ദൃശ്യവിസ്മയം തീര്‍ത്ത് ‘ഞായറാഴ്ച’

Story Dated :December 29, 2014

DSCN0271

അബുദാബി: കേരള സോഷ്യല്‍ സെന്ററിന്റെ ആറാമത് ഭരത് മുരളി നാടകോത്സവത്തില്‍ നാടകസൌഹൃദം അബുദാബി അവതരിപ്പിച്ച 'ഞായറാഴ്ച' പ്രമേയം കൊണ്ടും, സംവിധാന ചാരുതയാലും, അവതരണരീതിയാലും പ്രേക്ഷകരില്‍ ദൃശ്യവിസ്മയം തീര്‍ത്തു. DSCN0213 'പാപം ചെയ്തു പശ്ചാത്തപിക്കുന്നതാണോ? പാപം ചെയ്യാതിരിക്കുന്നതാണോ നല്ലത്?' എന്ന ചോദ്യം നാടകത്തിലുടീളം ചര്‍ച്ച ചെയ്യപ്പെട്ടു. കാമാര്‍ത്തരാല്‍ ആക്രമിക്കപ്പെട്ട് ഗര്‍ഭിണിയാക്കപ്പെട്ട എയ്ഞ്ചല്‍ സമൂഹത്തില്‍ നീന്നും ഒറ്റപ്പെടേണ്ടി വരുന്നു. 'പാപം ചെയ്യാത്ത ഞാന്‍ പാപം ചെയ്ത നിങ്ങളെ കുംബസാസിപ്പിക്കാം' എന്ന് എയ്ഞ്ചല്‍ എന്ന കഥാപാത്രം വികാരാധീയായി പറയുമ്പോള്‍, അത് സമൂഹത്തിനു നേരേെ തൊടുത്തുവിട്ട കൂരമ്പുകളായി പ്രേക്ഷകരില്‍ ചെന്ന് പതിക്കുകയായിരുന്നു. എന്തെല്ലാം പരീക്ഷണങ്ങളെ അതിജീവിക്കേണ്ടി വന്നാലും ആത്യന്തികമായി ധര്‍മ്മം വിജയിക്കുക തന്നെചെയ്യുമെന്ന സന്ദേശവും നാടകം നല്‍കുന്നു.

എയ്ഞ്ചലായി വേഷമിട്ട മെറിന്‍ മേരി ഫിലിപ്പ് കഥാപാത്രമായി ജീവിക്കുകയായിരുന്നു. സാത്താന്റെ വേഷമിട്ട ഷാബു ടി. കെ. യും അമ്മാമ്മയായി അഭിയിച്ച ബിന്നി ടോമിച്ചും മികവുറ്റ പ്രകടനങ്ങളാണ് കാഴ്ചവെച്ചത്. കബീര്‍ അവറാന്‍, പ്രദീപ് വി. എം., സുജിത് മാത്യു, ഷാജി സുരേഷ് ചാവക്കാട്, സജാദ് കെ. വി., സജു, അജേഷ്‌ കൃഷ്ണന്‍, അഭിരാമി, അശ്വതി, പ്രിയ, കാവ്യ എന്നിവര്‍ മറ്റുകഥാപാത്രങ്ങള്‍ക്ക് ജീവന്‍ നല്‍കി.

ഭരത് മുരളി ാടകോത്സവത്തിലെ പത്താം ദിവസമായ നാളെ (ചൊവ്വാഴ്ച) രാത്രി 8.30ന് മഹേശ്വതാദേവിയുടെ 'ബായേന്‍' കെ.വി.ഗണേഷിന്റെ സംവിധാത്തില്‍ നാട്യഗൃഹം അബുദാബി പ്രേക്ഷകരിലെത്തിക്കും.

Leave a Reply

Your email address will not be published.

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

belowhead