ബാർ ഉടമകളുമായി സർക്കാർ ഒത്തുകളിക്കുന്നതായി പ്രതിപക്ഷം നിയമസഭയിൽ ആരോപിച്ചു.

Story Dated :December 17, 2014

niyamasabha

തിരുവനന്തപുരം: ബാർ ഉടമകളുമായി സർക്കാർ ഒത്തുകളിക്കുന്നതായി പ്രതിപക്ഷം നിയമസഭയിൽ ആരോപിച്ചു. മദ്യനയത്തിന്റെ പ്രായോഗിക മാറ്റങ്ങളെക്കുറിച്ച് ചർച്ചചെയ്യണമെന്ന് പ്രതിപക്ഷ അംഗങ്ങൾ ആവശ്യപ്പെട്ടു. മദ്യനയം സംബന്ധിച്ച് സഭ നിർത്തിവെച്ച് ചർച്ച ചെയ്യണമെന്നാവശ്യപ്പെട്ട് എ.പ്രദീപ് കുമാർ എംഎൽഎ അടിയന്തര പ്രമേയത്തിന് നോട്ടീസ് നൽകി. അതേസമയം മദ്യനയത്തിൽ അടിസ്ഥാന പരമായ മാറ്റമുണ്ടാകില്ലെന്ന് എക്‌സൈസ് വകുപ്പ് മന്ത്രി കെ.ബാബു പറഞ്ഞു. ബിയർ, വൈൻ പാർലറുകളുടെ കാര്യത്തിൽ തീരുമാനമായിട്ടില്ല. ഇതുവരെ തീരുമാനമാകാത്ത കാര്യങ്ങളെ സംബന്ധിച്ച് മന്ത്രിസഭ ചർച്ച നടത്തുമെന്നും മന്ത്രി പറഞ്ഞു. പ്രതിപക്ഷത്തിന് വിഷയ ക്ഷാമം ഉള്ളതുകൊണ്ടാണ് ബാർ വിഷയം ഉന്നയിക്കുന്നതെന്നും മന്ത്രി പറഞ്ഞു.

belowhead