്യമാക്കാന്‍ എല്‍ എം ആര്‍ എ തീരമാനം. ബഹ്‌റൈനികള്‍ക്ക് മാത്രമാണ് നേരത്തെ ഗാര്‍ഹിക തൊഴിലാളികളെ ജോലിക്കുവെക്കാന്‍ അധികാരമുണ്ടായിരുന്നത്. ലേബര്‍ മാര്‍ക്കറ്റ് റെഗുലേറ്ററി അതോറിറ്റി(എല്‍ എം ആര്‍ എ)യുടെ പുതിയ തീരുമാനമനുസരിച്ച് ബഹ്‌റൈനികള്‍ അല്ലാത്തവര്‍ക്കും ഗാര്‍ഹിക തൊഴിലാളി വിസക്കായി അപേക്ഷിക്കാം. ജിസിസി ഏകീകൃത ഗാര്‍ഹിക തൊഴിലാളി കരാറിന്റെ പശ്ചാത്തലത്തിലാണ് ഈ നീക്കം.

പുതിയ വിസ സംവിധാനമനുസരിച്ച് പ്രതിമാസം 1,000 ദിനാറെങ്കിലും ശമ്പളവുമുള്ള പ്രവാസികള്‍ക്ക് വീട്ടുജോലിക്കാരെ സ്വന്തം നിലക്ക് വിസ എടുത്ത് നിയമിക്കാമെന്ന് എലല്‍ എം ആര്‍ എ അറിയിച്ചു. അപേക്ഷകന് ആറു മാസമെങ്കിലും റെസിഡന്‍സി പെര്‍മിറ്റുണ്ടായിരിക്കണം. വിസക്ക് അപേക്ഷിക്കുമ്പോള്‍ 500 ദിനാര്‍ കെട്ടിവക്കണം. കരാര്‍ ലംഘനമുണ്ടാകുന്നില്ലെന്ന് ഉറപ്പുവരുത്താനാണിത്. ജോലിക്കാരുടെ രണ്ടു വര്ഷെത്തെ കരാര്‍ അവസാനിക്കുമ്പോള്‍ ഡെപ്പോസിറ്റ് തുക എല്‍ എം ആര്‍ എ തിരിച്ചു നല്‍കും.

മുന്‍പ് വീട്ടുജോലിക്കാരെ നിയമിക്കണമെങ്കില്‍ പ്രവാസികള്‍ക്ക് ബഹ്‌റൈനി സ്പോണ്‍സറുടെ അംഗീകാരത്തോടെയേ സാധിക്കുമായിരുന്നുള്ളൂ. വീട്ടു ജോലി വിസ അനുവദിക്കുക സ്പോണ്‍സറുടെ പേരിലുമായിരിക്കും. വന്‍ തുക നല്‍കി കരിഞ്ചന്തയെ ആശ്രയിക്കുന്നതും കുറവല്ല. ഈ പ്രവണതകള്‍ക്ക് ഇതോടെ ശമനമുണ്ടാകുമെന്നാണ് അധികൃതരുടെ കണക്കുകൂട്ടല്‍. എല്‍ എം ആര്‍ എ യുടെ കണക്കനുസരിച്ച് ബഹ്‌റൈനിലാകെ 1,05,000 വീട്ടുജോലിക്കാരുണ്ട്. പാചകക്കാരന്‍, ഡ്രൈവര്‍, ആയ, സെക്യൂരിറ്റി ഗാര്ഡ് , വീട്ടു വേലക്കാരി, ഉദ്യാനപാലകന്‍ എന്നിവരാണ് ഗാര്‍ഹിക തൊഴിലാളി ഗണത്തില്‍പെടുന്നത്.

ഇന്ധന ചോര്‍ച്ച : എയര്‍ ഇന്ത്യ എക്സ്പ്രെസ്സ് പാതി വഴിയില്‍ നിര്‍ത്തി ; യാത്രക്കാര്‍ക്ക് തീരാ ദരിതം

മനാമ: ഇന്ധന ചോര്‍ച്ച കണ്ടത്തെിയതിനെ തുടര്‍ന്ന് എയര്‍ ഇന്ത്യ എക്‌സ്പ്രസിന്റെ ബഹ്‌റൈന്‍-കുവൈത്ത്-മംഗളൂരു വിമാനം പാതി വഴില്‍ നിര്‍ത്തിയത് യാത്രക്കാരെ ദുരിതത്തിലാക്കി. കുവൈത്ത്‌ സിറ്റിയില്‍ എത്തേണ്ട ഐ.എക്‌സ് 890 സര്‍വീസാണ് ബഹ്‌റൈനില്‍ യാത്ര അവസാനിപ്പിച്ചത്. ബുധനാഴ്ച രാവിലെ ബഹ്‌റൈനലിലത്തെിയ വിമാനത്തിന് ഇന്ധന ചോര്‍ച്ച കണ്ടത്തെിയതിനെ തുടര്‍ന്ന് യാത്ര തുടരാന്‍ കഴിഞ്ഞില്ല. കുവൈത്തിലേക്കും നാട്ടിലേക്കും പോകാനുള്ള യാത്രക്കാര്‍ ഇതോടെ ബഹ്‌റൈനിലും നാട്ടിലേക്ക് പോകാനുള്ളവര്‍ കുവൈത്തിലും കുടുങ്ങി.

സര്‍വീസ് മുടക്കം യഥാസമയം അറിയിക്കാതെ എയര്‍ ഇന്ത്യ എക്‌സ്പ്രസ് അധികൃതര്‍ യാത്രക്കാരെ ദുരിതത്തിലാക്കുകയായിരുന്നു. ഈ വിമാനത്തില്‍ പോകേണ്ട യാത്രക്കാര്‍ വിമാനത്താവളത്തിലത്തെി ബോര്‍ഡിംഗ്, ഇമിഗ്രേഷന്‍ പരിശോധനകള്‍ കഴിഞ്ഞശേഷമാണ് വിമാനം വൈകുമെന്ന വിവരം അറിയുന്നത്. ബുധനാഴ്ച രാവിലെ 7.30ന് മംഗളൂരുവില്‍ നിന്ന് പുറപ്പെട്ട് 9.20ന് ബഹ്‌റൈനിലത്തെുന്ന വിമാനം 10.15ന് ഇവിടെനിന്നും പുറപ്പെട്ട് 11.15ന് കുവൈത്തില്‍ എത്തേണ്ടതായിരുന്നു. ബുധനാഴ്ച രാവിലെ 7.30 ഓടെ ചെക്ക് ഇന്‍ ചെയ്തവരാണ് ഒട്ടുമിക്ക യാത്രക്കാരും. ബുധനാഴ്ചത്തെ യാത്ര മുടങ്ങുമെന്ന് ഉറപ്പായതോടെ യാത്രക്കാരെ ഗള്‍ഫ് ഹോട്ടലിലേക്ക് മാറ്റി. തുടര്‍ന്ന് വ്യാഴാഴ്ച രാവിലെ ഒമ്പതോടെ തിരിച്ചത്തെിയ യാത്രക്കാരോട് പല ഘട്ടങ്ങളിലും വിമാനം പോകാറായെന്ന് പറഞ്ഞെങ്കിലും യാഥാര്‍ത്ഥ്യമായില്ല.

വിമാനം എപ്പോള്‍ എത്തുമെന്ന വിവരം അറിയിക്കാതെ എയര്‍ ഇന്ത്യ എക്‌സ്പ്രസ് അധികൃതര്‍ ബുധനാഴ്ച രാത്രി വരെ യാത്രക്കാരെ കുവൈത്ത് വിമാനത്താവളത്തിലും ഇരുത്തി. സാങ്കേതിക തകരാര്‍ പരിഹരിച്ച് വിമാനം ഉടന്‍ എത്തുമെന്നായിരുന്നു ധരിപ്പിച്ചത്. രാത്രി 9.30 ഓടെയാണ് വിമാനം വ്യാഴാഴ്ച രാവിലെ 11.30 ഓടെ മാത്രമേ പുറപ്പെടൂ എന്ന് അറിയിക്കുകയായിരുന്നു. സാങ്കേതിക തകരാര്‍ പരിഹരിക്കാന്‍ ഇന്ത്യയില്‍ നിന്ന് സ്‌പെയര്‍ പാര്‍ട്ടുകള്‍ എത്തിക്കണമെന്നായിരുന്നു അധികൃതരുടെ വിശദീകരണം. എന്നാല്‍ വ്യാഴാഴ്ച രാവിലെ എട്ടോടെ യാത്രക്കാരെ വീണ്ടും വിമാനത്താവളത്തിലത്തെിച്ചെങ്കിലും വിമാനം വരുന്ന ലക്ഷണമുണ്ടായിരുന്നില്ല. തലേന്ന് അറിയിച്ച പ്രകാരം വ്യാഴാഴ്ച രാവിലെ 11.30ന് വിമാനം എത്തിയില്ലെന്ന് മാത്രമല്ല എയര്‍ ഇന്ത്യ എക്‌സ്പ്രസിന്റെ ബന്ധപ്പെട്ട ഉദ്യോഗസഥരില്‍ ഒരാളും കാര്യങ്ങള്‍ അറിയിക്കാന്‍ യാത്രക്കാരുടെ അടുത്ത് എത്തിയതുമില്ല.

ഒടുവില്‍ വൈകീട്ട് മൂന്നരയോടെ മാത്രമാണ് വിമാനം വരില്ലെന്ന് അധികൃതര്‍ പറയുന്നത്. ബഹ്‌റൈനില്‍ കുടുങ്ങിയ വിമാനത്തിന്റെ സാങ്കേതിക തകരാര്‍ പരിഹരിക്കാനായിട്ടില്ലെന്നും ഇന്ത്യയില്നി‍ന്ന് പകരം വിമാനം വരണമെന്നുമായിരുന്നു അറിയിപ്പ്. എന്നാല്‍, വിമാനം എപ്പോള്‍ വരുമെന്ന് അധികൃതര്‍ വ്യക്തമാക്കിയില്ല.

വ്യാഴാഴ്ച ഉച്ചയോടെ ട്രയല്‍ റണ്ണില്‍ വിമാനം പറത്താനാവാത്ത സ്ഥിതിയാണെന്ന് വ്യക്തമായി.റിപ്പയറിങ്ങിനു ശേഷം രണ്ടു വട്ടം ടേക്ക് ഓഫിനു ശ്രമിച്ചെങ്കിലും വിജയിച്ചില്ല അതിനിടെ, കുവൈത്തിലേക്കുള്ള യാത്രക്കാരെ വൈകീട്ട് അഞ്ചേടെ മറ്റൊരു വിമാനത്തില്‍ കയറ്റി വിട്ടു. പത്തു പേരെ വൈകീട്ട് ബഹ്‌റൈനില്‍ നിന്ന് മറ്റൊരു വിമാനത്തില്‍ നാട്ടിലേക്കും വിട്ടു. ചിലര്‍ ടിക്കറ്റ് റദ്ദാക്കിയിട്ടുണ്ട്. മറ്റുള്ളവരെ ഗള്‍ഫ് ഹോട്ടലിലേക്ക് മാറ്റി. വെള്ളിയാഴ്ച ഉച്ചയോടെ നാട്ടിലേക്ക് തിരിക്കാമെന്ന ഉറപ്പിലാണ് ഇവരെ ഹോട്ടലിലേക്ക് മാറ്റിയത്. ഇതനുസരിച്ച് ഇവരെ വെള്ളിയാഴ്ച രാവിലെയോടെ വിമാന താവളത്തിലേക്ക് കൊണ്ടുപോയതായാണ് വിവരം.

DSC_0412

ഇന്ത്യന്‍ സ്‌കൂള്‍: പുതിയ ഭരണസമിതി അധികാരമേറ്റു

മനാമ: ബഹ്‌റൈന്‍ ഇന്ത്യന്‍ സ്‌കൂളില്‍ പുതിയ ഭരണ സമിതി ചുമതലയേറ്റു. ഭരണ സമിതിയിലേക്കു നടന്ന വാശിയേറിയ തെരഞ്ഞെടുപ്പില്‍ ഉജ്വല വിജയം നേടിയ പ്രിന്‍സ് നടരാജന്‍ ചെയര്‍മാന്‍ സ്ഥാനാര്‍ഥിയായ പിപിഎ മുന്നണിയാണ് ഭരണമേറ്റത്.

നിലവിലുള്ള ഭരണ സമിതിയുടെയും പുതുതായി തെരഞ്ഞെടുക്കപ്പെട്ട ഭരണസമിതിയുടെയും സംയുക്ത യോഗത്തില്‍ സഥാനമൊഴിയുന്ന ചെയര്‍മാന്‍ അബ്രഹാം ജോണ്‍ പുതിയ ചെയര്‍മാന്‍ പ്രിന്‍സ് നടരാജന് സ്‌കൂള്‍ ഭരണചുമതല കൈമാറി. കണക്കുകളും മറ്റു രേഖകളും പുതിയ സെക്രട്ടറി ഷെമിലി പി ജോണും ഏറ്റുവങ്ങി. ഷെമിലി പി ജോണ്‍, ഡോ. സിജി മനോജ്‌ കുമാര്‍, ഭുപീന്ദര്‍ സിംഗ്, എസ്‌കെ രാമചന്ദ്രന്‍, സിജി ആന്റണി, മുഹമ്മദ് ഇകബാല്‍ എന്നിവരാണ് അധികാരമേറ്റത്. പ്രിന്സിസപ്പല്‍ വിആര്‍ പളനി സ്വാമിയും സംബന്ധിച്ചു.

ഭരണഘടനയുടെ കോപ്പി നല്‍കി കൊണ്ടാണ് ഔപചാരിക ചടങ്ങുകള്‍ അവസാനിച്ചത്. തുടര്‍ന്നു പിപിഎ ഭാരവാഹികള്‍ പ്രിന്‍സ് നടരാജനേയും സെക്രട്ടറി ഷിമിലി പി ജോണിനേയും അവരവരുടെ ഓഫീസുകളിലേയ്ക്ക് ആനയിച്ചു. സ്ഥാനമൊഴിയുന്ന കമ്മറ്റി അംഗങ്ങളല്ലാതെ യുപിപിയുടെ പ്രതിനിധികള്‍ ആരും സന്നിഹിതരായിരുന്നില്ല.

തെരഞ്ഞെടുപ്പ് പ്രകടനപത്രികയിലെ എല്ലാ വാഗ്ദാനങ്ങളും സമയ ബന്ധിതമായി നടപ്പാക്കുമെന്നും അക്കാദമിക നിലവാരം മെച്ചപെടുത്തുവാനുള്ള നടപടികള്‍ ഉടനടി ആരംഭിയ്ക്കുമെന്നും പ്രിന്‍സ് നടരാജന്‍ പറഞ്ഞു.

ഇന്ത്യന്‍ സ്‌കൂള്‍ തെരഞ്ഞെടുപ്പില്‍ പരാജയപെട്ട് സ്ഥാനമൊഴിഞ്ഞ ചെയര്‍മാന്‍ വഴിവിട്ട രീതിയില്‍ ഭരണസമിതിയില്‍ കയറികൂടാന്‍ ശ്രമിക്കുന്നത് ദുരുദ്ദേശപരമാണെന്ന് പ്രോഗ്രസീവ് പേരന്റ്‌സ് മുന്നണി(പിപിഎ) ആരോപിച്ചു. രക്ഷിതാക്കള്‍ പിന്തള്ളിയ അദ്ദേഹം പിപിഎയ്ക്ക് ഒരു എതിരാളി അല്ല. മുന്‍ ചെയര്‍മാന്‍റെ നീക്കം എല്ലാ ജനാധിപത്യ മര്യാദകള്‍ക്കും എതിരാണ്. രക്ഷിതാക്കളെയും ഇന്ത്യന്‍ സ്‌കൂള്‍ ഭരണഘടനയേയും വെല്ലുവിളിയ്ക്കുന്ന അധികാരകൊതിയെ നിയമപരമായും ജനാധിപത്യ രീതിയിലും എതിരിക്കും.

സ്‌കൂള്‍ ഭരണഘടനയനുസരിച്ച് തിരഞ്ഞെടുക്കപ്പെട്ട ഏഴ് അംഗങ്ങളും മൂന്ന് സര്‍ക്കാര്‍ നോമിനികളും ഒരു തുടര്‍ച്ചാ അംഗവും അധ്യാപകരുടെ പ്രതിനിധിയും പ്രിന്‍സിപ്പലും ചേര്ന്നക 13 അംഗ കമ്മറ്റിയാണ് സ്‌കൂള്‍ ഭരണം നടത്തേണ്ടത്. അതില്‍ സര്ക്കാര്‍ നോമിനിയെ തെരഞ്ഞെടുക്കപ്പെട്ട എക്‌സിക്യൂട്ടീവ് കമ്മറ്റിയുടെ ശുപാര്‍ശ പ്രകാരം വിദ്യാഭ്യാസമന്ത്രാലയം നിയമിക്കുന്നതാണ് കീഴ്‌വഴക്കം. ബാക്കി എട്ടു പേരും സ്‌കൂള്‍ രക്ഷിതാവായിരിയ്ക്കണം. ഈ ഒരൊറ്റ കാരണത്താല്‍ തന്നെ തുടര്‍ച്ചാ മെംബര്‍ ആകാന്‍ സ്ഥാനമൊഴിഞ്ഞ ചെയര്‍മാന് യോഗ്യതയില്ല. മാത്രവുമല്ല സിബിഎസ്‌സി ചട്ടപ്രകാരവും ഭരണഘടയനുസരിച്ചും ഒരു അംഗം രണ്ടു തവണയില്‍ കൂടുതല്‍ എക്‌സിക്യൂട്ടീവ് കമ്മറ്റിയില്‍ തുടരുത്. അതുകാണ്ട് രണ്ടുവട്ടം പൂര്‍ത്തിയാക്കി സ്ഥാനമൊഞ്ഞ ചെയര്‍മാന്റെ കമ്മറ്റിപ്രവേശനം നിയമപരമായി നിലനില്ക്കു്ന്നതല്ല. നിയമ വിരുദ്ധമായ നീക്കത്തിനെതിരെ വിദ്യാഭ്യാസ വകുപ്പില്‍ പരാതി നല്‍കും.

കഴിഞ്ഞ ദിവസം പരാജയപെട്ട മുന്നണി (യുപിപി) യോഗത്തില്‍ സ്ഥാനമൊഴിഞ്ഞ ചെയര്‍മാന്‍ തുടര്‍ച്ചാ മെമ്പറായി തെരഞ്ഞെടുത്തിരുന്നു. എന്നാല്‍, ആ കമ്മറ്റിയിലെ ഇന്ത്യന്‍ സ്കൂള്‍ രക്ഷിതാക്കളായ രണ്ട് അംഗങ്ങളും ചെയര്‍മാന്‍റെ കമ്മറ്റി പുനര്‍ പ്രവേശനത്തെ എതിര്‍ക്കുകയും എതിര്‍ സ്ഥാനാര്‍ഥികളായി രംഗത്തുവരികയും ചെയ്തു. എങ്ങിനെയും എക്‌സിക്യുട്ടീവ് കമ്മറ്റിയില്‍ നുഴഞ്ഞുകയറി സൂളിന്റെ സ്വതന്ത്ര പ്രവര്‍ത്തനത്തെ അലങ്കൊലപ്പെടുത്താനാണ് സ്ഥാനമൊഴിയുന്ന ചെയര്‍മാന്‍ ശ്രമിയ്ക്കുന്നതെന്ന് സംശയിക്കേണ്ടിയിരിക്കുന്നു.

ജനങ്ങള്‍ തള്ളിക്കളഞ്ഞ ഒരു മുന്നണിയുടെ നോതാവ് തുടര്‍ച്ചാ മെംബര്‍ എന്ന പേരില്‍ എങ്ങിനെയെങ്കിലും എക്‌സിക്യൂട്ടീവ് കമ്മറ്റിയില്‍ കയറിക്കൂടാന്‍ ശ്രമിയ്ക്കുന്നത് അപഹാസ്യമാണ്. ഇദ്ദേഹം വര്ഷ‍ങ്ങളായി ഇന്ത്യന്‍ സ്കൂള്‍ രക്ഷിതാവല്ല. സ്‌കൂള്‍ ഭരണഘടനപ്രകാരം തെരഞ്ഞെടുപ്പില്‍ മത്സരിയ്ക്കാനുള്ള അര്ഹതയില്ലായിരുന്ന അദ്ദേഹം ചില ഡമ്മി സ്ഥാനാര്ത്ഥികകളെ മുന്‍ നിര്ത്തി തിരഞ്ഞെടുപ്പിനെ നേരിടുകയാണെന്നും, വിജയിച്ചാല്‍ പിന്‍വാതില്‍ പ്രവേശനത്തിലൂടെ എക്‌സിക്യൂട്ടിവ് കമ്മറ്റിയില്‍ പ്രവേശിച്ച് വീണ്ടും ഭരിയ്ക്കാന്‍ ശ്രമിക്കുമെന്നും തെരഞ്ഞെടുപ്പ് പ്രചാരണ വേളയില്‍ പിപിഎ ആരോപിച്ചിരുന്നു. അത്തരം ആരോപണങ്ങള്‍ ശരിവയ്ക്കുന്ന നീക്കങ്ങളാണ് സ്ഥാനമൊഴിഞ്ഞ ചെയര്‍മാന്‍ നടത്തുന്നത്. യുപിപി രക്ഷിതാക്കളുടെ വിധിയെ മാനിച്ച് ഈ അപഹാസ്യമായ പ്രവര്‍ത്തിയില്‍ നിന്നും പിന്മാസറണമെന്നും പിപിഎ വാര്‍ത്താ കുറിപ്പില്‍ ആവശ്യപ്പെട്ടു.

header2
കെഎംസിസി ദേശീയ ദിന സംഗമവും ഇശല്‍ നിലാവും വെള്ളിയാഴ്ച

മനാമ: ബഹ്‌റൈന്‍ ദേശീയ ദിനാഘോഷത്തിന്റെ ഭാഗമായി കെഎംസിസി നടത്തുന്ന ആഘോഷ പരിപാടികളുടെ സമാപനം കുറിച്ച് വെള്ളിയാഴ്ച ദേശീയ ദിന സംഗമവും ഇശല്‍ നിലാവും സംഘടിപ്പിക്കും. പ്രമുഖ മാപ്പിള പാട്ട് റിയാലിറ്റി ഷോ താരങ്ങളായ ബാദുഷ, ഷകീബ്, അസ്ഹദ് എന്നിവര്‍ അവതരിപ്പിക്കുന്ന ഇശല്‍ നിലാവും ഉണ്ടായിരിക്കും.

വെള്ളിയാഴ്ച വൈകിട്ട് ആറരക്ക് മനാമ ഫാരൂഖ് മസ്ജിദിന് സമീപമുള്ള അല്‍ രാജാ സ്‌കൂള്‍ ഓഡിറ്റൊറിയത്തില്‍ നടക്കുന്ന ദേശീയ ദിന സംഗമത്തില്‍ ബഹ്‌റൈന്‍ പാര്‍ലമെന്‍റ് അംഗങ്ങള്‍, അറബ് പ്രമുഖര്‍, ബഹ്‌റൈനിലെ വിവിധ മത സാമൂഹിക സാംസ്‌കാരിക നേതാക്കള്‍, കെഎംസിസി നേതാക്കള്‍ പങ്കെടുക്കും .ദേശീയ ദിനത്തൊദനുബധിച്ചു പുറത്തിറക്കുന്ന 'ഹായ് ബഹ്‌റൈന്‍' എന്ന സുവനീര്‍ ചടങ്ങില്‍ പ്രകാശനം ചെയ്യും. പ്രസിഡന്റ് എസ്.വി.ജലീല്‍ അധ്യക്ഷനായിരിക്കും. കെഎംസിസി പരിപാടികള്‍ക്ക് ശനിയാഴ്ച ബഹ്‌റൈന്‍ ഇന്റര്നാസഷനല്‍ സര്‍ക്കുട്ടിലാണ് തുടക്കമായത്. ഒപ്പന, കോല്‍കളി , ഷീന ചന്ദ്രദാസ് അവതരിപ്പിച്ച കുച്ചുപ്പുടി, ദഫ് മുട്ട് എന്നിവ ആസ്വാദകരുടെ മനം കവര്‍ന്നു. . കേക്ക് മുറിക്കുയും ചെയ്തു.

ചൊവ്വാഴ്ച രാവിലെ എട്ടുമുതല്‍ ഉച്ചക്കു രണ്ടുവരെ സല്‍മാനിയ മെഡിക്കല്‍ സെന്ററില്‍ ജീവ സ്പര്‍ശം രക്തദാന ക്യാമ്പ് സംഘടിപ്പിക്കും. ബുധനാഴ്ച രാവിലെ ഒന്‍പതു മുതല്‍ പതിനൊന്നുവരെ മുഹറഖ് മുനിസിപാലിറ്റിയുമായി സഹകരിച്ചു അസ്രി ബീച്ച് ശുചീകരണവും ഉണ്ടായിരിക്കുമെന്ന് ഭാരവാഹികള്‍ അറിയിച്ചു.

കേരളീയ സമാജം നേതൃത്വത്തില്‍ കായിക മത്സരം നാളെ

മനാമ: ബഹ്‌റൈന്‍ ദേശീയ ദിനാഘോഷത്തിന്റെ ഭാഗമായി കേരളീയ സമാജം ചൊവ്വ, ബുധന്‍ ദിവസങ്ങളില്‍ അംഗങ്ങള്‍ക്കായി കായിക മത്സരങ്ങള്‍ സംഘടിപ്പിക്കും. ജനറല്‍ ഓര്‍ഗനൈസേഷന്‍ ഫോര്‍ യൂത്ത് സ്പോര്‍ട്സ് പ്രസിഡണ്ട് ഹിഷാം മുഹമ്മദ് അല്‍ ജോവ്ദറാണ് മുഖ്യാതിഥിയെന്ന് സമാജം പ്രസിഡണ്ട് ജികെ നായര്‍, ജനറല്‍ സെക്രട്ടറി മനോജ് മാത്യു എന്നിവര്‍ അറിയിച്ചു.

മുന്‍ വര്‍ഷങ്ങളിലെ പോലെ ഈ വര്‍ഷത്തെ കായിക മത്സരവും ഒരു വന്‍ വിജയമാക്കാനുള്ള ഒരുക്കങ്ങളാണ് സമാജത്തില്‍ പുരോഗമിക്കുന്നത്.

അഞ്ചു ഗ്രൂപ്പ്കളായി തിരിച്ചാണ് മത്സരങ്ങള്‍. ഓട്ട മത്സരം, ലോങ്ങ് ജമ്പ്, ഹൈ ജമ്പ്, മാര്‍ച് പാസ്റ്റ്, മറ്റ് ഔട്ട് ഡോര്‍ ഗയിംസുകള്‍ തുടങ്ങിയവ 16,17 തീയതികളില്‍ ഇസാ ടൗണിലെ ഷെയ്ഖ് ഖലീഫ സ്പോര്‍ട്സ് സിറ്റി ഗ്രൗണ്ടില്‍ നടക്കും. കുട്ടികള്‍ക്കും സ്ത്രീകള്‍ക്കും പ്രത്യേകമായാണ് മത്സരങ്ങള്‍ സംഘടിപ്പിക്കുന്നത്. വടം വലി മത്സരം സമാജത്തിലാണ് നടക്കുക. അംഗങ്ങള്‍ക്ക് സൗജന്യ വാഹന സൌകര്യവും ഏര്‍പ്പെടുത്തിയതായി അവര്‍ അറിയിച്ചു.

വിവരങ്ങള്ക്ക് : അജേഷ്‌നായര്‍, 39189654, ബിനോജ് മാത്യു: 36665376.

shutterstock153859889---house-fire
ബഹ്‌റൈനില്‍ രണ്ടിടങ്ങളില്‍ സ്‌ഫോടനം: പൊലിസുകാരനും സ്വദേശിയും മരിച്ചു

മനാമ: ബഹ്‌റൈനില്‍ രണ്ടിടങ്ങളിലായി നടന്ന ബോംബ് സ്‌ഫോടനങ്ങളില്‍ പൊലിസുകാരന്‍ ഉള്‍പടെ രണ്ടു പേര്‍ കൊല്ലപ്പെട്ടു. മണിക്കൂറുകളുടെ വിത്യസത്തിലായിരുന്നു സ്‌ഫോടനങ്ങള്‍.

തലസ്ഥാനമായ മനാമക്കടുത്ത കര്സയഖാന്‍ ഗ്രാമത്തില്‍ ചൊവ്വാഴ്ച രാവിലെയുണ്ടായ ബോംബ് സ്‌ഫോടനത്തില്‍ ബഹ്‌റൈനി സ്വദേശിയായ ഒസാമ അബ്ദുല്‍ കരിം അല്‍ ബസ്‌റിയാണ് മരിച്ചത്. ഏഷ്യന്‍ തൊഴിലാളിക്ക് പരിക്കേറ്റു. ഇയാള്‍ ഇന്ത്യക്കാരനാണെന്ന് പറയുന്നു. ഭീകരാക്രമാണ് നടന്നതെന്ന് വ്യക്തമാക്കിയ ആഭ്യന്തര മന്ത്രാലയം കൂടുതല്‍ വിവരങ്ങള്‍ പുറത്തു വിട്ടിട്ടില്ല.

ദമിസ്താന്‍ ഗ്രാമത്തില്‍ തിങ്കളാഴ്ച രാത്രി ഭീകരര്‍ നടത്തിയ ബോംബാക്രമണത്തിലാണ് പൊലിസുകാരനായ അലി മുഹമ്മദ് അലി മരിച്ചത്. ജോലിക്കിടെയായണ് സംഭവം. ജോര്‍ഡാന്‍ സ്വദേശി അലി ജോര്‍ഡാനും ബഹ്‌റൈനും തമ്മിലുള്ള സുരക്ഷാ പരിശീലന ഉടമ്പടിയുടെ ഭാഗമായി ബഹ്‌റൈന്‍ പൊലിസില്‍ സേവനം അനുഷ്ഠിച്ചുവരികയായിരുന്നു. അന്വേഷണം ഊര്‍ജിതമാക്കിയതായി പൊതു സുരക്ഷാ മേധാവി മേജര്‍ ജനറല്‍ താരിഖ് അല്‍ ഹസന്‍ അറിയിച്ചു.

indian-school
ഇന്ത്യന്‍ സ്‌കൂള്‍ ഭരണം ഇനി പിപിഎക്ക്

മനാമ: ബഹ്‌റൈന്‍ ഇന്ത്യന്‍ സ്‌കൂള്‍ ഭരണസമിതയിലേക്കുള്ള തെരഞ്ഞെടുപ്പില്‍ പ്രിന്‍സ്.കെ. നടരാജന്റെ നേതൃത്വത്തിലുള്ള പ്രോഗ്രസ്സീവ് പാരന്റ്‌സ് അലയന്‍(പിപിഎ)സിന് ചരിത്ര വിജയം. പാനലിന്റെ ഏഴു സ്ഥനാര്‍ധികളും വന്‍ ഭൂരിപക്ഷത്തിന് വിജയിച്ചു. നിലവിലെ ഭരണപക്ഷമായ യുണൈറ്റഡ് പാരന്റ്‌സ് പാനലിന് ഒരാളെ പോലും വിജയിപ്പിക്കാനാകാതെ കനത്ത തോല്‍വി ഏറ്റുവാങ്ങേണ്ടിവന്നു. മൂന്നു വര്ഷണമാണ് എക്‌സിക്യുട്ടീവ് കമ്മിറ്റിയുടെ കാലവധി. ആറു വര്‍ഷത്തെ യുപിപി ഭരണത്തിന് അന്ത്യം കുറിച്ചാണ് പിപിഎ വിജയിച്ചുകയറിയത്. വെള്ളിയാഴ്ച നടന്ന തെരഞ്ഞെടുപ്പില്‍ 55.42 ശതമാനമാണ് പോളിങ്. ആകെയുള്ള 8,543 വോട്ടര്‍മാരില്‍ 4,735 പേരാണ് സമ്മതിദാനാവകാശം വിനിയോഗിച്ചത്. യുപിപിയും പിപിഎയും തമ്മിലായിരുന്നു മത്സരം. തെരഞ്ഞെടുപ്പ് മലയാളികളടക്കമുള്ള പ്രവാസികള്‍ ആഘോഷമാക്കി മാറ്റിയിരുന്നു. നാട്ടിലെ തെരഞ്ഞെടുപ്പിനെ പോലെ വീറും വാശിയും പ്രതിഫിലിച്ചു കണ്ടു. രാവിലെ ഒമ്പതിന് ആരംഭിച്ച പോളിങ് വൈകിട്ട് ഏഴിനാണ് അവസാനിച്ചത്. എട്ടിന് വോട്ടെണ്ണല്‍ തുടങ്ങി. ശനിയാഴ്ച പുലര്‍ച്ചെയാണ് ഫലം പുറത്തുവിട്ടത്. ചെയര്‍മാന്‍ സ്ഥാനാര്‍ഥിയായ പ്രിന്‍സ് നടരാജന്‍ 2,674 വോട്ടുനേടി. മറ്റു വിജയിച്ച സ്ഥാനാര്ത്ഥിറകള്‍, വോട്ട് ക്രമത്തില്‍: ഷെമിലി പി ജോണ്‍- 2705, ഡോ. മനോജ് കുമാര്‍ സിജി-2609, ഭുപീന്ദര്‍ സിംഗ്-2552, എസ്‌കെ രാമചന്ദ്രന്‍-2516, സജി ആന്റണി-2463, മുഹമ്മദ് ഇഖ്ബാല്‍-2426. സ്റ്റാഫ് പ്രതിനിധിയായി പ്രിയാ ലാല്‍ജി - തെരഞ്ഞെടുക്കപ്പെട്ടു. പോള്‍ ചെയ്ത 631 വോട്ടില്‍ 342 വോട്ട് ഇവര്‍ നേടി. 000000d0000d00dddfddd0000000000000000000000 copy