റോജി റോയിയുടെ മരണത്തില്‍ ജുഡീഷ്യല്‍ അന്വേഷണം വേണമെന്ന് ബന്ധുക്കള്‍

Story Dated :December 5, 2014

10730922_1505327473062450_2565940062346674119_n

തിരുവന്തപുരം കിംസ് ആശുപത്രിയിലെ നഴ്‌സിംഗ് വിദ്യാര്‍ത്ഥിയായിരുന്ന റോജി റോയിയുടെ മരണത്തിലെ ദുരൂഹത പുറത്ത് കൊണ്ട് വരാന്‍ ജുഡീഷ്യല്‍ അന്വേഷണം നടത്തണമെന്ന് ബന്ധുക്കള്‍. ആഭ്യന്തരമന്ത്രി നിയോഗിച്ച പ്രത്യാക അന്വേഷണ സംഘം ഇതുവരെ റോജി റോയിയുടെ വീട്ടിലെത്തുകയോ മൊഴി രേഖപ്പെടുത്തുകയോ ചെയ്തിട്ടില്ല… ഈ സാഹചര്യത്തില്‍ അന്വേഷണം അട്ടിമറിക്കാനുള്ള നീക്കമാണ് ഇപ്പോള്‍ നടക്കുന്നതെന്നും ബന്ധുക്കള്‍ ആരോപിച കഴിഞ്ഞമാസം ആറിനാണ് റോജി റോയിയെ കിംസ് ആശുപത്രിയുടെ പത്താം നിലയില്‍ നിന്ന് വീണ് മരിച്ച നിലയില്‍ കണ്ടെത്തിയത്. ക്രൈംഡിറ്റാച്ച്‌മെന്റ് എസിപി കെ ഇ ബൈജുവിന്റെ നേതൃത്വത്തിലുള്ള സംഘം ആദ്യം കേസന്വേഷിച്ചു. ദുരൂഹത ആരോപിച്ച് ബന്ധുക്കളും നാട്ടുകാരും രംഗത്തെത്തിയതോടെയാണ് തിരുവനന്തപുരം സിറ്റി പൊലീസ് കമ്മീഷണറുടെ നേതൃത്വത്തിലുള്ള പ്രത്യാക സംഘത്തെ നിയോഗിച്ചു. എന്നാല്‍ ഈ അന്വേഷണവും അട്ടിമറിക്കപ്പെട്ടന്നാണ് ബന്ധുക്കളുടെ ആരോപണം. സംഭവത്തിലെ ദൂരൂഹത മാറണമെങ്കില്‍ ജുഡീഷ്യല്‍ അന്വേഷണം നടത്തണമെന്നാണ് ഇവരുടെ ആവശ്യം. ഈ ആവശ്യമുന്നയിച്ച് ആക്ഷന്‍ കൗനണ്‍സിലിന്റെയും ഫേസ്ബുക്ക് കൂട്ടായ്മയുടെയും നേതൃത്വത്തില്‍ പ്രതിഷേധ മാര്‍ച്ച് സംഘടിപ്പിക്കാനും തീരുമാനിച്ചിട്ടുണ്ട്. ജൂനിയര്‍ വിദ്യാര്‍ത്ഥി കളെ റാഗ് ചെയ്തതിന് വിശദീകരണം നല്‍കാന്‍ ആവശ്യപ്പെട്ടതിന് റോജി റോയ് പത്താം നിലയില്‍ നിന്ന് ചാടി ആത്മഹത്യ ചെയ്തന്നായിരുന്നു ആശുപത്രി അധികൃതരുടെ വിശദീകരണം.

Leave a Reply

Your email address will not be published.

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

belowhead