നടന്‍ വിനയ് ഫോര്‍ട്ട് വിവാഹിതനായി

Story Dated :December 6, 2014

vinay-fort

നടന്‍ വിനയ് ഫോര്‍ട്ട് വിവാഹിതനായി. ഗുരുവായൂര്‍ സ്വദേശി സൗമ്യ രവിയാണ് വധു. ഗുരുവായൂര്‍ ക്ഷേത്രത്തില്‍ വെച്ചായിരുന്നു വിവാഹം. മൂന്ന് വര്‍ഷത്തെ പ്രണയത്തിന് ശേഷമായിരുന്നു ഇരുവരുടേയും വിവാഹം. അമൃത സര്‍വ്വകലാശാലയില്‍ നാനോ സയന്‍സ് വിഭാഗത്തില്‍ ഗവേഷണ വിദ്യാര്‍ത്ഥിനിയാണ് സൗമ്യ. കോളെജില്‍ തീയേറ്റര്‍ സംബന്ധമായ പരിപാടിക്കു പോയപ്പോഴാണ് ഇരുവരും കണ്ടുമുട്ടുന്നത്. പിന്നീട് സൗഹൃദമായി. സൗഹൃദം പിന്നീട് പ്രണയമായി വളര്‍ന്നു. ബിഎസ്എന്‍എല്‍ ഉദ്യോഗസ്ഥനായ രവി എസ് നമ്പിടിയുടെയും ഹേമാംബികയുടെയും മകളാണ് സൗമ്യ. വിനയ് ഫോര്‍ട്ട് ബിഎസ്എന്‍എല്‍ ഉദ്യോഗസ്ഥനായ എംവി മണിയുടയെും സുജാതയുടെയും മകനാണ്. പൂനെ ഫിലിം ഇന്‍സ്റ്റിറ്റിയൂട്ടില്‍ അഭിനയത്തില്‍ ബിരുദാനന്തര ബിരുദം നേടിയ വിനയ് ഋതു എന്ന ശ്യാമപ്രസാദ് ചിത്രത്തിലൂടെയാണ് മലയാളത്തില്‍ അരങ്ങേറ്റം നടത്തുന്നത്. അപൂര്‍വ്വരാഗം, അന്‍വര്‍ ,സെക്കന്‍ഡ്സ് തുടങ്ങി ചിത്രങ്ങളില്‍ അഭിനയിച്ചു. ഷട്ടര്‍ എന്ന ചിത്രത്തിലെ അഭിനയം ഏറെ ജനശ്രദ്ധ ആകര്‍ഷിച്ചിരുന്നു.

Leave a Reply

Your email address will not be published.

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

belowhead