gun-shooting

കാഞ്ഞിരപ്പള്ളിയില്‍ തഹസീല്‍ദാറെ വെടിവച്ച് കൊന്നു: പ്രതി ആത്മഹത്യ ചെയ്തു

കാഞ്ഞിരപ്പള്ളിയില്‍ പട്ടയം മറിച്ച് നല്‍കി ൃയ തഹസീല്‍ദാറെ മുന്‍ സൈനികന്‍ വെടിവച്ചു കൊന്നു.തിരുവനന്തപുരം കുന്നുകുഴി സ്വദേശി രാജപ്പന്‍പിള്ളയാണ് തഹസീല്‍ദാര്‍ ശങ്കരനാരായണപിള്ളയേയും അദ്ദേഹത്തിന്റെ ഭാര്യയേയും ഭാര്യാ സഹോദരിയേയും സ്വന്തം ഭാര്യ അന്നമ്മയേയും വെടിവച്ചു കൊലപ്പെടുത്തിയ ശേഷം ആത്മഹത്യ ചെയ്തത്. 1917 ഫെബ്രുവരി 15നാണ് നാടിനെ നടുക്കിയ കൊലപാതകങ്ങളും ആത്മഹത്യയും കാഞ്ഞിരപ്പള്ളി താലൂക്കില്‍ അരങ്ങേറിയത്. റെഡ് അലര്‍ട്ടില്‍ കേരളത്തില്‍ പ്രചാരമുള്ള പൊലീസ് കഥകള്‍ എഴുതുന്നുവെന്ന് കേട്ടപ്പോള്‍ സ്‌നേഹിതനും ഞങ്ങളുടെ കോട്ടയം റിപ്പോര്‍ട്ടറുമായ എം എസ് അനീഷാണ് കോട്ടയം ജില്ലയില്‍ ഏറെ പ്രചാരമുള്ള കാഞ്ഞിരപ്പള്ളി സംഭവം എന്നോട് പറഞ്ഞത്. സംഭവ കഥ ഇങ്ങനെ പറയാം. തിരുവനന്തപുരത്ത് കുന്നുകുഴി സ്വദേശിയാണ് രാജപ്പന്‍ പിള്ള. രാജപ്പന്‍പിള്ള 1910ല്‍ നായര്‍ പട്ടാളത്തില്‍ ചേര്‍ന്നു. രാജ്യ സേവനത്തിനിടെ രാജപ്പന്‍പിള്ള അന്നമ്മ എന്ന നസ്രാണി സ്ത്രീയെ പരിചയപ്പെട്ടു.സ്‌കൂള്‍ അധ്യാപികയായ അന്നമ്മയും രാജപ്പന്‍പിള്ളയും പ്രണയത്തിലാവുകയും സമൂഹത്തിന്റെ എതിര്‍പ്പ് മറികടന്ന് അവര്‍ വിവാഹിതരാവുകയും ചെയ്തു. വിവാഹം നടന്ന പാടെ നായര്‍ സേനയില്‍ നിന്ന് രാജപ്പന്‍പിള്ളയെ പിരിച്ചു വിട്ടു. അന്നമ്മയ്ക്കും ജോലി നഷ്ടമായി. ജോലി പോയതില്‍ മനസ് പതറാതെ ജീവിതത്തെ നേരിടാന്‍ തന്നെ തീരുമാനിച്ച ഇരുവരും തിരുവനന്തപുരത്ത് ഹജൂര്‍ കച്ചേരിക്ക് സമീപം ഒരു നായര്‍ ക്രിസ്ത്യന്‍ ഹോട്ടല്‍ തുറന്നു. ആദ്യ നാളുകളില്‍ നല്ല കച്ചവടം നടന്നെങ്കിലും ഹോട്ടല്‍ ബിസിനസില്‍ അത്ര കേമനാകാന്‍ രാജപ്പന്‍പ്പിള്ളയ്ക്ക് കഴിഞ്ഞില്ല. ഹോട്ടല്‍ പണി മതിയാക്കിയ രാജപ്പന്‍ പിള്ളയും അന്നമ്മയും കോട്ടയത്തേക്ക് വണ്ടികയറി.അവിടെ കുറെ കാടും മേടും വെട്ടത്തെളിച്ച് കൃഷി തുടങ്ങി. അങ്ങനെ ജീവിക്കാം എന്ന സ്ഥിതി വന്നപ്പോഴാണ് കൃഷി ഭൂമിക്ക് പട്ടയവും ഉടമസ്ഥാവകാശവും സര്‍ക്കാര്‍ നല്‍കുന്ന കാര്യം രാജപ്പന്‍ പിള്ള അറിയുന്നത്. ഉടനെ തന്നെ കാഞ്ഞിരപ്പള്ളി തഹസീല്‍ദാറെ കാണുകയും മുറപോലെ അപേക്ഷ നല്‍കുകയും ചെയ്തു. ഒന്നല്ല പലതവണ തഹസീല്‍ദാറെ കണ്ടെങ്കിലും കാര്യം നടന്നില്ല, അന്നമ്മ തഹീല്‍ദാറുടെ ഭാര്യ മുഖേനയും ശുപാര്‍ശ ചെയ്തു നോക്കി. ഒടുവില്‍ എല്ലാം ശരിപ്പെടുത്താം എന്ന് പറഞ്ഞ തഹസീല്‍ദാര്‍ ഭൂമിക്ക് പട്ടയം നല്‍കി പക്ഷെ അത് രാജപ്പന്‍ പിള്ളയുടെ പേരിലായിരുന്നില്ലെന്ന് മാത്രം. തഹസീല്‍ദാറുടെ ഭാര്യയുടെ സഹോദരന്റെ പേരിലാണ് പട്ടയം പതിച്ചതെന്ന് അറിഞ്ഞ രാജപ്പന്‍ പിള്ള കോപാകുലനായി കുന്നുകുഴിയില്‍ നിന്ന് ഒരു ഇരട്ടക്കുഴല്‍ തോക്ക് വാങ്ങി പിന്നെ ഭാര്യയേയും കൂട്ടി വീടു പൂട്ടി ഇറിങ്ങി. നേരെ പോയത് കാഞ്ഞിരപ്പള്ളിയിലേക്കാണ്. കാഞ്ഞിരപ്പള്ളിയിലെത്തിയ രാജപ്പന്‍ പിള്ളയും ഭാര്യയും അന്ന് ഒരു സത്രത്തില്‍ തങ്ങുകയും രണ്ട് പാട്ട പെട്രോള്‍ സംഘടിപ്പിക്കുകയും ചെയ്തു. പിറ്റേന്ന് രാവിലെ അതായത് സംഭവം നടന്ന 1917 ഫെബ്രുവരി പതിനഞ്ചാം തീയതി തഹസീല്‍ദാറുടെ വീട്ടിലെത്തുകയും കൃത്യം നടത്തുകയും ചെയ്തുവെന്നാണ് കേസ്. തഹസീല്‍ദാറെ വെടിവച്ചു വീഴ്ത്തിയ രാജപ്പന്‍ പിള്ള തഹസീല്‍ ദാറുടെ ഭാര്യയേയും വെടിവച്ചു വീഴ്ത്തി. ഈ സമയം അന്നമ്മ കൈയില്‍ കരുതിയിരുന്ന പെട്രോള്‍ വീട് മുഴവന്‍ ഒഴിച്ചു. കൊലപാതകങ്ങള്‍ കണ്ട് ഭയന്നോടിയ തഹസീല്‍ദാറുടെ ഭാര്യാ സഹോദരിയേയും രാജപ്പന്‍പിള്ള വെടിവച്ചു കൊന്നു. പിന്നീട് തന്റെ പ്രീയപ്പെട്ട ഭാര്യയെ അയാള്‍ അവരുടെ സമ്മതത്തോടെ വെടിവച്ചു കൊന്നു. പിന്നീട് സ്വയം നിറയൊഴിച്ചു. തഹസീല്‍ ദാറുടെ വീട്ടിലെ കറവക്കാരന്‍ കുഞ്ഞന്‍പിള്ളയായിരുന്നു കേസിലെ ഏക ദൃക്‌സാക്ഷി. കാഞ്ഞിരപ്പള്ളിയിലെ അന്നത്തെ പൊലീസ് ഇന്‍സ്‌പെക്ടര്‍ ബെയ്‌ലി ആയിരുന്നു. റെഡ് ടാഗ്: തോക്കെടുത്തുള്ള കൊലപാതകങ്ങളും വെടിവപ്പ് കളികളും പണ്ടും നാട്ടില്‍ നടന്നിട്ടുണ്ട്. പിന്നെ ഈ പംക്തിയിലുള്‍പ്പെടുത്തുന്നത് നാട്ടില്‍ പ്രചാരത്തിലുള്ള പൊലീസ് കഥകളാണ്. ഇത് യാഥാര്‍ത്ഥ്യവുമായി ബന്ധമുണ്ടോ ഇല്ലയോ എന്നത് ചരിത്ര വിഷയമാണ് . അത് ചരിത്ര വിദ്യാര്‍ത്ഥികള്‍ക്ക് വിട്ടു കൊടുക്കുന്നു. ചരിത്രത്തില്‍ നിന്ന് കഥ ചോര്‍ത്തിത്തന്ന എം എസ് അനീഷിന് നന്ദി. നിങ്ങള്‍ക്ക് ഏതെങ്കിലും പൊലീസ് കഥ അറിയാമെങ്കില്‍ എഴുതുക.

pakshi_141127121047383

പക്ഷിപ്പനി

പക്ഷിപ്പനി ബാധിച്ച താറാവുകളെ അശാസ്ത്രീയ മാര്‍ഗങ്ങളിലൂടെ കൂട്ടത്തോടെ സംസ്കരിക്കാനുള്ള സര്‍ക്കാര്‍ നീക്കത്തെ തുടര്‍ന്ന് കുട്ടനാട് മേഖല സംഘര്‍ഷത്തിലേക്ക് നീങ്ങുന്നു. ചത്ത താറാവുകളെ സംസ്കരിക്കാന്‍ ആവശ്യമായ സൗകര്യങ്ങള്‍ ഒരുക്കാത്തതും രോഗംബാധിക്കാത്തവയെ കൂട്ടത്തോടെ കൊല്ലാനുള്ള നീക്കവുമാണ് സംഘര്‍ഷം സൃഷ്ടിക്കുന്നത്. 22000 ഓളം താറാവുകള്‍ കുട്ടനാട്ടില്‍ മാത്രം ചത്തുവെന്നാണ് മൃഗസംരക്ഷണവകുപ്പ് നല്‍കുന്ന കണക്ക്. മേഖലയിലെ മൂന്നുലക്ഷത്തോളം താറാവുകളെ കൂട്ടത്തോടെ കൊല്ലാനാണ് സര്‍ക്കാര്‍ തീരുമാനം. മതിയായ സുരക്ഷാസംവിധാനങ്ങള്‍ ഒരുക്കാതെ താറാവുകളെ കൂട്ടത്തോടെ കൊല്ലുന്നത് അന്തരീക്ഷമലിനീകരണത്തിനു കാരണമാകുമെന്നും പരിസ്ഥിതിക്ക് ദോഷമാകുമെന്നും കര്‍ഷകര്‍ ചൂണ്ടിക്കാട്ടുന്നു. ഇതുമൂലം ബുധനാഴ്ച മുതല്‍ താറാവുകളെ കൊല്ലാനുള്ള തീരുമാനം മാറ്റിവച്ചു. തുടര്‍നടപടി സംബന്ധിച്ച് അനിശ്ചിതത്വം തുടരുകയാണ്. ഇക്കാര്യത്തില്‍ സര്‍ക്കാരിന് വ്യക്തമായ നിര്‍ദേശങ്ങള്‍ നല്‍കാന്‍ കഴിയുന്നില്ല. താറാവുകളെ കൊല്ലുന്നത് വ്യാഴാഴ്ചയും നടക്കുമോ എന്ന കാര്യത്തില്‍ സംശയമുണ്ട്.

സമുദ്രനിരപ്പില്‍നിന്ന് ഒരുമീറ്റര്‍മുതല്‍ രണ്ടരമീറ്റര്‍വരെ താഴെ സ്ഥിതിചെയ്യുന്ന പ്രദേശങ്ങള്‍ ഉള്‍പ്പെടുന്നതാണ് കുട്ടനാടന്‍മേഖല. ഇവിടെ പ്രത്യേകം കുഴിയെടുത്ത് വിറകും പെട്രോളും ഉപയോഗിച്ച് താറാവുകളെ സംസ്കരിക്കുന്നത് അപ്രായോഗികമാണ്. കുഴിയെടുത്താല്‍ അവിടെ വെള്ളക്കെട്ടാകുമെന്നതിനാല്‍ ഈ രീതിയിലുള്ള സംസ്കരണം നടക്കില്ലെന്ന് കര്‍ഷകര്‍ പറയുന്നു.ചത്ത താറാവുകളെ കൂട്ടിയിട്ട സ്ഥലങ്ങളില്‍ ദുര്‍ഗന്ധം ഉയര്‍ന്നു തുടങ്ങി. പലയിടത്തും ചത്ത താറാവുകള്‍ വയലിലും വെള്ളക്കെട്ടിലും തന്നെ കിടക്കുകയാണ്. നാട്ടുകാര്‍ക്ക് വെള്ളം ഉപയോഗിക്കാനാവുന്നില്ല. പകര്‍ച്ചവ്യാധി ഭീഷണിയും നിലനില്‍ക്കുന്നു. കുട്ടനാട്ടിലെ പുറക്കാട് മലയില്‍ത്തോട് തെക്ക് ഗതികെട്ട നാട്ടുകാര്‍ മുന്നൂറോളം താറാവുകളെ സംസ്കരിച്ചു. സുരക്ഷാകവചങ്ങളില്ലാതെ തുറസായ സ്ഥലത്ത് സംസ്കരിക്കാന്‍ തുടങ്ങിയെങ്കിലും അധികൃതര്‍ ഇടപെട്ട് കര്‍ഷകര്‍ക്കും ഉദ്യോഗസ്ഥര്‍ക്കും സന്നദ്ധപ്രവര്‍ത്തകര്‍ക്കും മാധ്യമപ്രവര്‍ത്തകര്‍ക്കുമടക്കം മാസ്കും കയ്യുറകളും ഉള്‍പ്പെടെയുള്ള സംവിധാനങ്ങള്‍ ഒരുക്കി.

കോട്ടയം ജില്ലയില്‍ താറാവുകളെ കൊന്നൊടുക്കാന്‍തുടങ്ങി. അയ്മനം പഞ്ചായത്തിലെ കൊല്ലത്തുകരിയില്‍ മൃഗസംരക്ഷണവകുപ്പ് ഉദ്യോഗസ്ഥര്‍ 1800 താറാവുകളെ കൊന്ന് കത്തിച്ചു. ഇതിനിടെ, പുറക്കാട് രണ്ട് കുടുംബത്തിലെ ഏഴുപേര്‍ക്ക് പക്ഷിപ്പനി ലക്ഷണങ്ങളുണ്ടെന്ന അഭ്യൂഹം കനത്ത ആശങ്ക ഉയര്‍ത്തി. ഇവര്‍ പുറക്കാട് പ്രാഥമികാരോഗ്യകേന്ദ്രത്തില്‍ ചികിത്സതേടി. തുടര്‍ന്ന് ഏഴുപേരെയും വീടുകളിലേക്ക് മടക്കിയയച്ചു. മാവേലിക്കര തെക്കേക്കര പഞ്ചായത്തിലെ ഒരാള്‍ക്കും രോഗബാധ ഉണ്ടെന്ന അഭ്യൂഹം പരന്നു. ഇവരിലൊന്നും പക്ഷിപ്പനി സംബന്ധിച്ച ലക്ഷണങ്ങള്‍ സ്ഥിരീകരിക്കാന്‍ കഴിഞ്ഞില്ലെന്ന് ജില്ലാ മെഡിക്കല്‍ ഓഫീസര്‍ സമിയാബീഗം "ദേശാഭിമാനി'യോട് പറഞ്ഞു.

കൊല്ലം ജില്ലയില്‍ പോരുവഴി, കുന്നത്തൂര്‍ പഞ്ചായത്തുകളിലായി കഴിഞ്ഞദിവസം നൂറുകണക്കിനു താറാവുകള്‍ ചത്തു. ചിലഭാഗങ്ങളില്‍ കോഴികളും ചത്തിട്ടുണ്ട്. ശൂരനാട് വടക്ക് പഞ്ചായത്തിലും പക്ഷിപ്പനിയുള്ളതായി വിവരമുണ്ട്. ചത്ത താറാവുകളുടെ സാമ്പിളുകള്‍ പാലോട്ടുള്ള ലാബിലേക്ക് അയച്ചു. തൃശൂര്‍ ജില്ലയിലെ ഇരിങ്ങാലക്കുട, വേളൂക്കര, മാള, വേലൂര്‍ എന്നിവിടങ്ങളില്‍ താറാവുകള്‍ കൂട്ടത്തോടെ ചത്തുവീണെങ്കിലും പക്ഷിപ്പനിയല്ല മരണകാരണമെന്ന് അധികൃതര്‍ പറയുന്നു. ഡല്‍ഹി ആസ്ഥാനമായ നാഷണല്‍ സെന്‍ട്രല്‍ ഫോര്‍ ഡിസീസ് കണ്‍ട്രോളിലെ മൂന്നംഗ വിദഗ്ധസംഘം കുട്ടനാട്ടിലെ വിവിധ മേഖലകളിലെത്തി വിവരങ്ങള്‍ ശേഖരിച്ചു. കുട്ടനാട്ടെ പക്ഷിപ്പനിബാധിത മേഖലകള്‍ സിപിഐ എം സംസ്ഥാന സെക്രട്ടറി പിണറായി വിജയന്‍, കേരള കര്‍ഷകസംഘം സംസ്ഥാന പ്രസിഡന്റ് ഇ പി ജയരാജന്‍, സിപിഐ എം കേന്ദ്രകമ്മിറ്റിയംഗം ഡോ. ടി എം തോമസ് ഐസക് എന്നിവര്‍ ബുധനാഴ്ച സന്ദര്‍ശിച്ചു.

വൈദ്യുതി ബന്ധം പുനഃസ്ഥാപിച്ചില്ല; റീസര്‍വേ ഓഫീസ് പ്രവര്‍ത്തനം താളംതെറ്റി

കോട്ടയം: ജില്ലാ ടോറന്‍സ് ഓഫീസ് കത്തിനശിച്ചതിനെ തുടര്‍ന്ന് കെഎസ്ഇബി അധികൃതര്‍ വിച്ഛേദിച്ച വൈദ്യുതിബന്ധം പുനഃസ്ഥാപിക്കാത്ത് ചാലുകുന്നിലെ ജില്ലാ റീസര്‍വേ ഓഫീസിന്റെ പ്രവര്‍ത്തനത്തെ താളംതെറ്റിച്ചു.റീസര്‍വേ ഓഫീസിനോട് ചേര്‍ന്നുള്ള കെട്ടിടത്തിലായിരുന്നു ടോറന്‍സ് ഓഫീസ് പ്രവര്‍ത്തിച്ചിരുന്നത്. കഴിഞ്ഞ ഒമ്പതിന് പുലര്‍ച്ചെ തീകത്തിയശേഷം കെഎസ്ഇബി അധികൃതര്‍ പോസ്റ്റില്‍ നിന്നുള്ള വൈദ്യുതി ബന്ധം വിച്ഛേദിക്കുകയായിരുന്നു. ഇനി കണക്ഷന്‍ ലഭിക്കാന്‍ പഴയരീതിയിലുള്ള വയറിങ് മാറ്റി പുതിയത് ചെയ്യണമെന്നും അധികൃതര്‍ നിര്‍ദേശിച്ചിരിക്കുകയാണ്. ജില്ലയിലെ അഞ്ച് താലൂക്കുകളിലെയും റീസര്‍വേ സംബന്ധിക്കുന്ന മുഴുവന്‍ വിവരങ്ങളും ഈ ഓഫീസില്‍ നിന്നാണ് ലഭിക്കുന്നത്. അളവ് പ്ലാന്‍, ലാന്‍ഡ് രജിസ്റ്റര്‍, ബ്ലോക്ക് മാപ്പ്, ഏരിയലിസ്റ്റ് തുടങ്ങിയ വിവിധ ആവശ്യങ്ങള്‍ക്ക് പൊതുജനങ്ങള്‍ ഈ ഓഫീസില്‍ എത്താറുണ്ട്. നിശ്ചിത ഫീസടച്ചാല്‍ ആവശ്യമായ രേഖകളുടെ പകര്‍പ്പ് എടുത്ത് നല്‍കും. വൈദ്യുതി വിച്ഛേദിച്ചതിനാല്‍ ഫോട്ടോസ്റ്റാറ്റ് നല്‍കാനാവുന്നില്ല. ഇതുമൂലം ആവശ്യക്കാര്‍ പുറത്തുള്ള കടകളില്‍ ചെന്ന് പകര്‍പ്പ് എടുക്കാന്‍ കൂടുതല്‍ പണം മുടക്കേണ്ടി വരുന്നു. അളവ് പ്ലാനും ബ്ലോക്ക് മാപ്പും വലിയ പേപ്പറുകളില്‍ എടുക്കേണ്ടതിനാലാണ് കൂടുതല്‍ തുക വേണ്ടി വരുന്നത്. റീസര്‍വേ ഓഫീസിലാണെങ്കില്‍ ആവശ്യമായ രേഖകള്‍ക്ക് നിശ്ചിത ഫീസ് അടച്ചാല്‍ പകര്‍പ്പും ലഭിക്കും. ഇപ്പോഴാകട്ടെ ഫീസ് അടച്ചാലും പകര്‍പ്പിന് വീണ്ടും പണം മുടക്കേണ്ടതാണ് സ്ഥിതി. വൈദ്യുതിയില്ലാത്തത് ഓഫീസിന്റെ ദൈനംദിന പ്രവര്‍ത്തനങ്ങളെയും ബാധിച്ചു. മുറികളില്‍ ആവശ്യത്തിന് വെളിച്ചമില്ലാത്തതിനാല്‍ ജീവനക്കാര്‍ക്ക് ജോലി ചെയ്യാന്‍ കഴിയുന്നില്ല. ഫീല്‍ഡ് ജീവനക്കാരൊഴികെ 43 പേര്‍ ഓഫീസില്‍ ജോലി ചെയ്യുന്നുണ്ട്. ഇവരെക്കൂടാതെ ടോറന്‍സ് ഓഫീസിലെ ജീവനക്കാരെയും താല്‍ക്കാലികമായി ഇവിടെ ഉള്‍പ്പെടുത്തിയിട്ടുണ്ട്്. കംപ്യൂട്ടറുകള്‍ പ്രവര്‍ത്തിപ്പിക്കാന്‍ കഴിയാത്തതിനാല്‍ ഡ്രാഫ്റ്റ്സ്മാന്‍ തസ്തികയിലുള്ളവരെ പാലാ, വൈക്കം, ചങ്ങനാശേരി സബ്ഓഫീസുകളിലേക്ക് താല്‍ക്കാലികമായി മാറ്റി. തീപിടിത്തം ഉണ്ടായി രണ്ടാഴ്ചയായിട്ടും പൊലീസ് അന്വേഷണം എങ്ങുമെത്തിയില്ല. സര്‍വേവകുപ്പിനു കീഴിലുള്ള വിജിലന്‍സ് സംഘം പരിശോധന നടത്താനിരിക്കെയായിരുന്നു തീപിടിത്തം. ഇത് ദുരൂഹതയ്ക്ക് ഇടയാക്കി. കത്തിയ മുറിയില്‍ മണ്ണെണ്ണയുടെ ഗന്ധം അനുഭവപ്പെട്ടതിനാല്‍ പുറത്തുനിന്ന് തീ കത്തിച്ചതെന്ന പ്രാഥമിക നിഗമനമാണ് പൊലീസിനുള്ളത്. എന്നാല്‍ ഇതുസംബന്ധിച്ചുള്ള ഫോറന്‍സിക് റിപ്പോര്‍ട്ട് ലഭിച്ചാലേ വ്യക്തമാകൂ. ഇതുവരെയുള്ള അന്വേഷണത്തില്‍ പ്രതികളെ കണ്ടെത്താനും കഴിഞ്ഞിട്ടില്ല. ഏഴ് വില്ലേജ് ഓഫീസുകളുടെ പരിധിയിലുള്ള രജിസ്റ്ററുകളും സ്കെച്ചുകളുമടക്കം നൂറുകണക്കിന് ഫയലുകളാണ് നശിച്ചത്. മാര്യാതുരുത്ത് സ്വദേശിയുടെ ഉടമസ്ഥതയിലുള്ള പഴയ വീട്് വാടകക്കെടുത്താണ് റീസര്‍വേ ഓഫീസും ടോറന്‍സ് ഓഫീസും വര്‍ഷങ്ങളായി പ്രവര്‍ത്തിക്കുന്നത്. ജനുവരിയില്‍ ഒഴിയണമെന്ന് വീട്ടുടമ നിര്‍ദേശിച്ചതിനാല്‍ ഓഫീസ് മാറുമെന്ന് റീസര്‍വേ അസിസ്റ്റന്റ് ഡയറക്ടര്‍ എസ് അശോകന്‍ പറഞ്ഞു. ചാലുകുന്നില്‍ തന്നെയോ പള്ളിപ്പുറത്തുകാവിനു സമീപത്തേക്കോ ഓഫീസ് മാറ്റാനാണ് ഉദ്ദേശിക്കുന്നതെന്നും അദ്ദേഹം പറഞ്ഞു. - See more at: http://www.deshabhimani.com/news-kerala-kottayam-latest_news-418262.html#sthash.XAwvMkwt.dpuf

header2