download

ഭാരതീയ പേറ്റന്റുകളിൽ ഭൂരിഭാഗവും വിദേശികളുടെ കീശയിൽ

ഇന്ത്യ അനുവദിക്കുന്ന പേറ്റന്റുകളിൽ ഭൂരിഭാഗവും സ്വന്തമാക്കിയിരിക്കുന്നത് വിദേശ കമ്പനികൾ. 2005 ജനുവരി ഈവർഷം ഡിസംബർ പത്തുവരെയുള്ള കണക്കുകൾ പ്രകാരം ഔഷധ മേഖലയിലെ 77 ശതമാനം പേറ്റന്റുകളും വിദേശ കമ്പനികളുടെ കൈയിലാണ്. ഈ രംഗത്ത് ആകെയുള്ള 4,614 പേറ്റന്റുകളിൽ 3,575 എണ്ണമാണ് വിദേശ കമ്പനികൾക്ക് നൽകിയത്. ആഭ്യന്തര കമ്പനികളുടെ കൈയിലുള്ളത് 1,039 പേറ്റന്റുകളും.

കാർഷിക അനുബന്ധ എൻജിനിയറിംഗ്, മെക്കാനിക്കൽ എൻജിനിയറിംഗ്, ബയോ കെമിസ്‌ട്രി, കെമിക്കൽ, ബയോ - ടെക്‌നോളജി തുടങ്ങി 18 മേഖലകളിലായി 70 ശതമാനം പേറ്റന്റുകളും വിദേശ കമ്പനികൾക്കാണ് അനുവദിച്ചിട്ടുള്ളത്. കമ്പ്യൂട്ടർ സയൻസ്, ഇലക്‌ട്രോണിക്‌സ്, കമ്യൂണിക്കേഷൻ ടെക്‌നോളജി എന്നീ മേഖലകളിലെ 90 ശതമാനം പേറ്റന്റുകൾ കൈയടിക്കിയിരിക്കുന്നതും ആഗോള കമ്പനികളാണ്.

മെക്കാനിക്കൽ എൻജിനിയറിംഗിൽ 10,398 പേറ്റന്റുകൾ വിദേശ കമ്പനികൾ സ്വന്തമാക്കിയിട്ടുണ്ട്. കെമിക്കൽസിൽ 9506, ഇലക്‌ട്രോണിക്‌സിൽ 4937, കമ്യൂണിക്കേഷൻ ടെക്‌നോളജിയിൽ 2896, ബയോ - ടെക്‌നോളജിയിൽ 2236, കമ്പ്യൂട്ടർ സയൻസിൽ 1709 എന്നിങ്ങനെയാണ് വിദേശ കമ്പനികൾ സ്വന്തമാക്കിയ പേറ്റന്റിന്റെ കണക്ക്. കമ്യൂണിക്കേഷൻ ടെക്‌നോളജിയിൽ 243 പേറ്റന്റുകളാണ് ആഭ്യന്തര കമ്പനികൾക്കുള്ളത്. ബയോ - ടെക്‌നോളജിയിൽ 339, കെമിക്കൽസിൽ 3354, കമ്പ്യൂട്ടർ സയൻസിൽ 150, ഇലക്‌ട്രോണിക്‌സിൽ 384, മെക്കാനിക്കൽ എൻജിനിയറിംഗിൽ 2168 എന്നിങ്ങനെയാണ് ആഭ്യന്തര കമ്പനികൾ മറ്റു പ്രമുഖ മേഖലകളിൽ നേടിയ പേറ്റന്റുകളുടെ കണക്ക്.

SC_logo_pos

സ്മാര്‍ട്ട്‌ സിറ്റി : ആദ്യ മന്ദിരം 2015 മാര്‍ച്ചില്‍ പൂര്‍ത്തിയാകും

കേരളം കാത്തിരുന്ന സ്‌മാ‌ർട് സിറ്റി പദ്ധതിയുടെ ആദ്യഘട്ട നിർമ്മാണ പ്രവർത്തനങ്ങൾ (ആദ്യ മന്ദിരത്തിന്റെ നിർമ്മാണം) 2015 മാർച്ചിൽ പൂർത്തിയാക്കുമെന്ന് മുഖ്യമന്ത്രി ഉമ്മൻചാണ്ടി പറ‌ഞ്ഞു. സംസ്ഥാന സർക്കാരും ദുബായ് ഹോൾഡിംഗ്സും ചേർന്നാണ് പദ്ധതി ഒരുക്കുന്നത്. നെടുമ്പാശേരിയിൽ സ്‌മാർട് സിറ്റി ഡയറക്‌ടർ ബോർഡ് യോഗത്തിന് ശേഷം മാദ്ധ്യമങ്ങളോട് സംസാരിക്കുകയായിരുന്നു അദ്ദേഹം.

പതിനൊന്ന് ഏക്കറിലായി 6.5 ലക്ഷം ചതുരശ്രയടി വിസ്‌തീർണത്തിലാണ് ആദ്യ മന്ദിരം ഉയരുന്നത്. 150ലേറെ കോടി രൂപയാണ് ആദ്യ മന്ദിര നിർമ്മാണത്തിന് ചെലവിടുന്നത്. ആദ്യ ഘട്ടത്തിൽ ആറായിരം പേർക്ക് നേരിട്ടും പതിനായിരത്തിലേറെ പേർക്ക് പരോക്ഷമായും തൊഴിൽ ലഭിക്കുമെന്നും പ്രതീക്ഷിക്കുന്നു. ആദ്യ ഘട്ടത്തിൽ ഓഫീസ് തുറക്കാൻ ഇതിനകം മൂന്ന് കമ്പനികളും തയ്യാറായി എത്തിയിട്ടുണ്ട്. കൂടുതൽ കമ്പനികളുമായി ചർച്ചകൾ നടക്കുന്നു. രണ്ടാംഘട്ട നിർമ്മാണ പ്രവർത്തനങ്ങളും അടുത്തവർഷം തന്നെ തുടങ്ങും. 6.3 ലക്ഷം ചതുരശ്രയടി വിസ്‌തീർണമുള്ള കെട്ടിടം രണ്ടാംഘട്ടത്തിൽ ഉയരും. സ്‌മാർട് സിറ്റി റോഡിലെ വൈദ്യുതീകരണം, കെട്ടിടത്തിന് മുന്നിലെ കനാൽ സൗന്ദര്യവത്‌കരണം എന്നിവയും സമയബന്ധിതമായി പൂർത്തിയാക്കും.

 90,000 പേർക്ക് തൊഴിൽ മൊത്തം 5,000 കോടി രൂപയാണ് സ്‌മാർട് സിറ്റി പദ്ധതിക്ക് ചെലവ് പ്രതീക്ഷിക്കുന്നത്. ആകെ 246 ഏക്കറിലായി ഐ.ടിക്ക് പുറമേ, വിദ്യാഭ്യാസം, മീഡിയ, ധനകാര്യം, റിസർച്ച് ആൻഡ് ഡെവലപ്‌മെന്റ്, മാനുഫാക്‌ചറിംഗ്,ശാസ്‌ത്രം തുടങ്ങി വിവിധ രംഗങ്ങളിലെ 5,000ലേറെ കമ്പനികൾക്ക് സ്‌മാർട് സിറ്റി കേന്ദ്രമാകും. പദ്ധതി യാഥാർത്ഥ്യമാകുമ്പോൾ 90,000 പേർക്ക് തൊഴിൽ ലഭിക്കുമെന്നും മുഖ്യമന്ത്രി പറഞ്ഞു. സ്‌കൂൾ, കോളേജ്, ഹോട്ടലുകൾ, പാർക്കുകൾ, ഷോപ്പിംഗ് കേന്ദ്രങ്ങൾ, അപാർട്മെന്റുകൾ, ആശുപത്രി എന്നിവയും സ്‌മാർട് സിറ്റിയിലുണ്ടാകും.

2004ലാണ് സ്‌മാർട് സിറ്റി എന്ന വൻ പദ്ധതി സംസ്ഥാന സർക്കാരിന്റെ മനസിലുദിക്കുന്നത്. ഉമ്മൻചാണ്ടി നയിച്ച യു.ഡി.എഫായിരുന്നു അന്നും കേരളം ഭരിച്ചത്. പിന്നീട് രാഷ്‌ട്രീയ കോലാഹലങ്ങളിലും വിവാദങ്ങളിലും അകപ്പെട്ട് സ്‌മാർട് സിറ്റി കടലാസിലൊതുങ്ങി. 2011ൽ യു.ഡി.എഫ് വീണ്ടും അധികാരത്തിലേറിയതോടെയാണ് പദ്ധതിക്ക് വീണ്ടും ചിറക് മുളച്ചത്. പ്രത്യേക സാമ്പത്തിക മേഖലാടിസ്ഥാനത്തിൽ (സെസ്) ആണ് 246 ഏക്കറിലും നിർമ്മാണ പ്രവർത്തനങ്ങൾ. ഇന്നലെ നടന്ന യോഗത്തിൽ മന്ത്രിമാരായ കെ. ബാബു, പി.കെ. കുഞ്ഞാലിക്കുട്ടി, പ്രമുഖ വ്യവസായി എം.എ. യൂസഫലി, ഐ.ടി. പ്രിൻസിപ്പൽ സെക്രട്ടറി പി.എച്ച്. കുര്യൻ, ടീകോം സി.ഇ.ഒ മാലിക് അൽ മാലിക്, വൈസ് പ്രസിഡന്റ് അബ്‌ദുൾ ലത്തീഫ് അൽ മുല്ല, സ്‌മാർട് സിറ്റി മാനേജിംഗ് ഡയറക്‌ടർ ബാബു ജോർജ്, സി.ഇ.ഒ ജിജോ ജോസഫ് തുടങ്ങിയവർ സംബന്ധിച്ചു.

IN08_SENSEX_177549f

കനത്ത നഷ്ടം: സെന്‍സെക്‌സ് തകര്‍ന്നത് 550 പോയന്റ്‌

മുംബൈ: വില്പന സമ്മര്‍ദത്തില്‍ സെന്‍സെക്‌സ് സൂചിക തകര്‍ന്നടിഞ്ഞത് 550 പോയന്റ്. ഒക്ടോബര്‍ 29ന് ശേഷം ആദ്യമായി സൂചിക 27000 ത്തിന് താഴെയെത്തി. ഡിസംബറിലാകട്ടെ നഷ്ടമുണ്ടായത് 1,900 പോയന്റിലേറെ. 12 വ്യാപാരദിനങ്ങളിലായി മാത്രം 6.5 ശതമാനം നഷ്ടം.

538 പോയന്റ് നഷ്ടത്തില്‍ 26781.44 ലാണ് സെന്‍സെക്‌സ് വ്യാപാരം അവസാനിപ്പിച്ചത്. 152 പോയന്റ് താഴ്ന്ന് 8067.60ല്‍ നിഫ്റ്റിയും ക്ലോസ് ചെയ്തു. 566 കമ്പനികളുടെ ഓഹരികള്‍ നേട്ടത്തിലും 2312 ഓഹരികള്‍ നഷ്ടത്തിലുമായിരുന്നു.

മിഡ് ക്യാപ്, സ്‌മോള്‍ ക്യാപ് ഓഹരികളും തകര്‍ച്ച നേരിട്ടു. സെസ സ്‌റ്റെര്‍ലൈറ്റ്, ഡോ. റെഡ്ഡീസ് ലാബ്, ഹിന്‍ഡാല്‍കോ, എസ്ബിഐ, ടാറ്റ പവര്‍ തുടങ്ങിയവ കനത്ത നഷ്ടം നേരിട്ടു. അതേസമയം, ടിസിഎസ്, ഇന്‍ഫോസിസ്, ഭാരതി എയര്‍ടെല്‍ തുടങ്ങിയവ നേട്ടത്തിലായിരുന്നു. ആഗോള വിപണികളിലെ തകര്‍ച്ചയാണ് ആഭ്യന്തരവിപണിയെ പരിഭ്രാന്തിയിലാഴ്ത്തിയത്. ഓഹരികള്‍ വിറ്റൊഴിയാന്‍ പലരും തിടക്കംകൂട്ടിയത് വിപണിയെ സമ്മര്‍ദത്തിലാക്കി.

Reliance_Industries_Logo.svg

റിലയൻസിനെ വിഴുങ്ങിയ ചെറു മീൻ “കാർണിവൽ”

അങ്കമാലി ആസ്ഥാനം ആയ കാർണിവൽ ഗ്രൂപ്പ് സിനിമ പ്രദർശന രംഗത്ത് വൻ ചലനങ്ങൾ സ്രഷ്ടിക്കുന്നു . അനിൽ അംബാനിയുടെ നേതൃത്വത്തിൽ ഉള്ള ബിഗ്‌ സിനിമാസ് എന്ന മൾട്ടിപ്ലക്സ് തിയേറ്ററുകൾ 700 കോടി രൂപക്ക് കാർണിവൽ ഏറ്റെടുക്കുന്നു . ഇതോടെ പി വി ആർ (454 സ്ക്രീൻ) , ഇനൊക്സ് (400 സ്ക്രീൻ) എന്നിവയ്ക്ക് ശേഷം രാജ്യത്തെ മൂന്നാമത്തെ തിയേറ്റർ സൃഖല ആകും കാർണിവൽ.

നിലവിൽ 50 സ്ക്രീൻ ആണ് കാർണിവൽ ഗ്രൂപ്പിന് ഉള്ളത് . ബോംബെ ആസ്ഥാനം ആയ എച്ച് ഡി ഐ എൽ നിന്നും 33 സ്ക്രീൻ വാങ്ങി കഴിഞ്ഞു . ബിഗ്‌ സിനിമാസിന്റെ 80 ശതമാനം ഓഹരി 700 കോടി രൂപക്കാണ് വാങ്ങുന്നത്. ഇത് വഴി അവരുടെ 258 സ്ക്രീൻ കൂടി കിട്ടും.

ഈ വർഷം ആദ്യം തന്നെ മോഹൻലാലിന്റെ ഉടമസ്ഥതയിൽ തലയോലപ്പറമ്പിൽ ഉള്ള ആശിർവാദ് സിനിമ കോംപ്ലെക്സ് കാർണിവൽ മേടിച്ചിരുന്നു . ഇവിടെ 3 സ്ക്രീൻ ആണ് ഉള്ളത് . അടുത്ത വർഷത്തോടെ ഇന്ത്യയിൽ 1000 സ്ക്രീൻ ആണ് ലക്ഷ്യം വക്കുന്നത് എന്ന് കാർണിവൽ സി ഇ ഓ സി വി സുനിൽ പറഞ്ഞു .

1417464260_1417464260_d021214business

ഭാഗ്യവര്‍ഷ ചിട്ടികള്‍ ലക്ഷ്യം കവിഞ്ഞു

കെ.എസ്‌.എഫ്‌.ഇയുടെ ഈ സാമ്പത്തിക വര്‍ഷത്തെ ആദ്യ സവിശേഷ ചിട്ടി പദ്ധതിയായ ഭാഗ്യവര്‍ഷ ചിട്ടികള്‍ ലക്ഷ്യം കവിഞ്ഞു. കഴിഞ്ഞ 30 ന്‌ പദ്ധതി അവസാനിച്ചപ്പോള്‍ 277 കോടി രൂപ ലക്ഷ്യമിട്ട സ്‌ഥാനത്ത്‌ 303 കോടി രൂപയുടെ ചിട്ടി സമാഹരിക്കാന്‍ സാധിച്ചെന്ന്‌ കെ.എസ്‌.എഫ്‌.ഇ. ചെയര്‍മാന്‍ പി.ടി. ജോസ്‌ അവകാശപ്പെട്ടു. കഴിഞ്ഞ വര്‍ഷത്തെ (280 കോടി രൂപ) അപേക്ഷിച്ച്‌ 26 കോടി രൂപയുടെ വര്‍ധനയാണുണ്ടായത്‌. കെ.എസ്‌.എഫ്‌.ഇയുടെ നാളിതുവരെയുള്ള ചിട്ടി പദ്ധതിയില്‍ ഏറ്റവും വലിയ സമാഹരണമാണിതെന്ന്‌ മാനേജിംഗ്‌ ഡയറക്‌ടര്‍ പി. രാജേന്ദ്രന്‍ പറഞ്ഞു. കെ.എസ്‌.എഫ്‌.ഇയുടെ ചിട്ടി പദ്ധതിയിലെ ഏറ്റവും വലിയ സമാഹരണം ആണിത്‌.

header2
SpiceJet 737 MAX8 Artwork
കലാനിധി മാരന്റെ നേതൃത്വത്തിലുള്ള സണ്‍ ഗ്രൂപ്പ് നയിക്കുന്ന സ്പൈസ് ജെറ്റ് കടുത്ത സാമ്പത്തിക പ്രതിസന്ധി നേരിടുന്നു.

കലാനിധി മാരന്റെ നേതൃത്വത്തിലുള്ള സണ്‍ ഗ്രൂപ്പ് നയിക്കുന്ന സ്പൈസ് ജെറ്റ് കടുത്ത സാമ്പത്തിക പ്രതിസന്ധി നേരിടുന്നു. ഇതിന്റെ ഭാഗമായി കമ്പനി ഡിസംബര്‍ 31 വരെയുള്ള 1,800ഓളം സര്‍വ്വീസുകള്‍ റദ്ദാക്കി. ആഭ്യന്തര സര്‍വ്വീസുകളും നേപ്പാളിലെ കാഠ്മണ്ടുവിലേക്കുള്ള സര്‍വ്വീസുകളുമുള്‍പ്പെടെ 1,861 സര്‍വ്വീസുകളാണ് സ്പൈസ്ജെറ്റ് റദ്ദാക്കിയത്.

മുന്‍കൂര്‍ ബുക്കിംഗ് സംബന്ധിച്ച് ഡയറക്ടര്‍ ജനറല്‍ ഓഫ് സിവില്‍ ഏവിയേഷന്‍ (ഡിജിസിഎ)നല്‍കിയ നിര്‍ദേശങ്ങള്‍ പാലിക്കാത്തതിനെ തുടര്‍ന്ന് ഡിജിസിഎ സ്പൈസ് ജെറ്റിന് കാരണം കാണിക്കല്‍ നോട്ടീസ് അയക്കാനിരിക്കെയാണ് കമ്പനി വിമാന സര്‍വ്വീസുകള്‍ കൂട്ടമായി റദ്ദാക്കിയത്.

കടുത്ത സാമ്പത്തിക പ്രതിസന്ധി നേരിടുന്ന സ്പൈസ് ജെറ്റിന്റെ 186 സ്ലോട്ടുകള്‍ ഡിജിസിഎ കഴിഞ്ഞ ദിവസം പിന്‍വലിച്ചിരുന്നു. കൂടാതെ ജീവനക്കാര്‍ക്ക് നല്‍കാനുള്ള ശമ്പള കുടിശ്ശിക പത്ത് ദിവസത്തിനുള്ളില്‍ കൊടുത്ത് തീര്‍ക്കണമെന്നും ഡിജിസിഎ സ്പൈസ് ജെറ്റിന് അന്ത്യശാസനം നല്‍കിയിട്ടുണ്ട്.

എയര്‍പോര്‍ട്ട് ഓപ്പറേറ്റര്‍മാരുമായി 200 കോടിയോളം രൂപയുടെ കടബാധ്യതയുള്ള സ്പൈസ് ജെറ്റിനെതിരെ നടപടി കൈക്കൊള്ളാനുള്ള തയ്യാറെടുപ്പിലാണ് എയര്‍പോര്‍ട്ട് അതോറിറ്റി ഓഫ് ഇന്ത്യ. വരുമാനത്തില്‍ 15 ശതമാനം വര്‍ദ്ധനവ് ഉണ്ടായിട്ടും കഴിഞ്ഞ സാമ്പത്തിക വര്‍ഷം കമ്പനിക്ക് 310 കോടിയുടെ നഷ്ടമുണ്ടായെന്ന് കണക്കുകള്‍ സൂചിപ്പിക്കുന്നു.

സാമ്പത്തിക പ്രതിസന്ധി രൂക്ഷമായതിനെ തുടര്‍ന്ന് കഴിഞ്ഞ ആറ് മാസത്തിനുള്ളില്‍ 40 പൈലറ്റുമാര്‍ സ്പൈസ് ജെറ്റ് വിട്ടിരുന്നു.

21645_631816
വിപണിയില്‍ തകര്‍ച്ച: സെന്‍സെക്‌സ് 350 പോയന്റ് താഴന്നു

ഇന്‍ഫോസിസ്, ടിസിഎസ്, ഡോ. റെഡ്ഡീസ് ലാബ്, എല്‍ആന്റ്ടി തുടങ്ങിയ ഓഹരികളുടെ തകര്‍ച്ച വിപണിയെ പിടിച്ചുലച്ചു. ഉച്ചകഴിഞ്ഞ് 3.29 ഓടെ സെന്‍സെക്‌സ് സൂചിക 350.66 പോയന്റ് താഴ്ന്ന് 28,107.44 ലെത്തി. 104.15 പോയന്റ് താഴ്ന്ന് നിഫ്റ്റി 8,343.15ലായിരുന്നു. ബിസ്ഇ മിഡ്ക്യാപ്, സ്‌മോള്‍ ക്യാപ് സൂചികകളും നഷ്ടത്തിലായിരുന്നു.

ഇന്‍ഫോസിസ് ഓഹരി 4.8 ശതമാനത്തോളം നഷ്ടമുണ്ടാക്കി. സ്ഥാപകരായ ചിലര്‍ ഓഹരികള്‍ വന്‍തോതില്‍ വിറ്റഴിച്ചതാണ് ഇന്‍ഫോസിസിന് തിരിച്ചടിയായത്. ടിസിഎസ്(2.3 ശതമാനം), ഭേല്‍ (2.6 ശതമാനം) ഹിന്‍ഡാല്‍കോ (2.6 ശതമാനം) എന്നിങ്ങനെയും നഷ്ടമുണ്ടാക്കി.

ഐടിസി, കോള്‍ ഇന്ത്യ, ഭാരതി എയര്‍ടെല്‍, സണ്‍ ഫാര്‍മ, എച്ച്ഡിഎഫ്‌സി തുടങ്ങിയവ നേട്ടത്തിലാണ് വ്യാപാരം അവസാനിപ്പിച്ചത്.

eggs (1)
മുട്ട ആര്‍ക്കും വേണ്ട; കര്‍ഷകര്‍ പ്രതിസന്ധിയില്‍

ആലപ്പുഴ: പക്ഷിപ്പനി ബാധിതമേഖലയായ കുട്ടനാട്ടില്‍ താറാവ്മുട്ടകള്‍ കെട്ടിക്കിടക്കുന്നതു കര്‍ഷകരെ കൂടുതല്‍ പ്രതിസന്ധിയിലാക്കി. പതിനായിരക്കണക്കിനു മുട്ടയാണ് വിവിധയിടങ്ങളില്‍ കെട്ടിക്കിടക്കുന്നത്. പക്ഷിപ്പനി സ്ഥിരീകരണത്തോടെ മുട്ടയ്ക്ക് ആവശ്യക്കാര്‍ ഇല്ലാത്തതാണ് കാരണം. മുട്ട ഒന്നിനു ആറുമുതല്‍ ഏഴുരൂപവരെയാണ് വില. നേരത്തേ മുട്ടയ്ക്ക് നല്ല ഡിമാന്‍ഡുണ്ടായിരുന്നു. പക്ഷിപ്പനി സ്ഥിരീകരിച്ചതോടെ രണ്ടുലക്ഷത്തോളം താറാവുളെ കുട്ടനാട്ടില്‍ മാത്രം കൊന്നൊടുക്കി. പലയിടങ്ങളിലും ഇപ്പോഴും താറാവുകള്‍ ചത്തുവീഴുന്നു. ചിലയിടങ്ങളില്‍ കോഴികളും കൂട്ടത്തോടെ ചാകുന്നു. പക്ഷിപ്പനി സംബന്ധിച്ച് ലോകാരോഗ്യ സംഘടനയുടെ മാര്‍ഗനിര്‍ദേശമനുസരിച്ചാണെങ്കില്‍ കുട്ടനാടന്‍ മേഖലയില്‍ ആറുമാസത്തേക്കെങ്കിലും താറാവുവളര്‍ത്തലിനു നിയന്ത്രണം വരും. ഇതിനുപുറമെയാണ് കെട്ടിക്കിടക്കുന്ന മുട്ടകള്‍ വിറ്റഴിക്കാന്‍ കഴിയാത്ത സാഹചര്യം. കുട്ടനാട്ടില്‍ നെല്ലുല്‍പാദനത്തിനു പുറമെ മത്സ്യക്കൃഷിയും താറാവുകൃഷിയുമാണ് പ്രധാന വരുമാനസ്രോതസ്. അശാസ്ത്രീയ റോഡുവികസനം കനാലുകളില്‍ നീരൊഴുക്ക് തടസപ്പെടുത്തിയതും മാലിന്യം കുമിഞ്ഞുകൂടുന്നതും കുട്ടനാട്ടിലെ ജലാശയങ്ങളില്‍ മത്സ്യസമ്പത്ത് ഗണ്യമായി കുറച്ചു. അങ്ങനെ ഈ വഴിക്കുള്ള വരുമാനം ഇടിഞ്ഞെങ്കിലും താറാവുകൃഷി കര്‍ഷകരെ ജീവിക്കാന്‍ പ്രേരിപ്പിച്ചു. പക്ഷിപ്പനി ഈ പ്രതീക്ഷയാണ് തല്ലിക്കെടുത്തിയത്. അഖില കുട്ടനാടന്‍ പ്രദേശത്ത് ഒരു നെല്ലും മീനും പദ്ധതി, താറാവുകൃഷി എന്നിവ വ്യാപിപ്പിക്കണമെന്നും പ്രോത്സാഹിപ്പിക്കണമെന്നും ഡോ. എം എസ് സ്വാമിനാഥന്‍ പഠനറിപ്പോര്‍ട്ടില്‍ നിര്‍ദേശിച്ചിരുന്നു. ഇതനുസരിച്ച് കുട്ടനാട് പാക്കേജിലും ഈ പദ്ധതികള്‍ ഇടംപിടിച്ചു. ലക്ഷ്യം കാണാതെ പാക്കേജ് പാതിവഴിയില്‍ ഉപേക്ഷിച്ചതോടെ പെരുവഴിയിലായ കുട്ടനാടന്‍ കര്‍ഷകര്‍ കരകയറാന്‍ മാര്‍ഗമെന്തെന്നറിയാതെ ഉഴലുകയാണ്.

flt
കൊപ്രയുടെ താങ്ങുവില കൂട്ടി

ദില്ലി: കൊപ്രയുടെ താങ്ങുവില കേന്ദ്ര സര്‍ക്കാര്‍ കൂട്ടി. മില്ലിംഗ് കൊപ്രയ്ക്ക് ക്വിന്‍റലിന് 300 രൂപയും ഉണ്ട കൊപ്രക്ക് 330 രൂപയുമാണ് കൂട്ടിയത്. ഇതോടെ മില്ലിംഗ് കൊപ്രയുടെ വില ക്വിന്‍റലിന് 5550 രൂപയായും ഉണ്ടകൊപ്രയുടേത് 5830 രൂപയായും ഉയര്‍ന്നു. കല്‍ക്കരിപ്പാടങ്ങള്‍ പുനര്‍ലേലം ചെയ്യുന്നതിനുള്ള ബില്ല് കൊണ്ടുവരുന്നതിനും കേന്ദ്ര മന്ത്രിസഭ അംഗീകാരം നല്‍കി. സുപ്രീംകോടതി ലൈസന്‍സ് റദ്ദാക്കിയ കല്‍ക്കരിപ്പാടങ്ങളുടെ പുനര്‍ലേലത്തിനായി നേരത്തെ കേന്ദ്ര സര്‍ക്കാര്‍ ഓര്‍ഡിനന്‍സ് കൊണ്ടുവന്നിരുന്നു. തടവുകാരെ കൈമാറ്റം ചെയ്യുന്നതിനുള്ള കരാര്‍ ഖത്തര്‍ സര്‍ക്കാരുമായി ഒപ്പുവെക്കുന്നതിനും കേന്ദ്ര മന്ത്രിസഭ അംഗീകാരം നല്‍കി. കരാര്‍ യാഥാര്‍ഥ്യമായാല്‍ ഖത്തറിലെ ജയിലുകളില്‍ കഴിയുന്ന ഇന്ത്യക്കാര്‍ക്ക് ഇന്ത്യന്‍ ജയിലുകളില്‍ ശിക്ഷ അനുഭവിച്ചാല്‍ മതി.