ജനപക്ഷയാത്ര: പോലീസ്‌ ദേശീയപാത തടഞ്ഞതു വിവാദമാകുന്നു

Story Dated :December 6, 2014

highway_police

കരുനാഗപ്പള്ളി: ജനപക്ഷയാത്രയ്‌ക്കായി കരുനാഗപ്പള്ളിയില്‍ പോലീസ്‌ മണിക്കൂറോളം ദേശീയപാതയില്‍ വാഹനഗതാഗതം തടഞ്ഞ സംഭവം വിവാദമാകുന്നു. വൈകിട്ട്‌ ആറിനു കരുനാഗപ്പള്ളിയില്‍ എത്തിച്ചേരുമെന്ന്‌ അറിയിച്ച യാത്ര രാത്രി ഒന്‍മ്പതിനാണ്‌ എത്തിയത്‌. എന്നാല്‍ പോലീസ്‌ എട്ടോടെ ദേശീയപാതയില്‍ കരുനാഗപ്പള്ളി മോഡല്‍ സ്‌ക്കൂളിനു മുന്നില്‍ ജീപ്പ്‌ റോഡിന്‌ കുറുകെയിട്ടു വാഹനഗതാഗതം തടയുകയായിരുന്നു. ജാഥ എത്തിയശേഷമാണു ഗതാഗതം പുനസ്‌ഥാപിച്ചത്‌. മുന്നറിയിപ്പുകൂടാതെയും വാഹനങ്ങള്‍ ഫലപ്രദമായി തിരിച്ചുവിടാതെയും ദേശീയപാതയില്‍ വാഹനങ്ങള്‍ തടഞ്ഞത്‌ കിലോമീറ്റര്‍ ദൂരത്തില്‍ വാഹനകുരുക്കിനു കാരണമായി. രോഗികളുമായി എത്തിയ ആബുലന്‍സുകള്‍ വരെ കുരുക്കില്‍പെട്ടു മണിക്കൂറുകള്‍ കാത്തുകിടക്കേണ്ടിവന്നു. കൊല്ലം ഭാഗത്തുനിന്നുമെത്തിയ വാഹനങ്ങള്‍ കരുനാഗപ്പള്ളി സി.പി.ഐ ഓഫീസിനുമുന്നില്‍ തടഞ്ഞിട്ടത്‌ ടൗണിലെ ഇടറോഡുകളിലും ഗതാഗതതടസത്തിനു കാരണമായി. പോലീസുതന്നെ ഗതാഗതം തടഞ്ഞു യാത്രക്കാരെ വലച്ച സംഭവത്തില്‍ ഉന്നതാധികാരികള്‍ക്കു നാട്ടുകാര്‍ പരാതി നല്‍കി.

Leave a Reply

Your email address will not be published.

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

belowhead