പാനസോണിക് പി 55 കേരള വിപണിയില്‍

Story Dated :December 13, 2014

Panasonic-P55-Photo

പാനാസോണിക്കിന്റെ ഏറ്റവും പുതിയ ഫാബ്ലറ്റ് പി55 വിപണിയില്‍. ടൈല്‍ഡ് പാറ്റേണ്‍ ബായ്ക്ക് ഡിസൈന്‍ ഫാബ്ലറ്റിന് 5.5 ഇഞ്ച് സ്ക്രീനാണുള്ളത്. സ്ലീപ് മോഡില്‍ ആകുമ്പോള്‍പ്പോലും തൊടുന്നത് തിരിച്ചറിയാന്‍കഴിയുന്ന സവിശേഷമായ ടാപ് പ്ലേ ഫീച്ചര്‍ ഇതിന്റെ പ്രത്യേകതയാണ്. ഫാബ്ലറ്റ് പ്രവര്‍ത്തനക്ഷമമാകാന്‍ രണ്ടുപ്രാവശ്യം തുടര്‍ച്ചയായി ടാപ് ചെയ്താല്‍ മതിയാകും. തിരികെ സ്ലീപ് മോഡിലേക്കു പോകുന്നതിനും ഇതേപോലെ രണ്ടുപ്രാവശ്യം ടാപ് ചെയ്താല്‍ മതി. പവര്‍ ബട്ടണില്‍ അമര്‍ത്തി ഓരോ പ്രാവശ്യവും മോഡ് മാറ്റേണ്ടതില്ല എന്നതാണ് സൗകര്യം. എട്ട് എംപി പിന്‍ ക്യാമറ, രണ്ട് എംപി മുന്‍ ക്യാമറ എന്നിവയും 1080 പിക്സല്‍ എച്ച്ഡി വീഡിയോ റിക്കോഡിങ് സൗകര്യവും ഉണ്ട്. ഓട്ടോഫോക്കസ്, എല്‍ഇഡി ഫ്ളാഷ് ഫീച്ചറുകളുണ്ട്. 2500 എംഎഎച്ച് ബാറ്ററി ഉള്ളതിനാല്‍ ദീര്‍ഘനേരം ഉപയോഗിക്കാന്‍ കഴിയും. പാനാസോണിക്കിന്റെ മറ്റു ട്രേഡ്മാര്‍ക്ക് ഫീച്ചറുകളായ ജെസ്റ്റര്‍ പ്ലേ, മ്യൂസിക് കഫേ എന്നിവയുള്ളതിനാല്‍ ഒരുകൈ കൊണ്ടുതന്നെ കൈകാര്യംചെയ്യാന്‍ കഴിയും. ബ്ലാക്ക്, ബ്ലൂ, പേള്‍ വൈറ്റ് എന്നിങ്ങനെ മൂന്നു നിറങ്ങളില്‍ ലഭ്യമാണ്. വില 10,490 രൂപ.

Leave a Reply

Your email address will not be published.

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

belowhead