കൊല്ലത്ത് വീട്ടമ്മയെ കൊന്ന് സെപ്റ്റിക് ടാങ്കില്‍ തള്ളി; ഭര്‍ത്താവിനെ കാണാന്‍ ഇല്ല

Story Dated :December 16, 2014

2165942871

കൊല്ലം: വീട്ടമ്മയെ കൊലപ്പെടുത്തി സെപ്റ്റിക് ടാങ്കില്‍ തളളിയ നിലയില്‍ കണ്ടെത്തി.കൊല്ലം കുണ്ടറ കാക്കോലിലാണ് സംഭവം. കേസില്‍ ഭര്‍ത്താവ് വിജയരാജനായി പോലീസ് അന്വേഷണം തുടങ്ങി. കാക്കോലില്‍ വിഷ്ണു മന്ദിരത്തില്‍ വിജയരാജന്റെ രണ്ടാം ഭാര്യ മിനിയാണ് മരിച്ചത്. വീടിനോട് ചേര്‍ന്ന ആട്ടോ മൊബൈല്‍ വര്‍ക്ക് ഷോപ്പിന് പിന്നിലെ സെപ്റ്റിക് ടാങ്കിലാണ് മിനിയുടെ മൃതദേഹം കണ്ടെത്തിയത്. കഴിഞ്ഞ വ്യാഴാഴ്ച മുതല്‍ മിനിയെ കാണാനില്ലെന്ന് കാട്ടി ഭര്‍ത്താവ് വിജയരാജന്‍ പോലീസില്‍ പരാതി നല്‍കിയിരുന്നു. എന്നാല്‍ പോലീസ് അന്വേഷിക്കുന്നതിനിടെ കഴിഞ്ഞ ദിവസം രാത്രി ഭാര്യയെ താന്‍ കൊലപ്പെടുത്തി സെപ്റ്റിക് ടാങ്കില്‍ തളളിയിട്ടുണ്ടെന്ന് വിജരാജന്‍ എസ് ഐയെ അറിയിക്കുകയായിരുന്നു. ആത്മഹത്യയ്ക്ക് ശ്രമിച്ച നിലയില്‍ ആശുപത്രിയില്‍ ചികില്‍സ തേടിയ ഇയാള്‍ പിന്നീട് ഒളിവില്‍പോയെന്ന് പോലീസ് അറിയിച്ചു. ആദ്യ ഭാര്യയെ ഉപേക്ഷിച്ച വിജയരാജന്‍ രണ്ടാം ഭാര്യയുമായി നിരന്തരം കലഹമായിരുന്നുവെന്ന് നാട്ടുകാര്‍ പറയുന്നു. പ്രതിക്കായി തെരച്ചില്‍ ഊര്‍ജിതമാക്കിയതായി പോലീസ് അറിയിച്ചു.

Leave a Reply

Your email address will not be published.

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

belowhead