Scroll
headertop

Kasargodu

10425383_398032310355675_8392916107080262305_n

കോഴിക്കോട് ചുംബനസമരത്തിന് നിരോധം; നഗരത്തില്‍ നിരോധനാജ്ഞ

സദാചാര ഗുണ്ടായിസത്തിനെതിരെ കിസ്​ ഇന്‍ ദ സ്ട്രീറ്റ് പ്രവര്‍ത്തകര്‍ ഇന്ന് കോ‍ഴിക്കോട്ട് ചുംബനസമരം നടത്തി. മൊഫ്യൂസല്‍ ബസ്റ്റാന്‍ഡിലാണ്​ സമരം. സമരക്കാരെ പൊലീസ്​ അറസ്റ്റ് ചെയ്തു നീക്കി. സമരം തടയാനെത്തിയ ഹനുമാന്‍സേന പ്രവര്‍ത്തകരെയും അറസ്റ്റ് ചെയ്തു. പരിസരത്ത് തടിച്ച് കൂടിയ ആളുകള്‍ക്ക് നേരെ പോലീസ്​ ലാത്തി വീശി. മൂന്നു മണിയോടെയാണ് ചുംബന സമരം നടത്തുമെന്ന് അറിയിച്ചിരുന്നത്. എന്നാല്‍ രണ്ടു മണിയോടെ തന്നെ ചുംബന സമരക്കാര്‍ മാവൂര്‍ റോഡില്‍ നിന്നു പ്രകടനമായി ബസ്റ്റാന്‍ഡിലേക്ക് വരുകയായിരുന്നു. സമരക്കാരെ വലിയ ജനക്കൂട്ടമാണ് സ്വീകരിച്ചത്. ഇതിനു മുമ്പ് തന്നെ ചുംബന സമരത്തിന് പൊലീസ് നിരോധം ഏര്‍പ്പെടുത്തിയിരുന്നു. ബസ്റ്റാന്‍ഡിന് അഞ്ഞൂറ് മീറ്റര്‍ പരിധിയില്‍ നിരോധനാജ്ഞയും പ്രഖ്യാപിച്ചിരുന്നു. എന്നാല്‍ പൊലീസിന്റെ മുന്നറിയിപ്പ് അവഗണിച്ചാണ് സമരക്കാര്‍ ബസ്റ്റാന്‍ഡിലേക്ക് പ്രകടനമായി എത്തിയത്. ഇതേത്തുടര്‍ന്ന് എതിര്‍ദിശയില്‍ നിന്നു സമരക്കാരെ തടയാന്‍ പത്തോളം പേര്‍ അടങ്ങിയ ഹനുമാന്‍സേനക്കാരും എത്തിയതോടെ സ്ഥലത്ത് സംഘര്‍ഷാവസ്ഥ രൂപപ്പെടുകയായിരുന്നു. ഇതിനിടെയാണ് പൊലീസ് സമരക്കാരെയും ഹനുമാന്‍ സേനക്കാരെയും അറസ്റ്റു ചെയ്തുനീക്കിയത്. പരസ്യമായി ചുംബിച്ചാല്‍ സമരക്കാരെ നഗ്നരാക്കി നടത്തുമെന്ന് ഹനുമാന്‍സേനക്കാര്‍ കഴിഞ്ഞദിവസം മുന്നറിയിപ്പ് നല്‍കിയിരുന്നു.

kasargod

അരയിയില്‍ പ്രീപ്രൈമറി സ്കൂളിന് ശിലയിട്ടു

കാഞ്ഞങ്ങാട്: അരയി ഗവ. യുപി സ്കൂള്‍ വികസനസമിതി നിര്‍മിക്കുന്ന, അന്താരാഷ്ട്ര നിലവാരത്തിലുള്ള പ്രീപ്രൈമറി സ്കൂള്‍ ശിലാസ്ഥാപനം പി കരുണാകരന്‍ എം പി നിര്‍വഹിച്ചു. ഉപജില്ലാ ശാസ്ത്രോത്സവത്തില്‍ വിജയികളായ കുട്ടികളെയും പി കരുണാകരന്‍ എം പി അനുമോദിച്ചു.30 ലക്ഷം രൂപ ചിലവിട്ട് നിര്‍മിക്കുന്ന കെട്ടിടത്തിന് എം പി ഫണ്ടില്‍ നിന്ന് 15 ലക്ഷം രൂപ അനുവദിച്ചു. ബാക്കി വരുന്ന തുക നാട്ടില്‍ നിന്ന് സ്വരൂപീക്കാനാണ് സ്കൂള്‍ വികസനസമിതി തീരുമാനം. ശിശുവിദ്യാഭ്യാസത്തിന് മുന്തിയ പരിഗനണ നല്‍കുന്ന വിധത്തില്‍ കഥ, പാട്ട്, സംഭാഷണം, പാവകളി എന്നിവ കണ്ടുകേട്ടും രസിക്കാനുള്ള ഓഡിയോ വിഷ്വല്‍ തീയറ്റര്‍ സ്കൂളിലുണ്ടാകും. ബേബി ജിം, മെഗാ അക്വേറിയം എന്നിവ കൂടി ഉള്‍പ്പെട്ടതാണ് കെട്ടിടം.ചടങ്ങില്‍ നഗരസഭാ ചെയര്‍മാന്‍ കെ ദിവ്യ അധ്യക്ഷയായി. പ്രധാനാധ്യാപകന്‍ കൊടക്കാട് നാരായണന്‍ പ്രീപ്രൈമറി വിദ്യാഭ്യാസ രൂപരേഖ അവതരിപ്പിച്ചു. വൈസ്ചെയര്‍മാന്‍ പ്രഭാകരന്‍ വാഴുന്നോറടി, സ്റ്റാന്‍ഡിങ് കമ്മറ്റി ചെയര്‍മാന്‍ സി ജാനകിക്കുട്ടി, കൗണ്‍സിലര്‍മാരായ സി കെ വത്സലന്‍, വി വി നളിനി, വിദ്യാഭ്യാസ ഡെപ്യൂട്ടി ഡയറക്ടര്‍ സി രാഘവന്‍, ഡയറ്റ് പ്രിന്‍സിപ്പല്‍ ഡോ. പി വി കൃഷ്ണകുമാര്‍, ഡോ. എം ബാലന്‍, ഡിഇഒ സൗമിനി കല്ലത്ത്, ടി എം സദാനന്ദന്‍, ടി ആര്‍ ജനാര്‍ദ്ദനന്‍, ബി കെ യൂസഫ്ഹാജി, കെ ഗ്രീഷ്മ, കെ നാരായണന്‍, പി പി രാജു, സുഷേ് മണക്കാട്ട്, കെ രജിത, കെ സുമ, പി ഈശാനന്‍ എന്നിവര്‍ സംസാരിച്ചു. കെ അമ്പാടി സ്വാഗതവും പി രാജന്‍ നന്ദിയും പറഞ്ഞു.
-

header2
right3

Related News

Hide Stories

right2
catright5
catright
footer3