കൊച്ചിന്‍ യൂണിവേഴ്സിറ്റിയില്‍ കുഞ്ഞാലിമരക്കാര്‍ക്കും രക്ഷയില്ല

Article Writer :എസ കെ രവീന്ദ്രന്‍

Story Dated :December 20, 2014

ttstodry copy

അധിനിവേശ ശക്തികള്‍ക്കെതിരെ ആവേശോജ്വലമായ ചെറുത്തു നില്‍പ്പിലൂടെ പോരാട്ടവീര്യത്തിന്റെുയും ദേശസ്നേഹത്തിന്റെ‍യും ചരിത്ര പൈതൃകങ്ങളെ ഇതിഹാസ ദീപ്തമാക്കിയ മഹാനായ കുഞ്ഞാലിമരക്കാരുടെ പേരില്‍ സ്ഥാപിച്ചിട്ടുള്ള കൊച്ചി സര്വാകലാശാലയിലെ ഒരു സ്ഥാപനം കുഞ്ഞാലിമരക്കാര്ക്ക് അപമാനകരമായി തീര്‍ന്നെന്നാണ് അവിടെ പഠിച്ചിറങ്ങിയവര്‍ പറയുന്നത്.

ഏറെ കൊട്ടിഘോഷങ്ങളുമായി ആരംഭിച്ച കുഞ്ഞാലിമരക്കാര്‍ സ്കൂള്‍ ഓഫ് മറൈന്‍ എഞ്ചിനീയറിങ്ങ് എന്ന സ്ഥാപനത്തില്‍ പഠിച്ചിറങ്ങിയാല്‍ ഉടന്‍ ജോലി എന്നായിരുന്നു പ്രചരണം. കഴിഞ്ഞ പത്ത് വര്‍ഷത്തിനിടയില്‍ അഞ്ഞൂറിനും ആയിരത്തിനും ഇടയില്‍ വിദ്യാര്ത്ഥികള്‍ ഇവിടെ നിന്നും പഠിച്ചിറങ്ങി എങ്കിലും ജോലി കിട്ടിയവര്‍ വിരലില്‍ എണ്ണാവുന്നവര്‍ മാത്രം.

ഒന്നര ലക്ഷം രൂപയാണ് ഫീസ്‌. താങ്ങാനാകുന്നതിലും അധികം ഫീസ്‌ കൊടുത്തു പഠിക്കുന്നവര്‍ പഠന ശേഷം ആശയറ്റു നരകിക്കുന്ന സ്ഥിതി ആണ് ഇവിടെയുള്ളത്. പരാധീനതകള്‍ക്കും പീഡനങ്ങള്‍ക്കും നടുവിലാണ് ഇവിടെ പഠിക്കുന്നവര്‍ അധികവും.സമുദ്ര ഗവേഷണമടക്കം കരയിലും കടലിലുമായി നടക്കുന്ന കുഞ്ഞാലി മരക്കാര്‍ സ്കൂള്‍ ഓഫ് എഞ്ചിനീയറിങ്ങിലെ പഠനം പലപ്പോഴും അടിമ തുല്യമായ അവസ്ഥയിലാണെന്ന് വിദ്യാര്ഥിപകള്‍ സാക്ഷ്യപ്പെടുത്തുന്നു. അടിമത്വത്തിനെതിരെ പോരാടിയ ഒരു പോരാളിയുടെ പേരിലുള്ള സ്ഥാപനത്തില്‍ അടിമ തുല്യമായി അനുസരിക്കെണ്ടിവരുന്ന ഗതികൊടോര്‍ത്തു പലരും നെടുവീര്‍പ്പിടുന്നു.

"ചോദ്യം ചെയ്യാന്‍ ഭയക്കാതിരിക്കുവിന്‍" എന്ന് മഹാനായ വിപ്ലവ കവിയും നാടക കാരനുമായ ബര്ത്തോള്‍ട് ബ്രെഹറ്റ് ഉല്‍ബോധിപ്പിച്ചതടക്കമുള്ള നിരവധി കാവ്യ ശകലങ്ങള്‍ സര്‍വകലാശാലയുടെ ചുവര്‍ ഭിത്തികളില്‍ തട്ടി പ്രതിധ്വക്കുന്നുണ്ടെങ്കിലും സമുദ്രഗവേഷണ സാങ്കേതികത്വത്തിന്റെ് പഠന സങ്കേതങ്ങളില്‍ ഇതിനൊന്നും സ്ഥാനമില്ല. ഇവിടെ അധികൃതര്‍ക്ക് നിരക്കാത്തത് എന്തെങ്കിലും പറഞ്ഞുപോയാല്‍ അച്ചടക്കത്തിന്റെകയും ശിക്ഷയുടെയും പാഠഭാഗങ്ങളാകും പിന്നീട് പഠിക്കേണ്ടി വരുക.

ഇവിടെ ആവശ്യത്തിനു അധ്യാപകരില്ല. നിരവധി തസ്തികകള്‍ ഒഴിഞ്ഞു കിടക്കുന്നു. ഭീമമായ ഫീസ്‌ നല്‍കി പഠിക്കുന്നവരെ പാഠഭാഗങ്ങള്‍ പഠിപ്പിക്കുവാന്‍ ആളില്ലാത്ത അവസ്ഥ. പഠനം പാല്‍പായസമല്ല അത് കല്‍തുറുങ്കിലെ ജീവിതത്തെക്കാള്‍ ഭീകരമെന്ന് ഓര്‍മിപ്പിക്കുന്ന സ്ഥിതിവിശേഷമാണ് കുഞ്ഞാലിമരക്കാര്‍ സ്കൂള്‍ ഓഫ് എഞ്ചിനീയറിങ്ങില്‍ നിലനില്ക്കുന്നത്.

പഠന സൌകര്യങ്ങളില്ലാതെ പഠിപ്പിക്കുവാന്‍ അദ്ധ്യാപകരില്ലാതെ ഉന്നത ശാസ്ത്ര സാങ്കേതിക സര്‍വകലാശാല കെട്ടുകാഴ്ചയാകുകയാണ്. ഭരണകേന്ദ്രങ്ങളിലെ കെടുകാര്യസ്ഥതയും രാഷ്ട്രീയക്കാരുടെ ചക്കളാത്തി പോരാട്ടവും എല്ലാം സര്‍വ കലകളുടെയും വിളനിലമാകേണ്ട സര്‍വകലാശാലയെ സര്‍വകലയുടെയും കൊലയറയാക്കി മാറ്റിയിരിക്കുന്നു. ഇവിടെയാണ്‌ വിദ്യാര്‍ഥി പോരാട്ടങ്ങള്‍ പ്രസക്തമാകുന്നത്.

hotbrains